منتديات حوامل النسائية - كيس حمل متعرج وحساب السونار غلط

بنات اخر دورة كانت يوم 6 شهر نوفمبر ولما رحت للدكتورة يوم 14 شهر ديسمبر عملت سونار وقالت ان انا حامل فى خمس اسابيع وست ايام على حساب السونار وقالت موعد الولاده يوم 9 شهر اغسطس
رحتلها امبارح 4 شهر يناير عملت سونار الاول قالت مش واضح حاجه وطلبت اشرب ميه كتير وارجعلها رجعتلها شافت الكيس والجنين بس قالت السونار بيقول الولاده يوم 12 شهر سبعه وان الكيس متعرج وطلبت منى تحليل رقمى واعيده بعد يومين لو اضاعف الحمل هايكمل وهاتدينى حاجات تزود الاكسجين ولو النسبه ما اتضاعفتش يبقى مش هايكمل
انا دلوقتى مش فاهمه السونار من اول مرة حاسب حملى زياده اسبوعين وعلى حسابه حتى لو يوم الولاده 9 شهر اغسطس يبقى يوم ما رحتلها كان الحمل لسه ماكملش خمس اسابيع وهى بتقولى تقريبا سبعه
وتانى مرة بتقولى الكيس متعرج يعنى الجنين مش بينمو طب ليه السونار مقدم موعد الولاده اوى كده دة مزود اكتر من شهر على عمر الجنين منين متعرج ومنين مقدم موعد الولاده
طبعا الله لا يوريكم اليوم اللى قضيته امبارح انهيار وخنقه وفى انتظار اول نتيجه للتحليل الرقمى
حد حصل معاه كده مع العلم انى سالتها على النبض قالت مش بيبان دلوقتى
والسونار بتاعها عادى وشكله قديم
على حساباتى انا لسه ماكملتش شهرين
طمنونى بالله عليكم انا ربنا كرمنى ببنتين وعندى 41 سنه وفرحانه اوى بالحمل ده عشان حاسه انه هديه من ربنا