منتديات حوامل النسائية - شوفوا مواقفي في أول زواجي للجادين فقط ههههه

منتديات حوامل النسائية (https://naqatube.com/index.php)

- منتدى الحياة الأسرية والزوجية (https://naqatube.com/forumdisplay.php?f=61)

شوفوا مواقفي في أول زواجي للجادين فقط ههههه

hwaml12مساء الخير وصباح الخير لكم يا أحلى ستات بالعالم

شوفو بصراحه أمس طول الليل قعدت أسترجع ذكرياتي وقعدت أضحك على نفسي كيف كنت أول الزواج قلت أشاركم وتشاركوني تجاربكم لأن أي وحده في البدايه تكون قليلة الخبره أما أنا بصراحه عديمة الخبره بشي إسمه زواج بيت مطبخ يعني من كل النواحي والسبب كنت مره دافوره بالمدرسه كانت كل حياتي الدراسه بعيد عنكم مره بالعيد بالعيد قعدت أذاكر أحياء حتى الوالد شافني راح قال لأمي بنتك مريضه نفسيا في أحد يذاكر بالعيد

المهم ماعلينا نرجع لموضوعنا

أنا تزوجت بعد الدراسه (ثالث ثانوي)بأسبوع ورحت لبيت زوجي والله معلوماتي صفر في شيئ اسمه زواج الغلط فيني كانت امي كل ماتجي تنصحني أعصب وأقوم وإذا قالتلي اطبخي قرون تطلع من راسي وأرفض تماما أمي قالت كيفك أنت الخسرانه وكان معاها حق الله يحفظها

المهم بعد الزواج بإسبوع جتني حراره وتعبت وفطريات بفمي عطاني الدكتور بلسم لها ينحط على اللسان للفطريات بالفم ركزوا معي زين جايتكم العلوم الصح وإستخدمته ومره كان حلو

بعدها بفتره جتني التهابات بــــــــــــــــــــ ؟؟؟؟؟؟؟؟(المنطقه الحساسه) رحت قلت لأمي قالت لازم تروحين للدكتوره تفحصك أول مادرت ان الفحص من تحت إنجنيت ,,,,,,,,,,(ياناس مره أستحي) قلت لا والله ماروح وأنا أجيب ذاك البلسم حق الفم وأحطه بصراحه كانت النتيجه مذهله أهم شيئ راح الالم بس كانت العواقب وخيمه بلاش أعلمكم

بعدماراحت أيام الدلال كان لازم أدخل المطبخ قلت أبتدي بمعكرونه بالصلصله وأجيبها وأغسلها لحد ماقالت بس وطلعت المعكرونه هي الصلصه

وبعدها لازم الغسيل وما أدراكم ما الغسيل أخذت الملابس وحطيتها وعلى جيت زوجي بعد شوي رحت أطلع الملابس وأحس شيئ قاسي بإيدي تخيلوااااااااا وش طلع؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

جواله وكان لسه شاريه عريس ويبي يتكشخ أنا وجهي تلون ورحت لقيته يدور عليه لأنه نساه من حسن حظي قال وين جوالي قلتله ووجهي طماطم صرت أنا البندوره الحمرا
غسلته في الغساله والله يرحمه روح إدفنه بصراااااااااحه هو بغى يبكي بس تماسك وراح إشترى جوال ثاني أول مادخل جبتله كاس عصير وقعد وقال اشتريت جوال جديد ولسه راح يطلعه من جيبه طلع سعادته جالس عليه يعني شفته مكسور بس هذه المره مالي ذنب

طبعا وأول ليله بما إني متزوجه مطوع أول مادخلنا قال نصلي ركعتين طبعا انا استحيت اقول بعد شوي خفت يفهمها غلط قلت طيب والمشكله لابسه كعب والفستان والطرحه وفوقها العبايه حوووووووووووووووووووسه يعني والمشكله كنت لابسه تاج وانكسر في الكوافير بس مسكناه في شعري بالغصب صرت كل ما أسجد بدل ما أدعي يارب وفقني أقول يارب التاج مايطيح يارب التاج مايطيح والحمدلله ماطاح

كفايه عليكم كذا ومعذره على الاطاله وأكيد كل وحده عندها مواقف قوليلنا ولو موقف واحد شوفوا انا كتبت كم موقف ههههههههههه قاعده أحمسكم بسرعه اكتبوا ياحلوات ؟؟؟؟؟؟؟؟؟؟؟؟؟؟