منتديات حوامل النسائية - حبيت افيدكم بتجربتي للحمل

منتديات حوامل النسائية (https://naqatube.com/index.php)

- منتدى أعراض الحمل والوحام (https://naqatube.com/forumdisplay.php?f=8)

- - حبيت افيدكم بتجربتي للحمل (https://naqatube.com/showthread.php?t=374389)

حبيت افيدكم بتجربتي للحمل

السلام عليكم ورحمة الله وبركاته hwaml13

بهالموضوع حبيت افيدكم بموضوع الحمل hwaml10
اًول شي ربي يرزق كل محرومه بالذريه الصالحه المعافاة..ربي لا تذرها فردا وانت خير الوارثين..ربي هب لها من الصالحين وبشرها بغلام حليم..ربي ارزقها وارزق المحرومين يا رب العالمين .. اللهم ثبت اجنتنا في ارحامنا واجعلها في قرار مكين اللهم فرح قلوبنا بالحمل السليم التام اللهم آمين وصل وسلم على سيدنا محمد خاتم الانبياء و المرسلين ..

راح اشارككم تجربتي في الحمل وشو حسيت من الاعراض لعل وعسى احد يستفيد من هالموضوع hwaml50

اول 5 اشهر من زواجي عملت تاخير حمل طبيعي لضروف معينه hwaml78 ... كان مايناسبني اني احمل
وبعدها قررنا اني احمل hwaml64.. عدى اول شهر وقلت عادي يصير .. عدى ثاني وثالث ورابع شهر .. قلت عادي .. كملت 8 اشهر ماحملت .. بعدها قلت لا ... لازم يكون في تدخل طبي اكيد في شي غلط بالموضوع hwaml49

فحصت :(

وطلع معاي هرمون الحليب مرتفع .. hwaml15 وعندي اكياس في المبايض ومسبب لي لخبطة في الدورة .. يعني كانت الدوره تتاخر علي 15 او 20 يوم ..

ووكلت امري لله وبدأت علاج شهرين بالدوفاستون فقط لتنظيم الدورة .. والدوستنكس لتخفيض هرمون الحليب .. والشهر الثالث بدات اخذ كلوميد وابره تفجيريه مع دوفاستون .. والحمدلله انتظمت دورتي وقل هرمون الحليب بمعدل جميل hwaml7

بدأت بعدها ايأس من العلاج لان التكاليف زادت علي .. اخذت كلوميد وما اهتميت للابره التفجيريه ومارحت .. ولا اخذت دوفاستون .. بس عناد .. قلت بقوي صلتي بالله هالشهر يمكن انا مقصره ؟ hwaml93

قسمت سورة البقرة كل 3 ايام اختمها .. في اليوم 16 صفحة فقط .. وكل يومين سورة مريم .. مع الدعاء في السجود .. والدعاء بين الاذان والاقامة .. والمغرب طبعا صرت يوميا ادعي وادعي ... واستغفر صرت قبل نومي ليما انام .. hwaml88

بديت اتفائل وحسيت نفسي قريبة من ربي وان ربي بيرزقني .. وبالعكس كلما حسيت اني مقصره ازيد والح بالدعاء

كثرت الصدقات .. انا وزوجي وتركنا كل شيء يغضب ربنا .. اغاني غيبه وغيرها .. hwaml70

ولكن اللي صار ! ان ف ايام التبويض زوجي حجزوه ف الدوام .. و بس صار لنا يوم واحد مع بعض وبعدين راح :( hwaml4

يأست مره ثانيه بس قلت بشجع نفسي .. سبحان الله لعل في ذاك اليوم بركه ..
صرت الح والح بالدعاء ..

المهم خلصت ايام التبويض
ومر اسبوع hwaml53
بدأت احس بالم ظهر مش طبيعي وقلت كان يجيني هالألم بالجامعه لما كنت امشي كثير .. بس هالمرة مامشيت

بدأت اقوم للدوام الصباح فيني غثيان .. كثرت في الاكل .. وزاد تعرق جسمي .. صرت اتغسل ف اليوم مرتين وثلاث .. ودايما اتعطر .. زاد نومي ... وصدري المني كثير من بعد التبويض مباشرة .. hwaml21

قبل الدورة باسبوع بدأ مغص قوي يجيني وانا اقول لاهلي .. ان مايجيني مغص فبطني الا قبل نزول الدورة بنص ساعة .. وهالمرة صار قبلها باسبوع
هنا جلست اقرا ف النت كلهم يقولون حمل حمل حمل .. وقلت ماراح اتفائل hwaml27
بنتظر الدورة

جى يوم الدورة وعدى ومانزلت
وعدى 4 ايام وبدا ظهري يزيد الالم
وصدري يزيد ويزيد hwaml85

فحصت دم وبول والحمدلله طلعت حامل hwaml79

سبحان الله اهالشهر كانت الفرصه قليله ولكن الله كتب .. الحمدلله

اهم شي صلتنا تكون قويه بربنا

ودعواتكم لي الله يسهلها عليّ hwaml03