|
نفاس بدون شغاله او احد يساعدني 😔
السلام عليكم ورحمة الله وبركاته
في البدايه هذه تكون مشاركتي الجديده في المنتدى ولم اجد بعد الله سبحانه سواكم لتساعدوني في محنتي وتفكيري المستمر.. مَن الله علي بالحمل وانا الان ع وشك ولاده ولله الحمد مشكلتي في فترة النفاسه ما ادري وش راح اسوي وهذا بيكون طفلي الثاني فترة نفاستي الاولى ما كانت موفقه رغم اني نفست عند والدتي صحيح ان الام لا يوجد احن منها على اطفالها ولكن الوضع مختلف معي ومعها لانفصالها عن والدي وانا في سن صغيره تزوجت انا وكأي ابنه تريد ان تنفس عند امها ولكنها كانت قاسية التعامل لم تقم بمساعدتي نفسيا ولا باخذ طفلي لكي ارتاح او ع الاقل انام ولو قليلا فدخلت في أكتئاب لمدة ست اشهر وتدهورت صحتي لعنايتي المستمره بالطفل دون الراحه ومازال ظهري يؤلمني رغم مرور 3 سنوات ع ولادتي الاولى وليس لدي اخوات ولست بموظفه لكي استطيع ان استقدم شغاله والحاله الماديه لزوجي لا تسمح لذلك ايضا فاردت الان ان انفس في منزلي باذن الله اردت ان اعرف ما الذي استطيع فعله لكي اسهل علي هذه الفتره ما الاستعدادات التي يجب ان اقوم بها للطفل والمنزل والاكل ارجوكم اعتبروني كاخت وساعدوني بافكاركم وخبراتكم وما مررت بهم |
رد: نفاس بدون شغاله او احد يساعدني 😔
وعليكم السلام والرحمة
تقومين بالسلامة حبيبتي بالنسبة للنفاس لوحدك توكلي على الله اول شيء وجهزي ادويتك من الحين قبل ما تولدي وحطيهم بمكان واحد وملابسك حقات النفاس بعد والغرفة الي بتجلسي فيها بعد ووقت نومتك جهزي كل شيء عندك مثل الحليب والمويه والحفايظ عشان ما تقومي وتتعبي نفسك والملابس اذا ما تسمح المادية تغسلوا برى ، واذا الغسالة بدور ثاني نزليها عندك بنفس الدور واتفقي مع زوجك يتعاون معك وبس هذا الي جاء ببالي الحين الله يسهل لك |
رد: نفاس بدون شغاله او احد يساعدني 😔
وعليكم السلام
الاغلب مثل وضعك وممكن اردى يعني الواحد يقول الحمدالله ويحال ينظم نفسه مافي شي يظل الواحد يعتمد عليه لان محد بيصبر عليك وع اولادك الاانتي وزوجك يكفي اذا هو جنبك وويساعدك ادعي دايما ان الله يساعدك ويكون معك |
رد: نفاس بدون شغاله او احد يساعدني 😔
هونيها تهون إن شاء الله
وبإمكانك انك تطلبي من زوجك مساعدتك في بعض الامور اهم شي تكون نفسيتك مو تعبانه تفائلي وقوي نفسك وبتشوفي ان الشي عادي اغلب المتزوجات بعد الطفل الاول يكون نفاسهم في بيتها |
رد: نفاس بدون شغاله او احد يساعدني 😔
انا نفاسي عند امي ومافي احد يساعدني بطفلتي الاولى عمرها سنة و6 شهور مجننتني الله يصلحها
وبرضو البيبي ماحد يساعدني فيه دوبني انوم هذي وارضع هذي وصاير ضغط علي وظهري وجعه الله لايوري احد بالذات الحين في رمضان وكلهم مشغولين حتى خواتي مايساعدون الله يكون بالعون الله يعينك حبيبتي حاولي مثلا تجهزي خضار مقطعة فرزيها،دجاج قطعيه وفرزيه،كل شي ممكن تحتاجيه، حطي سخان المويا قريب منك وقريب منه اشياءك مثل القرفة والكمون والحلبة والاشياء الي ممكن تشربيها، خلي زوجك يساعدك واذا مايساعد ممكن مثلا تجمعي ملابسكم وكل اشياءك الي يبيلها تنظيف وتجيبي شغالة بالساعة اخف عليك من الشغالة بالشهر تنظف البيت وتغسل ملابسكم وتقطع لك زي ماقلت خضروات تفرزها وتسوي الاشياء الي تحتاجيها والله بيسهلها ان شالله |
| الساعة الآن 04:23 PM. |
Powered by vBulletin® Version 3.8.8
Copyright ©2000 - 2026, vBulletin Solutions, Inc.
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .