![]() |
رجاءا لي ساكنة مع اهل زوجها تدخل خلينا نفضفض
السلام عليكم حبيباتي
بعد كم يوم ان شاء الله بكمل سنة من زواجي حامل في الشهر السابع ...انا استاذة وتزوجت زوجي عن حب وكنت عارفة رح عيش مع اهلو ...بس الاحلام شي والواقع شي ثاني خصوصا اني عشت مدللة ببيت ابي ...صحيح عندي طابق بس بطبخ معاهم وطول الوقت طالعة نازلة ومش طابق لا طابقين المطبخ تحت ...ما قدرت وفق بين شغلي ومنزلي ومنزل حماتي وفوق هاد حاسة حريتي مقيدة ومافي خصوصية ابدا وما بتفق مع اخت زوجي ولما حملت زاد الطين بلة كان وحمي صعب جدااااا بس مجبورة اشتغل وزوجي كلو الا تقصيري بخدمة البيت ...تعبت بجد اذا طلعنا نطلع كلنا مجبورة اكل معاهم واطبخ معاهم وعيش على هواهم والعطل اااااااااااااخ من العطل اخوات زوجي روح قلبهم بيت ابوهم مع انو مش كبير هالصيف ما رح انساه تخيلو اخوات زوجي بيقعدو شهر زمان حتى لي عندها عيال وصريخ وعجقة وفوضى ...حبيت استقل زعل زوجي وصارت مشكلة قلي نجوم السما قربلك ...زوجي انسان طيب وبحبني بس انا مليييييييت بدي حريتي اطلع على كيفي اطبخ بكيفي عيش على كيفس مش حرام بظن بس زوجي رافض قطعا كلمتو بهداوة بلطافة بكيت حردت هجرن ....مافي فايدة مستحيييييل يطلع بحب لمة اهلو وروح قلبو هن ويبيعني ببصلة كرمالهن ...انصحوني رجااااااءا رح افقد عقلي طول الوقت زعلانة وببكي |
رد: رجاءا لي ساكنة مع اهل زوجها تدخل خلينا نفضفض
وعليكم السلام حبيبتي
أنا ساكنة مع أهل زوجي بس في قسم خاص عندي مطبخي وحمامي وغرفة جلوسي وغرفة للأطفال بس انتي أخطأتي من البداية المفروض ترفضي تعيشي معاهم بدون قسم خاص فيكي خصوصاً المطبخ أحس شي ضروري كل زوجة يكون عندها مطبخها الخاص تاكل وتشرب وتطبخ على كيفها ومعروف عن بيت العيلة مافيه خصوصية لا الك ولا لهم حاولي تصادقيهم بس لا تتعبي نفسك بشغل بيتهم اعملي الي تقدري عليه والي بيريحك فقط انتي ملزمة بغرفتك أما بيتهم لا عندهم بناتهم يقوموا فيه اصبري وإن شاء الله لما يجي البيبي أبوه يفكر ينتقل من البيت عشان أوسع لكم وتذكري الي مافيه خير لأهله مافيه خير لبنت الناس |
رد: رجاءا لي ساكنة مع اهل زوجها تدخل خلينا نفضفض
اقتباس:
الله يصبرني مش سهل ابداااااا |
رد: رجاءا لي ساكنة مع اهل زوجها تدخل خلينا نفضفض
انت لا تكلميه عن أهله لا يصير يكرهك وحاولي تحسسيه أن المكان صار ضيق عليكم خصوصاً بعد جية النونو الجميل
يعني اشتري أشياء وحاجات للبيبي ولا تقصري عليه بشي بحجة أن مافي مكان خذي له سرير كبير وجلاسة ومشاية وألعاب وكل الي نفسك فيه وهو مع الوقت بيحس أن المكان ضيق ولو ما حس ممكن يحس مع جية البيبي الثاني |
رد: رجاءا لي ساكنة مع اهل زوجها تدخل خلينا نفضفض
والله حبيبتي أنا ساكنه مع اهل زوجي..ومتلك تزوجنا عن حب 3 سنوات
وكنت عايشة بالسعوديه مع اهلي وسورية انا..وهو عراقي عايش بأربيل اربيل منيحة وفيها امان بس من الاول قلي رح نعيش بالبدايه مع اهلي بس الفرق عنك كان واعدني نطلع ببيت لحالنا اول ماتتحسن مادياته هلأ النا 8 شهور متزوجين ولساتني مو حامل بس مقتنع بفكرة الطلعه واهله كويسين بس دايما انا بالحجاب ومقيّدة بكل شي والحمام مو بغرفتي يعني مو خاص قيني بستحي وقت اتحمم او اعمل اي شي وكله لازم بوقت البيت فاضي بس صابره وساكته لانه مقدر الشي هاد وبس يتحسن وضعه رح يطلع بس دايما بستغل الوقت بس يكون رايق وبقله انه بس نصير ببيت لحالنا منقدر نعمل اجواء رومنسية اكتر وتشوف دلالي الك اكتر لاني بالبيت مابطبخ والاكل كله مو ع كيفي بس دايما بحبّبه بفكرة البيت وانه رح دللك والبس ع كيفي وحنكون متحررين وهو بقول اي والله واكيد حنطلع..انت حاولي تقنعيه بالاسلوب هاد وفهميه انه بتحبي اهله وانه امه ع راسك بس البيت ماله علاقه بالحب قوليله حتى لو امي واخواتي عايشين معنا مارح ارتاح وانه المشكلة مو اهلك انا دايما هيك بقول لزوجي انه بحب اهلك بس الحرية مالها علاقة ويارب يقتنع ويفرجها عليك وعلينا |
رد: رجاءا لي ساكنة مع اهل زوجها تدخل خلينا نفضفض
السلام عليكم انا ساكنة مع اهل زوجي صارلي 5سنين وعندي اخو زوجي ومراتو واولادهم والمطبخ واااااااااااحد واحنا عدنا البيت كبير كل امراة تتمنى تكون وحدها ببيتها بس الظروف لازم نصبر مع الايام ربنا يفرج ويفتح الخير علينا يااااااااااااااااااااارب
|
رد: رجاءا لي ساكنة مع اهل زوجها تدخل خلينا نفضفض
كان رح يصير فيني هيك اتزوجنا عن حب طبعا وسكنا بمدينة تانية تبعد عن مدينة أهلنا ب 6 ساعات بس أمو الله يخليها ضلت تزن عليه لحد ما رجعنا اتخيلو كانت تيجي عندي للالبيت وبتنام أمام باب غرفة النوم ههههه ولما اقوم من النوم تقولي روحي اغسلي عشان تصلي ههههههه أعزكم الله المهم رجعنا لمدينتنا بعد سنة من الزواج واقترحت اننا نسكن معاهم بالبيت وأخت زوجي أصلا ما بتحبني المهم بالرغم من اعتراضي الشديد اترجاني زوجي و قالي بس نجرب وافقت رغم اني كنت عارفا النتيجة المهم بدت المشاكل ما بترك على راحتي كل شوية طالعين عندي لغرفتي وما بيدقو الباب بيدخلو على طول شو أقولكم كيف نقولها بالمغربي(دازت عليا مزياااااان) يعني عانيت جدا بس الحمد لله فهت زوجي وما فهم فاستخدمت معو طريقة تانية يعني هو اتعود على الدلع والطبخات الجديدة فطنشت كل شيء ماعدتش أهتم بحالي ولا أطبخ ولا أسوي أي شي وحتي لما يطلبني أقولو (لا راح يسمعونا وأنا لس غاسلة مبارح) هههه لحد ما زهق وطق وقام شافلي سكن مستقل هههه
|
رد: رجاءا لي ساكنة مع اهل زوجها تدخل خلينا نفضفض
والله نيالك ياختي ربي يدومها عليك فرح وسعادة
|
رد: رجاءا لي ساكنة مع اهل زوجها تدخل خلينا نفضفض
لا انا الحمد الله ساكنة معاهم بس كل واحد يعرف حدوده ومتفتحين شوية يعني الحمد الله مافي مشاكل
|
رد: رجاءا لي ساكنة مع اهل زوجها تدخل خلينا نفضفض
نيالك انهم يعرفو حدودهم ومتفتحين أنا لا بيعرفو حدودهم ولا بيعرفو أي شي عن الحدود بيدخلو بكل شي حتى انها كانت بتخلقلي مشاكل مع زوجي و الله العظيم بنكونو أنا وهو على خير بس تيجي شي أسبوع عاندنا بيصير مشكل كبييييييييييير طققوني أنا عارفا انهم ما بيحبوني لأن عندهم عادة يتزوجو من العائلة والقبيلة وزوجي اختار وحدة من المدينة والله تخلف ورجعية غريبة عايشين فيها بالرغم انهم حتى هم بيعيشو الآن بالمدينة hwaml4
|
الساعة الآن 02:28 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .