منتديات حوامل النسائية - علاج الوحام خيال والله ماتصدقون في نفس الوقت تختفي الأعراض

منتديات حوامل النسائية (https://naqatube.com/index.php)

- منتدى أعراض الحمل والوحام (https://naqatube.com/forumdisplay.php?f=8)

علاج الوحام خيال والله ماتصدقون في نفس الوقت تختفي الأعراض

[السلام عليكم ورحمة الله وبركاته]
حياكم الله يااخوات سعيده جدا بمشاركتي معاكم وهاذي اول مشاركه حبيت أفيد فيها السيدات الحوامل
حملت بولدي الاول والله لايذوقكم كل انواع الوحام حسيت فيها لدرجة اني اتنومت في المستشفى ما اذكر كم مره كل شي من الروائح غثيان من العطور. ومنظفات البيت وريحة بيتي وزوجي بشكل عام ومن الاكل حتى من الناس ما ابغى اشوف احد ولا ابغى أتكلم مع احد 🙄😭 كنت اشم لأي شخص ريحه كريهه.. وكمان يسيل لعابي بشكل كبير زي المويه إلين أولد وانا بذي الحاله تصدقون كان عندي أعراض الولاده وانا لسى اتقيأ 😅😅 اللهم لك الحمد الله يكتب اجري ويكتب اجر hwaml12كل حامل تعاني ✋🏻✋🏻
وحملت بولدي الثاني بدأت نفس الأعراض واتنومت 6 ايام في المستشفى من التعب بعدها قلت لازم اجرب علاج الوحام. كنت اسمع فيه من حملي الاول وماصدقت. قلت مو معقوله بتعب زي الاول وجربت والله زي الحلم أكلتها ونمت صحيت اختفى الغثيان والروائح الكريهة والتعب. حسيت كأني اخذتإبرة فولتارين
🐑🐑 جايبتها لكم من قرونها 😂 العلاج تعرفون مصارين الخروف المطبوخة مضبي او تبع المناسبات. الي تجي صغيره ملفوفا زي الاصبع احنا نسميها معاصيب او يمكن لها مسميات ثانيه المهم تاخذي. من 5الى 7 حبات طبعا قلت مطبوخة. وزياده تشويها ع الفحم او ع النار إلين تتقمر تصير غامقه شوي وتحسين عليها شوية ليمون وملح عشان تستلطفي طعمو