|
قد قريتو اقصة ولادة .. لكن ماقد قريتوا قصة موعد متابعه
صباح الخير...hwaml7
هذي قصة موعدي الأول طويلة الله يعينكم عليها أمس رحت لموعدي بالمستشفى الجامعي صليت الفجر وطلعت من البيت لأن بيتي بعيد وصلت للمستشفى الساعه 7 وكان موعدي الساعة 8 كنت مبسوطه قلت أول وحده تتدخل على الدكتوره ومخطط إذا خلصت نفطر برا قلت ماراح ياخذ الكشف أكثر من نصف ساعه جت الساعه 8 وتوهم يدخلون حقين الإستقبال ويوم عطيتهم ورقة الموعد قالولي روحي غرفة قياس الضغظ لقيت فلبينيه وعطتني علبه تحليل البول (الله يكرمكم ) وإختفت على طول ودخلت ثانيه جيت بسأله إنه وين دورة المياه ووين أحط التحليل وبنت اللذينا أول ماقلتلها سستر إنفجرت بوجهي ماما سوي تحليل أول قلتلها طيب وين ورفعت صوتها خرعتني تقولي أستغفر الله ماما ليه إنتي ماتسمعين كلام قهرتني ماخلتني أنطق أكلتني بقشوري قمت رفت صورتي وقلتلها إنتي إسمعيني المهم خلصت وكنت خايفه إن دوري راح ... وجت 8 ونص ولا نادوا إسم أحد وجت 9 .... 9ونص .....عشر إلا.... قمت جلست جنب وحده حبوبه مراجعه سألتها وسولفت معاها ... قالتلي معلومة الصراحه إنصدمت hwaml03 إنهم ماراح يدخلوني على الدكتوره الإستشاريه اللي مكتوب إسمها على ورقة المواعيد وإنها بس إسم حاطينها بالورقة وإن اللي يكشف على الطلبه عاد أنا وحظي ياتطلعي طالبة أو طالب حسيت إني فار تجارب وعلى الساعة 10 دخلوني على طالب أنا أول ماشفتة بغيت أصيح مواصفاته (طالب / سعودي / وبزر / وخكري ) وقام يسألني أسأله محرجه أنحرج أجاوبها لحرمه موعاد رجال ويناظر فيني ويضحك hwaml4وغير كذا قالي ولادتي بشهر 6 وأنا ولادتي بشهر 4 يعني زادني شهرين hwaml4 hwaml4 وكل ماكتب على علاج خانقته الممرضه hwaml17وتقطع الورقة والله مايعرف كوعه من بوعه بغيت أقعد أشرحلة رحمته مرتبك بس وقح يوم كشف علي قال ماقالولك شي عن البيبي قلت له إلا بنت قال : لا أقصد صحتها ماقالولك قلت لا قال حسيتي بحركتها؟؟؟ ووصفي لي الحركه ؟؟؟ كل كم تتحرك ؟؟؟؟وماقد جاك إغماء ؟؟؟؟ بعدين قال إنتي لازم تسوين أشعه صوتيه مستعجله اللحين وطلب 5 عينات دم أنا ماقدرت أوفق على رجولي من الخوف وقمت أصايح وأقول إن المستوصف الخاص اللي متابعة الحمل عنده ماقالتلي شي الدكتوره شكلهم بس يبون فلوس وماهمهم صحتي وصحة الجنين المهم يوم سويت الأشعه وتقوم الدكتوره الهنديه حسبي الله عليها تهاوشني وتقولي إنتي كذابه كذبتي علينا وعلى الدكتور قلتلها وش السالفه !!! قالت مافيه دم ليش تقولين لدكتور كذا وكل مادخلت وحدة قالتها هذي كذبت على الدكتور الجنين سليم كذبت عشان نسويلها أشعه ... قهرتني hwaml4 أنا من خوفي من كلام الدكتور ماقدرت أرد عليها وأول ماقالتلي إن الجنين سليم إنربط لساني يعني هم اللي غلطانين وينافخون خوفوني ووقفو قلبي بغيت أنهار عليهم يحسبوني ألعب عليهم علشان يسوون أشعه مادروا إنه كل مراجعه لي بالمسوصف الخاص آخذ أشعه وإني موبحاجتهم الحمدلله ... ونسيت أقولكم نقطة بعد كل مراجعة لي عند طالب جديد أقعد أشرحله قصة حياتي hwaml15 ... مرة مصدومه hwaml03 hwaml03 من المستشفى ومقهوره hwaml15 hwaml15 بعد ولا طلعت من المستشفى إلا الساعه 1 الظهر وتحول الفطور لغداء ... الله يكوني بعون اللي مضطر له والله يسخر لي الدكتوره الحنونه اللي تولدني ... وبالنهاية أنا صرفت النظر عن الولاده بهالمستشفى hwaml10.. وآسفه على الإطاله hwaml16... |
رد: قد قريتو اقصة ولادة .. لكن ماقد قريتوا قصة موعد متابعه
الله يقومك بسلامه والطلاب ماااعليك منهم والي يصااارخ عليكي صاارخي عليه بطريقته ليه انتو لعبه بيدينهم واذا بغيتي تولدين اولدي عندهم وماراح تجيكي الا الاخصائيه ان شالله
|
رد: قد قريتو اقصة ولادة .. لكن ماقد قريتوا قصة موعد متابعه
شفووو القهر حتى الكيبوورد مايبغى اكتب بعد ماكتبت معاناتي معااااااااهم امسح
اهيء اهيء اهم شيء الزبده انهم كذااابين وعلى مواعيدهم زفت حتى الموعد يقول تعالي بعد 6 شهووور عشان نعطيك اقرب موعد امداني مت وقمت ومت وهم لسى الله المستعان |
رد: قد قريتو اقصة ولادة .. لكن ماقد قريتوا قصة موعد متابعه
ياشيخه الله يلعنهم ويلعن مواعيدهم زي وجيهم
|
رد: قد قريتو اقصة ولادة .. لكن ماقد قريتوا قصة موعد متابعه
الله يكون في عونك قهروك بدون فايده
والله كلهم مايعرفون فالطب شي بس بالاسم قاعدين والي يقهرك يجيبون ناس توها تتعلم ويلا اكلي هم من وراهم |
رد: قد قريتو اقصة ولادة .. لكن ماقد قريتوا قصة موعد متابعه
الله المستعان
|
رد: قد قريتو اقصة ولادة .. لكن ماقد قريتوا قصة موعد متابعه
لا حول ولا قوة الا بالله ... حسبي الله ونعم الوكيل على هيك وضع
تذكري المهم سلامتك اختي... وحقك تعرفي ادق التفاصيل اللي تخصك بالذات عند الكشف الخطأ..و اللخبطة الله المستعان غاليتي |
رد: قد قريتو اقصة ولادة .. لكن ماقد قريتوا قصة موعد متابعه
لا حووووووووول من جد معاناة .. أصلا لو انا منك . كان اول ما شفت خشة الولد
طلعت وبدون رجعة بعد .. وش هذا ؟؟ طيب حطوا الطلاب والطالبات بأماكن ما تأثر على المرضى واذا شفتم انهم كفؤ شغلوهم مو كذا اوول ما يتدربون يتدربون على شيء ثقيل ومهم .. الله يعينك ولا عاد تطبين ذا المستشفى |
رد: قد قريتو اقصة ولادة .. لكن ماقد قريتوا قصة موعد متابعه
يااختي اللي يصارخ صارخي عليه مثل ماقالت الاخت
انتي مو اقل منهم واهم لهم حق يصارخون ويقولون اللي بقلبهم وانتي لا مثل مايسوون لك سوي لهم وبردي قلبك بس لا تولدين عندهم لانه بيحطون حرقتهم فيك |
رد: قد قريتو اقصة ولادة .. لكن ماقد قريتوا قصة موعد متابعه
هلا حبيبتي من جد موقف لاتحسدين عليه
بس حبيت اقولك اخوي دكتور وانا تقريبا صار لي نفس موقفك بس في الولاده تخلى طلاب يتدربون فيك وانتي تولدين وموت وتعب وقلتله وخاصمني قالي من حقك ترفضين وتطردينهم وعلى طول يجبون غيرهم والله يسهل عليك يارب |
| الساعة الآن 04:42 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .