|
نزل مني ماء قليل وأنا الحين في الشهر السابع أفيدوني ..
السلام عليكم أتمنى الكل يكون بخير .. و تفيدوني في هذا الموضوع لإني بكريه أمس قبل ماأنام وبعد ما أستلقيت ع الفراش حسيت نزل مني ماء قليل ..!! بلل ملابسي الداخليه شوي وأنا متأكدهـ إنه مو بول ( وأنتم بكرامه ) وكان ماء ولا له لون ومش لزج خايفه يكون ماء الجنين .. وش أسوي ؟ مع العلم الحين ماينزل شئ ( الحمدلله ) و كنت الفترهـ إلي راحت شوي جاهدهـ نفسي لا نوم عدل ولا أكل عدل هـل يأثر ؟ |
رد: نزل مني ماء قليل وأنا الحين في الشهر السابع أفيدوني ..
مافي أحد يقدر يفيدني ؟
|
رد: نزل مني ماء قليل وأنا الحين في الشهر السابع أفيدوني ..
حبيبتي مادام مالها رائحه وزي الماي من غير افرازات
ممكن تكون ماية الجنين روحي للدكتورة ضروري خليها تكشف وراح تعرف اذا هذي موية الجنين او لأ لأن نزول موية الجنين تأثر عليه روحي في اقرب فرصه |
رد: نزل مني ماء قليل وأنا الحين في الشهر السابع أفيدوني ..
يالغاليه ياليت تروحين للمستشفى حتى تطمني ..
هذا رد أحد الأطباء: فأسباب نزول ماء الجنين المبكر قد يكون نتيجة ضعف في الغشاء، نتيجة الضغط الداخلي، أو نتيجة تقلصات الرحم، ولكن في الغالب يحدث نتيجة وجود التهابات في الرحم. وفي هذه الحالة يجب دخول الحامل إلى المستشفى، ووضعها تحت الملاحظة، مع عمل بعض التحاليل للدم والبول، ومسحة مهبلية للتأكد من عدم وجود التهابات، أو عدم حدوث التهابات للأم والجنين، وعمل سونار للجنين، وتحديد كمية السائل حول الجنين، وإعطاء حقن الكورتيزون للأم، للمساعدة على نمو رئتي الجنين، مع إعطاء المضاد الحيوي المناسب، ومن ثم تعتمد الولادة حسب تقييم الطبيب للحالة. |
رد: نزل مني ماء قليل وأنا الحين في الشهر السابع أفيدوني ..
غزاله & سماسم
أشكركم من كل قلبي أنكم أهتميتو في أمري .. والله ماقلت حق أحد بس قلت لزوجي ولكم وإنشاء الله أشوف وضعي و أروح المستشفى في أقرب وقت علشان أتطمن دعوآآآآآآآآتكم لي |
رد: نزل مني ماء قليل وأنا الحين في الشهر السابع أفيدوني ..
طبيعي لان صار لي اكثر من مره
الله يسهلك |
رد: نزل مني ماء قليل وأنا الحين في الشهر السابع أفيدوني ..
هلا اختي فجر انا اقولك طبيعي ولا تحاتين شي
الافرازات عند الحامل طبيعيه او حتى الماء او مدام انك قلتي قليل او بعدها الحمد لله ما في شي يعني لا تخافين بس كذا انا يحصل لي مثلك احيانا مويه او احيانا افرازات بس لو حسيتي انها زايده روحي للمستشفى تطمني |
رد: نزل مني ماء قليل وأنا الحين في الشهر السابع أفيدوني ..
حبيبتي انا اناصحك نصيحه انك ما تتاخري على الدكتووره انصحك كمان تروحي بكره مو بعد كم يووم لانه خطيرره على الجنين عشان تقول الدكتوره كيف تعوضي الموويه اللي نزلت منك لانه مو زين ابدااا هذي نصيحه مني انا ما اخوفك لكن لانه مرت في وحده اعرفهااا ومويه الجنين نزلت عليها وتاخرت على المستشفى وسو لها عمليه قيصريه عشان كذا اقلك رووحي باقرب فرصه والله يسهل امرك ياااارب وماتشوفي شررر
|
رد: نزل مني ماء قليل وأنا الحين في الشهر السابع أفيدوني ..
الأفضل ترووحي عند الدكتوره وتطمنك لآ تسكتي على أي شي يصير لك صغير سوآء ولآ كبيره
وإن شـآء الله كله تمـآـآم الله يسهل عليكي وعلي يـآرب ... |
رد: نزل مني ماء قليل وأنا الحين في الشهر السابع أفيدوني ..
شكراً لكم خوآتي
وشكلي بروح أتطمن ع نفسي أدعو لي .. |
| الساعة الآن 02:59 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .