|
إستفسار عن إستخدام حبوب الكورتيزون أثناء فترة الحمل
انا حامل لي اسبوعين في السادس وجاني حساسيه بالصدر وربو
من اخر الرابع وصرفت لي الدكتوره بخاخ فنتولين وعندي جهاز بخار المهم ماستفدت شي تجيني كتمه الدكتوره قالت لازم اخصائي صدر ورحت لا ستشارية صدر قالت لازم كورتيزون وصرفت لي حبتين في اليوم لمدة 3 ايام وحبوب للمعده لان البريديزيلون تسبب الم في المعده وصرفت لي بخاخ سيروتايد اللي لونه موف فاتح وانا خايفه ومتوتره من الكورتيزون انه يسبب مشاكل للبيبي وانا حامل بعد 10 سنوات تقريبا ساعدوني اللي مرت عليها حاله مثل حالتي تطمني العلاج ماستخدمته الا من يومين بعد مادخلت اسبوعين من السادس الله يجزاكن خير ويوفق الجميع ويحفظهم من كل مكروه |
رد: حملي والكورتيزون
طيب الدكتور يدري انك حآمل ؟
|
رد: حملي والكورتيزون
اكيد يدري وهي طمنتني انه امان على البيبي بس انا خايفه
وابغى اعرف هل احد مر في نفس المشكله |
رد: حملي والكورتيزون
شوفي ياقلبي...........انتي حامل بعد 10 سنوات لازم تاخذي حذرك شوي خذي الادويه لدكتورة النساء واساليها او الصيديلي يعني بالاحرى شوفي راي ثاني عشان تطمني
لان انا الحين بالتاسع واخذت كريم عضلات اسال دكتورة عنه قالت لي عادي ممكن استخدم اي علاج الاالاالاالاالا شي فيه كورتيزون والتبخير بالبابونج ماينفع معك للكتمه حاولي تتحملي شوي والله كثرت العلاجات والكيماويات مو زينه اللــــــــــــه يطمن قلبك ويتمم حملك |
رد: حملي والكورتيزون
اول شي مبروووك الحمل ..
ثاني شي والله ياختي الادويه اللي تآخذينها تخوووف .. ~ بس احسن شي تسألين دكتورة نساء عنهم .. او شوفي الورقه بدآخل الادويه وشوفي وش مكتوب يصلح للحآمل او لآ ..! وقبل لاتآخذين اي شي آسألي عنه .. لآن حتى البنادول ممكن يضر الجنين وان شاء الله مآفيك الا العافيه والله يثبت ويتمم حملك بالعافيه .. وتولدين بالسلآمه يارب ودعواتك لي :) |
رد: حملي والكورتيزون
الله يجزاكن خير خواتي انا سالت دكتورة نساء
وسالت اكثر من صيدلي كلهم طمنوني لكن الله الحافظ |
| الساعة الآن 10:59 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .