حمل غزلاني ولا اجهاض؟؟؟
 

السلام عليكم شلونكم بنات عساكم بخير... راح اطول عليكم ميخالف بس لازم اشرح الوضع عدلhwaml03
مادري مرضوعي عادي ولا في وحده صارلها نفسي ..انا الله يسلمكم خذيت ابره تفجيريه وبعدها ب 12 يوم حللت والحمدلله على كل حال ماكان في حمل مع ان الدكتور قال الرحم في سماكه وكنت حيل مريضه اول مره امرض جذي قال انشالله حامل مناعة الحامل تنزل انا وقتها قتله مادري بس ابي مضاد محد راضي يوصف مضاد قال عادي اخذي ولو في ياهل ماتكون وانا متاكده ماكنت حامل موحاسه بشي خذيت علاجي وصرت احسن ومارست حياتي عادي ورحت النادي اكرف وادري اني موحامل يتلي الدوره وعادي نزيفها بس ماطولت نفس كل مره خمس ايام وقمت اشرب حسو وعشبة المدينه ابي انظف علشان احمل الشهر الياي انشالله hwaml7
وزنجبيل ورشاد وقرفه ومراميه كلشي وقفت تقريبا ضل وردي ينزل في خطوط جنها جلد خفيف بعد يوم تقريبا ماقدرت اسوق من عوار صدري جنه حريجه فيه مت قلت اكيد فيه عله موقادره خفت رحت المستشفى شافتني الدكتوره قالت بضغط الحلمه جان اصرخ ماقدرت قالت بسوي تحليل حمل قتلها انا الدوره علي مانظفت عدل اي حمل قالت ميخالف لان احتمال التهاب بصدرج وبنعطيج ابر مضاده او في حالات نادره جدا حوامل تجيهم الدوره طبعا قلت اوكي ومتاكده موحامل سويت التحليل والصدمه يقول حمل اقوله غلطان موحامل الدكتوره قالت مبروك علشان جذي الالم بالحلمه .رحت دكتوري قال الدوره نزلت موحامل انتي شلون قال روحي حللي رقمي طلع 107 قال نسبه زينه حامل بس احتمال اجهاض
الحين ماني عارفه بموت هل اجهضت؟؟ ولا راح يطيح من الاعشاب والبلاوي والتمارين ولا شنو انا لما كنت ناسيه مرتاحه بس لما حط فيني الامل تضايقت واحس انا ضريت الجنين او ممكن مثل ماقالت الدكتوره حملج غزلاني؟

رد: حمل غزلاني ولا اجهاض؟؟؟
 

لا اله الا لله اختي ولله واحد يحير ياخذ اعشاب واشيا تنضف الرحم وتالي يقولوله انه حمل لله حيرة اختي ادعي ربج عسة ولعل لله يثبته الج يارب ويحفظه يارب العالمين يالله

رد: حمل غزلاني ولا اجهاض؟؟؟
 

حبيبتي ماقصرتي الله يثبته انا مستغربه لان الدم كان دم دوره كميه فخذيت اشياء تنظف
الحين انا اعيد التحاليل كل جم يوم انشالله يرتفع الهرمون

رد: حمل غزلاني ولا اجهاض؟؟؟
 

انشاء لله يارب

رد: حمل غزلاني ولا اجهاض؟؟؟
 

ان شاء الله ربنا يثبته الج ويحفظ جنينج
اختي مازال ماعندج نزيف ولله الحمد لا تخافين وباذن الله يثبت حملك عاد الراحه مطلوبه بهل فترة وديري بالك يعطوك دوا او مسكنات وتاخذيه كلشي لا تاخذين
فقط آكلي زين واشربي زين والراحه التامه والله خير حافظاً

رد: حمل غزلاني ولا اجهاض؟؟؟
 

رائيي من رائي اختي لمى اسماعيل

رد: حمل غزلاني ولا اجهاض؟؟؟
 

جزاكم الله خير حبايبي ربي يرزقنا واياكم بالذريه الصالحة

رد: حمل غزلاني ولا اجهاض؟؟؟
 

خذي مثبت اذا حمل سليم بيكمل واذا غير سليم بينزل عليج دم

رد: حمل غزلاني ولا اجهاض؟؟؟
 

لله يثبت حملج يارب