منتديات حوامل النسائية

منتديات حوامل النسائية (https://naqatube.com/index.php)
-   منتدى علاج العقم و تأخر الحمل (https://naqatube.com/forumdisplay.php?f=18)
-   -   لخبطت الهرمونات وتاخر الحمل (https://naqatube.com/showthread.php?t=368983)

s h u r u q 11-09-2017 02:18 AM

لخبطت الهرمونات وتاخر الحمل
 


السلام عليكم ،
مثل ما تشوفون انا عضوة جديده ، متابعة تجارب الصبايا
من كثر ما كنت ابحث عن حل لمشكلتي ، فقررت ان اسجل
و اشارككم و يمكن القى حل

طبعاً انا متزوجة تقريبا لي سنه ونص
اكلت مانع جنيرا ثمان شهور الدورة الي بعد تركي للمانع ما نزلت الا بحبوب
سويت تحليل للهرمونات وحصلت هرمون الذكوره و الحليب و التكيس مرتفعين ، !!

مع ان قبل زواجي نهائي ما كنت اشتكي من عدم انتظام الدورة !
و وزني تقريبا ٦٠ و طولي ٦٣ يعني ما اشتكي من سمنه !

المهم ما فكرت اخذ اي علاج ! قلت بستنى ثلاث شهور و بعدها بعيدها !
عدتها بعد ثلاث شهور حصلت ان كل الهرمونات تمآم !! الا التكيس نفس ماهو

هنآ عرفت ان المشكلة الوحيده هي التكيس !
طلبت من الدكتورة ان اعمل تحليل لزوجي ! و الصدمة كانت الحركه عنده ٤٠٪

يعني مشكلتنا مشكلتين !

زوجي اخذ فتامين e ثلاث شهور ( لكن مافي تحسن )

طبعاً الدكتورة حكت لي ان الحركة مو ضعيف لدرجة ان ما يصير حمل ،
عملت لي سونار عشان تتابع التبويض حصلت بيوم ١٣ البويضه اصغر من الطبيعي
فقالت من الشهر الجاي تاخذي كولوميد و ابره تفجيرية
عملتها شهرين و صار فيهم جماع لكن ربي ما كتب ، ما احكي لكم عن الآلم الي
شفته بيوم نزول الدورة كنت بموت ٣ ساعات من الوجع لين تنزل .

فزوجي بعدها رفض اكمل منشط وهيك و قال ارتاحي هالفترة
ارتحت تقريباً ٥ شهور و خلالها حصلت ان الدورة تجين كل شهرين مو كل شهر :( !

فقلت برجع اعيد التحاليل و لقيت الصدمة :(
ان في خمول بالغدة و ارتفاع هرمون الحليب و التكيس لازال نفس ماهو !!

قررت اخذ علاج الغدة و هرمون الحليب !

وهالفترة صار معاي التهاب ولما كشفت قالت معاك قرحة !
صرفت لي مضادات كثير وقالت بعد ١٠ ايام نشوف لو ما راحت نعمل كي !


الي ابي اعرفه من تجاربكم ! ايش سبب عدم انتظام الهرمونات ؟
و اذا في علاج لزيادة الحركة يكون باذن الله مضمون احكو لي ؟


ولحد الحين ما حصلت دكتورة احسها مو ماديه او شاطره ! ممكن تفيدوني
علما اني انا ساكنه بالرياض .

و اعتذر على طول الكلام .


عايشه يوسف 11-12-2017 02:28 AM

رد: لخبطت الهرمونات وتاخر الحمل
 
حبيبتي لازم تخلصين على المشي وتغيرين نظام اكلك
التكيس يجي لسمينه وضعيفه عليك باالبردقوش والقسط الهندي
ينظمون دوره وخففي من السكريات والاجبان ودجاج وان شاء الله بيتغير والتكيس بيروح لان عانيت منه
والقرحه سمعت يكونها
وزوجك خل ياخذ فيتامينات وعسل ولقاح

Fatima 14 11-13-2017 05:57 PM

رد: لخبطت الهرمونات وتاخر الحمل
 
اختي زوجك اعملي له خلطة العسل والمكسرات وخلطة العسل وحبوب اللقاح وغداء كلمات النحل وطلع النخيل
بالنسبة الك تابعي علاجك وكمان البردقوش مفيد والنصرانية
الله يرزقك وييسر امرك


الساعة الآن 02:40 AM.

Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)

Privacy Policy - copyright

لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .