حالة عيالي تؤرقني
 

السلام عليكم امهات.... انا ام جديده على هالمنتدى حبيت اشارك معاكم علشان استفيد من ردودكم وخبراتكم...
انا عندي ولد عمره 5سنوات ضعيف جدا جدا وزنه عند الولاده 2.400
حاليا وزنه 11كيلو فقط شكله اقرب الى الهيكل العظمي للأسف صحته الحمدلله زينه ولكن كل شخص يشوفه عباله معاق كان يرضع طبيعي فالبدايه ويشهد الله ما قصرت معاه فالسهر والتعب بس بسبب التفكير فوزنه وكلام الناس وكل مره يقولي الطبيب ولدك ضعيف صرت افكر وما اكل ونشف الحليب من صدري فضطريت ارضعه صناعي كل ساعتين وما افوت موعد الرضاعه هو رضاعته قليله جدا ... المهم من شهرين واسبوعين ولدت ووصلت بنتي ريان على الدنيا كان وزنها 3.400 فرحت وايد لانه وزنها وااايد فرق بينها ويين اخوها ارضعها طبيعي وكل ساعتين واحيانا كل ساعه ونص ارضعها لاني خايفه تصير ضعيفه مثل اخوها طبعا بالليل مستحيل انام اخاف انام وتروح علي نومه ويروح موعد رضعتها وطول الليل امشي واحوس مره بالصاله ومره بالحوش ومره بغرف البيت بس علشان ما انام لاني من كم اسبوع غفت عيني وما قمت إلا بعد 4 ساعات من موعد رضعتها وجلست ابكي كله بس افكر فوزنها لا ينقص واشتريت ميزان كل يوم اوزنها ووزنها يزيد شوي لكن للأسف من مدة 3 اسابيع ووزنها ثاااابت ما تغير 4.700 واحسها جسمها صاير ضعيف يعني مو مناسب لسنها وانا من 3اسابيع اوزنها يوميا ونفس الوزن ما تغير طبعا هو طبيعي لسنها ويمكن يكون مناسب لكن دام ثابت ما تغير معناه راح ينقص وايد.. تعبت من التفكير والسهر جسمي تغير وجهي صار شاحب وكرهت الناس كل ما شافوا عيالي يتكلموا ويقولوا انتي ما ترضعيهم ولا مهتمه فيهم... انا بسبب ضعف وزن ولدي الاول وكلام الناس إلي أثر فيني عملت مباعده بين الطفل الاول والثاني نفسيتي تعبت وايد مادري شو الحل وكيف ازيد وزن بنتي؟ مع العلم انها بنتي رضاعتها قليله جدا فقط الى الان 60ملي واحيانا ما تكمللها... هل كل عيالي بيصيروا كذيه؟

رد: حالة عيالي تؤرقني
 

يا عمري المشكلة الي عند ولدك مسببة لك قلق وأرق وارهاق
بنتك طبيعية رضعيها في النهار كل ساعتين أما في الليل رضعيها لما تطلب فقط ولا تصحينها من النوم لأنها بهذه الفترة تكون لها روتين للنوم والحمد لله وزنها طبيعي ويقال ان الطفل بعد الولادة يفقد قليل من وزنه وبعدها يرجع يرتفع

اما ولدك حاولي تسوين له الأكلات الي يحبها ولو يحب العصيرات سوي له عصير فريش مثلا حليب بالموز والعسل او افوكادو او كوكتيل لو يحب الكيك سوي له كيكة الجزر او كيك بالفواكه المهم سجلي الأكلات الي يحبها وكرريها كثير
لو هو بكل الحالات اكله قليل خليه يختلط بأطفال العائلة الأكولين يمكن ينعدي منهم ويا رب فتره وتعدي

رد: حالة عيالي تؤرقني
 

شكرا حبيبتي على الرد والله يخليلك حمودي وعبودي ...ان شاء الله ولدي بحاول معاه فالاكل مثل ما قلتي... وبنتي عسى بأذن الله يزيد وزنها اكثر

رد: حالة عيالي تؤرقني
 

حبيبتي خليها ع ربك لاتراقبينهم الي اعرفه
مو زين الطفل احد يراقبه حتى لو امه
واهم شي صحتهم كويسه ماعليك من كلام الناس

رد: حالة عيالي تؤرقني
 

اعطي اخوها فاتح شهيه