|
الأسبوع الخامس من الحمل بدون كيس ولاجنين والهرمون مضبوط شلون
السلام عليكم ورحمة الله وبركاته
بنات انا حامل بالأسبوع الخامس سويت هرمون الحمل قبل يومين طلع 12707 وسونار داخلي كان فيه جيس بدون جنين وبعد 48 ساعة 16060 قالتلي الدكتوره شي غريب علشان ماتضاعف سوتلي سونار داخلي قالتلي مافي جنين ولا كيس وراح ينزل عليج دم مافيني عوار بنات ولا دم شنو هذا مو فاهمه وليش الهرمون مرتفع عادي المفروض اذا اجهاض ينزل الهرمون مو يرتفع وهل يبين الجيس والجنين وهو صغير ماكمل اسبوعه الخامس |
رد: الأسبوع الخامس من الحمل بدون كيس ولاجنين والهرمون مضبوط شلون
انطركم لا هنتوا
|
رد: الأسبوع الخامس من الحمل بدون كيس ولاجنين والهرمون مضبوط شلون
اختي بدون كيس اهون عشان لو نزل ولا شي مايصديج الم رهيب ولاتتألمين الله يسهل عليج
|
رد: الأسبوع الخامس من الحمل بدون كيس ولاجنين والهرمون مضبوط شلون
انا رايي استني لا تاخذين حبوب او تشربين شي ينزله انتظري
لانه مره وانا رايحه موعد للعياده وحده من النسوان قاعده تتكلم تقول مرت اخوي صار لها شهر كامل وهي كل مره تروح موعد لها للمستشفى يقولون لها مافي جنين بس كيس لحاله وبعد الشهر راحت موعد وقالو لها ايه باين الحين فيه جنين بس صغير ... فسبحان الله فلا تستعجلين دام هرمونك في ازدياد لا تنزلينه استني بعد شهر ونص احتمال يبان عندك البيبي ..... فحرام الاستعجال hwaml9 |
رد: الأسبوع الخامس من الحمل بدون كيس ولاجنين والهرمون مضبوط شلون
اولا مبروك الحمل وانا الدكتوره قالت لي دام الهرمون في زيادة يعني الحمل طبيعي وسليم .. موكل دكتورة يكون تشخيصها سليم ماعليك منهم دام مامعاك عوار او دم الحمدلله
واسمعي انا سويت تحليل الهرمون وبعد 3 ايام رجعت سويته نزل الهرمون وبعدها اجهضت .. وكثير ناس مايبن معاهم الا بالاسبوع السادس او السابع لا تستعجلين يالغاليه .. وربي يطمنك على صحة جنينك ويعوضني يارب عاجلاً غير اجلاً |
رد: الأسبوع الخامس من الحمل بدون كيس ولاجنين والهرمون مضبوط شلون
انا قالوا لي كيس وكانوا بجهضونه لي...
بس انا مارضيت وفي سادس اسبوع بيين الجنين...<<<سابقااا غير اختي قالوا لها كييس ومارضت ينزلونه لها... صبرت تقريبا لين قام ينزل منها افرازات بنيه وراحت وسوو لها سوناار وقالوا انه كيس ومعفن سوو لها تنظيف... اصبري لا تستعجلين... اخت زووجي مسكينه تمت تقريبا شهرين ودايم يقولون لها كيس راحت عند دكتوور شااااااااطر سوا لها سونار قالت في جنين بس ضعيف كاانه نقطه وشوفيها الحين ولدت وجابتها مررره ضعيفه... اتمنى اكوون افدتك وربك كريم... |
رد: الأسبوع الخامس من الحمل بدون كيس ولاجنين والهرمون مضبوط شلون
انا بالضبط مثل حالتك في حمل السابق كان الهرمون يرتفع وكلما سووا لي تصوير مافي كيس ولا جنين لحد ما قالوا اكيد مدام الهرمون قاعد يرتفع ومافي جنين في الرحم معتانه انو خارج الرحم لكن اهو ما كان خارج الرحم ولا شي لانه بعدين تاكدوا من التصوير لكن انا الله ما كتب لي انو يكمل الحمل .. فما عليج منهم اصبري وتوكلي على الله
|
| الساعة الآن 06:45 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .