منتديات حوامل النسائية

منتديات حوامل النسائية (https://naqatube.com/index.php)
-   منتدى علاج العقم و تأخر الحمل (https://naqatube.com/forumdisplay.php?f=18)
-   -   عملت تلقيح صناعي للمره الرابعه (https://naqatube.com/showthread.php?t=378981)

الله أملي ورجائي 11-04-2018 11:36 AM

عملت تلقيح صناعي للمره الرابعه
 
السلام عليكم ورحمه الله وبركاه
شلونكم بنات انا اعتذر عن الانقطاع الي دام سنين ولاكن انقطعت بضروف رغمآ عني بسبب الدراسه وضغوطات الحياه
اغلب البنات يعرفون انا منتظره الحمل لي سنوات وعمر بنتي صار عشره الله يحفظها
طبعا لاانا فيني خلل ولا زوجي كذالك اثنينا اللهم لك الحمد مانعاني من شي
انا اقيم في دوله اوربيه من 18 سنه ومايعلم بغربتي غير رب العالمين
لمه ادخلت بنتي الروضه وكملت 4 سنوات فكرنا انا وابوها نجيب لها اخو او اخت ان شاءالله
وصارلي ست سنوات احاول ومافي اي حمل
لجئت للتلقيح الصناعي وسويته اول مره وانزلت الدوره قبل التاريخ المحدد بخمس ايام
وسويتها الشهر الي بعده وبعد انزلت الدوره قبل موعدها بخمس ايام للاسف
وكررتها مره ثالثه بعد ماخذيت راحه شهر وانزلت الدوره قبل موعدها باسبوع طبعآ صابني تحطيم موطبيعي حتى الدكتوره الي سوتها لي قالت مستغربه قاعد تنزل عليج الدوره قبل موعدها جدا مبكره
قلت لها في شي علط بالموضوع فقالت لي حابه تعيدينها قلت لها لا حاليآ ماافكر واريد اخذ راحه على القليله ثلاث شهور تعبت من الادويه والمنشطات وبنفس الوقت التكاليف الي قعدتني على الحديده
كل محاوله توصل 800 دولار
المهم قررت اسوي العمليه هالشهر وبالفعل كلمت الدكتوره وقلت لها ثلاث مرات والعمليه تفشل اذا تضل جذي تفشل انا موقادره اسويها واكررها كان من البدايه قايلين لي حتى اتوكل على الانابيب وتكلفه الانابيت ثلاث الالاف دولار ولا الخساير الي قطيتها هيه شافتني تنرفزت وعصبت قررت تعطيني بدل الكلوميد ابر بالبطن كل يوم ابره وقالت مفعولها اضبط من الكلوميد قلت لها اوك واتفقت معاهم وقالولي اول ماتنزل الدوره خاطبينا علشان نكتب لك على علاج وبالفعل طرشت لهم ايميل وطرشولي العلاج وخذيته وكان عباره عن كرتون كبير فيه مايقارب ال 15 ابره مع قلم كبير ويوجد داخل القلم محلول وحددت لي كل يوم اخذ جرعه 75 مل من خامس يوم الدوره لغايه سبع ايام وعقب عطتني موعد سونار حتى تشوف احجام البويضات ورحت للسونار ولقت عندي ثلاث بويضات اثنين حجمهم ممتاز والثالثه 12
قالت هذي ابره تفجيريه تاخذينها اليوم الساعه عشره بالليل ويجي زوجك عقبه الصبح يعطينا العينه وانتي موعدك بال12 علشان نحقن الحيوان المنوي
وبالفعل راح زوجي بعد طلايب ودوخه راس وانا رحت بال 12 وخذت لي سونار وقالت البويضه مفجوره وكلشي تمام حقنت الحيوان المنوي وقالت قومي انا قمت على طول وقالتلي بكتب لج على لصقات مثبت حمل وكل ثلاث ايام تغيرين وحده وباماكن مختلفه بجسمك وراح اكتبلك كريم مهبلي يجي على شكل حقنات كل يوم وحده بالليل وورى 15 يوم حللي بهذا التحليل المنزلي
وطلعت منها اليوم لي 11 يوم بالضبط من التلقيح وموحاسه اني حامل اعراض الدوره شالتني شل
واليوم قلت بحلل تحليل منزلي اول مااقعد الصبح يمكن القى خط ثاني مسدوح جنب اخوه ولعلها تباشير خير
لان قبل بالمرات السابقه كنت اسوي تحاليل بيوم 8 وعشره ويطلع سالب بس سبحان الله اليوم حللت ومن اول دقيقه طلع لي الخط الثاني اللهم لك الحمد حمد الشاكرين
باقي على الموعد اربع ايام ادعولي يابنات امانه ان ربي يجبر بخاطري هالشهر....

زينه ! 11-04-2018 08:00 PM

رد: عملت تلقيح صناعي للمره الرابعه
 
وعليك السلام ورحمة الله وبركاته
ماشاء الله تبارك الرحمن

اسال الله ان يفرحك بالحمل السليم المعافى ويرزقك بالذريه الصالحه يااااااارب .. استودعي جنينك الله الذي لاتضيع ودائعه واهتمي بصحتك واكلك ولاتضغطين ع نفسك لا بالشغل ولابالحركة خاصه الثلاث الأشهر الاولى .

الله يتمم حملك على خير ويسهل ولادتك يارب .

الأمل * 11-04-2018 10:47 PM

رد: عملت تلقيح صناعي للمره الرابعه
 
ألف مبروك حبيبتي الله يتمم حملك بخير وعافيه وتجيبي أحلى توأم
وفعلاً الإبر ممتازة جداً اسمها جونال اف 300 تجي ابر صغيره مع قلم وتضرب تحت الجلد تنشيطها ممتاز انا استخدمتها وسويت تفجير بس كان التلقيح طبيعي مو صناعي والحمدلله أنا حامل في الشهر الثاني الله يتمم لنا
ويرزق كل من تتمنى الحمل السليم المعافى

حبيبة الأسمراني 11-04-2018 11:41 PM

رد: عملت تلقيح صناعي للمره الرابعه
 
الله يتمم فرحتك ياقادر ياكريم

الله أملي ورجائي 11-04-2018 11:54 PM

رد: عملت تلقيح صناعي للمره الرابعه
 
اقتباس:

المشاركة الأصلية كتبت بواسطة زينه ! (المشاركة 4273374)
وعليك السلام ورحمة الله وبركاته
ماشاء الله تبارك الرحمن

اسال الله ان يفرحك بالحمل السليم المعافى ويرزقك بالذريه الصالحه يااااااارب .. استودعي جنينك الله الذي لاتضيع ودائعه واهتمي بصحتك واكلك ولاتضغطين ع نفسك لا بالشغل ولابالحركة خاصه الثلاث الأشهر الاولى .

الله يتمم حملك على خير ويسهل ولادتك يارب .

الله يسمع منك واطلع حامل جزاك الله خير ع مرورك يالغاليه

الله أملي ورجائي 11-04-2018 11:55 PM

رد: عملت تلقيح صناعي للمره الرابعه
 
اقتباس:

المشاركة الأصلية كتبت بواسطة الأمل * (المشاركة 4273380)
ألف مبروك حبيبتي الله يتمم حملك بخير وعافيه وتجيبي أحلى توأم
وفعلاً الإبر ممتازة جداً اسمها جونال اف 300 تجي ابر صغيره مع قلم وتضرب تحت الجلد تنشيطها ممتاز انا استخدمتها وسويت تفجير بس كان التلقيح طبيعي مو صناعي والحمدلله أنا حامل في الشهر الثاني الله يتمم لنا
ويرزق كل من تتمنى الحمل السليم المعافى

ربي يسمع منك واطلع حامل ربي يتمم حملك وتشوفين ضناك سليم معافى وجزاك الله خير ع الدعوه فديتك

الله أملي ورجائي 11-04-2018 11:56 PM

رد: عملت تلقيح صناعي للمره الرابعه
 
اقتباس:

المشاركة الأصلية كتبت بواسطة حبيبة الأسمراني (المشاركة 4273383)
الله يتمم فرحتك ياقادر ياكريم

اللهم امين يالغاليه لك بالمثل حبيبتي

υм вtℓαα 11-05-2018 05:50 PM

رد: عملت تلقيح صناعي للمره الرابعه
 
الله يرزقك يارب بحمل سليم معافئ وتجيبي احلى بيبي يملي عليكم البيت يارب
بشريناااااااا دعواتنا لك بالثبات

الله أملي ورجائي 11-05-2018 07:28 PM

رد: عملت تلقيح صناعي للمره الرابعه
 
اقتباس:

المشاركة الأصلية كتبت بواسطة υм вtℓαα (المشاركة 4273394)
الله يرزقك يارب بحمل سليم معافئ وتجيبي احلى بيبي يملي عليكم البيت يارب
بشريناااااااا دعواتنا لك بالثبات

بعد عمري مشكوره ع الدعوه وربي يسمعك منك يارب


الساعة الآن 05:07 PM.

Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)

Privacy Policy - copyright

لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .