بنات تنصحوني ابلغ الهيئه
 

السلام عليكم يابنات كيفكم
انا كتبت لكم مشكلتي انه فيه بنت حرام رمت لزوجي الرقم في السوبر ماركت واستمرت علاقتهم اربعه ايام
وبعدها اكتشفت وانهى زوجي كل شي بعد ماجرحني وسامحته
المهم الحين يابنات انا عندي رقمها وزوجي يقول انها تتصيد العوائل في السوبر ماركت وانها مستعده تقدم اي شي عشان لفلوس اي شي
انا يابنات محتاره اقدم الرقم للهيئه ولا استر عليها واتركها لربها مع العلم ان قلبي محروق للان لان زوجي تغير كثير
خايفه اسكت وتخرب بيوت عمرانه والحريم ياغافلين لكم الله واكون شطان اخرس
محتاره بالله شورو علي
ابلغ ولا لا وهم يجيبونها بطريقتهم حتى لو كانت الشريحه بدون اسم

رد: بنات تنصحوني ابلغ الهيئه
 

استخيري هاذا الحل الاحسن

ترى الهيئه مو بالسهل

انا مدافع عن البنت ولا اقول بنت حرام ولا حلال >> مايجوز

لكن الهيئه تفضح ومرات تبهذل

وتروح سمعة البنت خصوصا لو كانت بنت ناس

وتروح سمعة اهلها او من الصدمه احد يموت من اهلها

اخاف تحملي ذنب

فافضل شي الاستخاره

رد: بنات تنصحوني ابلغ الهيئه
 

عزيزتي سويت مون اول شي اشكر ردك بس والله قلبي محروق ومن الكلام الي قالته لزوجي مستحيل تكون بنت ناس ولا كان اهلها ردوها
قذره بمعنى هذي الكلمه جلست تجري وراه تبغى توريه جسمها وهي ربي كما خلقتني وتبغى تقابله لوحدهم هذي محترمه وبنت حلال؟ علمها عند ربي
صح زوجي غلط بس هي الي بلته بنفسها
واذا على السمعه الهيئه عندها سريه تامه اذا المتزوجات يرجعون بيوتهم وازواجهم مايدرون عن شي
ودي تذوق الويل عشان تبطل تجري ورا الناس المحترمه وتخرب بيوت وتسبب شتات اطفال
ورح استخير واللي فيه خير يقدمه ربي

رد: بنات تنصحوني ابلغ الهيئه
 

فاهمتك ياختي وربي مقدره وضعك

وعارفه البنات اللي حالتهم كذا

الله لايبلانا ويستر علينا

استخيري وكوني ادعي ان ربي يكفيكم الشر ويبعد عنكم كل مكروه

رد: بنات تنصحوني ابلغ الهيئه
 

استخيري قبل كل شي

لو انا مكانك اكيد اخبر الهيئه عشان تتربى وتعرف ان الناس ماهي لعبه ومن هب ودب سوا الزنا معاها ومع غيرها

خليها عبره لغيرها تستاهل الي يجيها ولا ليش تبي الحرام وتلاحق خلق الله!

هذا رأيي وانتي براحتك

رد: بنات تنصحوني ابلغ الهيئه
 

اللهم استرنا على الارض ويوم العرض والله الرك على زوجك لو مين كانت وايش سوت مايتنزل من وحده لازيها ولا اعلى منها زي ما الحرمه تزني الرجال يزني وكلهم محاسبين امام الله رجم ماقال بس الحرمه او الرجال
الله يسخره لك ويبعد عنكم كل مكروه من شياطين الجن او الانس وقولي اللهم اكفني اياها بما شئت وخوفي زوجك من الله

رد: بنات تنصحوني ابلغ الهيئه
 

حبيبتي والله رأيي من راي سويت مون،، ربك كفيل بها..
وحسابها عند ربها،، انتي بس ادعي ان الله يسخر لك زوجك ومايشوف من الحريم غيرك،، ومن غير زعل زوجك برضو غلطان يوم انه عطاها وجه! البنت أكيد ماتمادت الا يوم حصلت احد يتجاوب معها.. فلا تشيلينها الذنب بروحها وادعي الله بقولك: ربي اكفيني اياه بما شئت.. انتي تعرفين جزء من القصة ومن طرف واحد بس.. تحسبي ووادعي لها بالستر والهداية ومايضيع شي عند ربك..
ابن آدم خطاء وخير التوابين الخطأين،،وزوجك اخطئ ويوم اكتشفتي انهى الموضوع ماكنت تدرين لوين بيوصل معها وعشان يكفر عن خطاه أعطاك رقمها عشان يبرر لنفسه وانه ندمان.. دام كذا الافضل انتي تكلميها وتنصحيها اذا المقصد النصح والهداية .. انتي الان تتكلمين بدافع بغض وعصبية لو هديتي بتشوفي الامور من منظور ثاني..

رد: بنات تنصحوني ابلغ الهيئه
 

لو تركتيها كنت أنانية

تخيلي أنك زوجة رجل آخر سوف تصطاده بحبائلها

الأمر ألأخر بلاغك إنقاذ لها من براثن الهوى

توكلي على الله وبلغي عنها

رد: بنات تنصحوني ابلغ الهيئه
 

انا اقول تبلغين الهيئه وخلي تربيها اذا اهلها ما ربوها
خلي تروح تركض ورة العزاب ليش حاطه بوزها ويه المتزوجين انا لو مكانك كنت بلغت الهيئه هالزانيه تستحق الجلد
قال ايش قال ترمي لرجل رقم وزوجته معاه
ما تستحي على دمها
بعدين اختي اعذريني على قساوت كلامي
بس زوجك كيف ينزل نفسه لمثل هيك مستويات منحطه؟؟؟!!!

رد: بنات تنصحوني ابلغ الهيئه
 

والله يابنات كلامكم كله على عيني وعلى راسي
انا عارفه ان زوجي غلط بس هو انسان يخاف ربه ويصلي ويحبني وعمره ماكدرني ولاقصر معي هي عطته الرقم اكثر من مره لما ابعد عنه في السوبر ماركت واخر مره قالت حتندم لو ماخذته واخذه
وحلف بالله انه اخذه من باب الفضول الله يهديه الشيطان زين له سوء عمله
اما هي فانا مستحيل انزل نفسي واكلمها لانها حثاله وماعندها اخلاق اطلاقا
ممكن تجرحني بالكلام وممكن تكذب ومثل هلاشكال قلوبهم ميته ماتنفع فيهم النصيحه
والرقم انا طلعته من الفاتوره هو ماعطاني اياه
الموضوع مر عليه اكثر من شهر بس فيه شرخ في علاقتنا من ناحيته احسه ندمان لانه يقول انا ماسويتها وانا عزابي اسويها وانا متزوج
وانا احس اني حاقده ومو قادره انسى شي
لاكنه في النهايه ابو عيالي ولازم اسامحه وخير الخطائين التوابين ويبقى الجرح في القلب
بس لايمكن اقارنها بزوجي هي عندها اكيد مليون واحد تكلمه وتلعب عليه وهو هاذي او مره يغلط من تزوجته فيه فرق وهو اقسم على القران انه كان بينهي كل شي اليوم الثاني قبل ماكتشف شي واعترف انه نزل لمستوى مو مستواه انا ماعمري قصرت معه ابد بس الشيطان لابغى يخرب بيت ولقي احد يطاوعه خربه
حبيباتي(( جولييت شوق زوجها نور هنادي تنادي قطرات الندى ))الله يسعدكم على ردودكم الحلوه الي حسستني ان لي احد الجاء له بعد الله
مازلت محتاره الا اني اميل للتبليغ عنها لان مو كل زوجه بتكون ذكيه وتلاحظ ولاكل رجال بيترك مجال للشك كم بيت بتدمر وكم اسره بتفرق
ولازلت اطلب مشورتكم يالغوالي