|
بعد تأخر سنه هذا ما حصل معي ؟!
السلام عليكم ورحمه الله لطالما انتظرت بشغف الانضمام معكم في عالم الحوامل بالرغم من تجاربي القليله الا اني استفدت الكثير من عضوات هذا المنتدى واطمع بالمزيد hwaml88 طبعا لي سنه تقريبا متزوجه زوجي كبير ,, عمره بالاربعين ولم يكتب له الذريه بزواجه الاول من اول شهر من زواجنا وهو يبي حمل ويحاول بشتى الطرق ولكن كنت رافضه الفكره بداية زواجنا لاننا داخلين حياة جديده ونحتاج نتريث شوي ,, الاشهر الاخيره زاد الضغط علي من زوجي وام زوجي وحتى امي على سالفه الحمل بعدها صرت احس بقلق اكثر مع زيادة الضغط hwaml85 وما انكر صرت اوسوس اني يمكن فيني مشكله او في زوجي خصوصاً انه سبق له الزواج وما رزق بإطفال استسلمت للضغوطات سويت كل اللي طلبوه مني من معالجه لغيرها حتى سويت تحليل وكنت سليمه من هرمونات وغيرها وكان هالكلام قبل 4 اشهر او اكثر قررت بعدها دام سليمه اتابع التبويض وتحديداً الشهر الماضي رحت افحص التبويض في يوم 10 من الدوره وبنفس الوقت اقيس درجه الحراره مع العلم ان دورتي ما بين 26 إلى 27 يوم والتبويض عاده يكون في اليوم 12 إلى 13 من الدوره وكنت احس بآلام التبويض والافرازات وغيرها في هالفتره من كل شهر وكل هذا اكتسبته منكم انتم وهالمنتدى الرائعhwaml84 قالت لي الدكتوره عندك بويضه حجمها 12 علماً اني في اليوم 10 من الدوره وقالت حجمها ممتاز وسوي جماع بعد 3 ايام ؟! قلت براجعك ورفضت بس جماع وخلصنا hwaml96 اتكلت على الله وفي اليوم المحدد تأخرنا شوي بالجماع وهذا خلاني اتأكد انه ما راح يكون فيه حمل وفعلا شرفت الدوره بعد 26 يوم بالضبط وكانت غريبه جداً سويت تحليل باليوم 3 وطلع عندي هرمون lh مرتفع ؟؟ استغربت اكثر وشلون وانا كنت سليمه عطتني الدكتوره كلوفاج 500 ولكن رفض زوجي استخدمه لانه يكره العلاجات والادويه الزبده hwaml11 بعد التحليل بديت اشرب زنجبيل بكثره لاول مره بدوراتي واستمريت عليها وكنت ساعات اشرب بردقوش ومراميه بناء على نصايح البنات هنا وداومت على الاناناس خصوصاً اني سمعت انه ممتاز للهرمونات واكل عين الجمل لعل وعسى تكبر البويضه تخيلوا يا بنات اول مره اسوي هالاشياء كل دوراتي عاديه والتبويض كل شهر احسه فيه من ألم إلى افرازات الا هالدوره غررررريبه غررررريبهhwaml93 لدرجه اني كنت راح ازيد عليهم وآكل غذاء ملكات النحل بس خفت يرفض زوجي لانه عنيد وما يقتنع بسهوله قررت اروح للدكتوره اللي شافت لي التبويض الشهر اللي راح << احسها ملت مني خصوصا ان ماشاء الله زحمه عندها وكان شغلها سريع مع انها ممتازه ونصايحها حلوه في يوم 12 من الدوره شافت التبويض ووجدت بويضتين اكبر وحده حجمها 13 تحطمت بعد هذا كله و 13 ؟؟!! تخيلوا الشهر اللي فات البويضه كانت افضل واكبر استغربت وقالت تعالي بعد 3 ايام قلت لزوجي قال ان امي قالت لي عن غذاء ملكات النحل ؟؟<< يعني الحين عجزت اقنعك واقتنعت من امك hwaml49 مع العلم ان زوجي في هذا الشهر وقبل غذاء ملكات النحل سوا تحليل وكانت الحيوانات المنويه 20 مليون فقط والسرعه متوسطه والدكتور يقول في حدود الطبيعي طلعنا على طول من الدكتوره وجاب غذاء ملكات النحل وتناولته انا وياه من اليوم 12 لحد موعدي عند الدكتوره يوم 15 وكانت المفاجأه صار حجم البويضه 20 قالت يصير جماع اليوم وبكره ..قلت يادكتوره انا ابي اشوف البويضه نازله خصوصاً ان هرمون lh مرتفع وهو سبب في تكيس المبايض وبناء على نصيحه الدكتوره اللي سوت لي التحليل كانت تقولي لازم تتأكدين من نزول البويضه وانها ما تتكيس بس هالدكتوره رفضت وقالت ما يحتاج وليش مستعجله على الانجاب hwaml48 المهم قلت لزوجي وصار جماع بنفس اليوم ورفضت يصير من بكره وقلت خله يوم ايه ويوم لا... علشان الحيوانات المنويه تكون انشط وعلشان أتأكد انه البويضه نازله خصوصاً ان التبويض هالشهر متأخر مع الدوره مبكره وآلالم التبويض حسيت فيها بدايه يوم 15 من الدوره والافرازات كذلك وفعلا وكان اخر جماع قبل امس من يومين ونمت بعدها .. وكنت حريصه انه يكون حمل وحمل بذكر خصوصاً .. يحمل اسم زوجي بعد هالعمر ويفرح امه الكبيره بالسن مع العلم اني احب البنات واموت فيهم hwaml88 واخذت الاحتياطات من غسول بيكربونات الصوديوم وغيرها بعد 10 ساعات تقريبا من الجماع يعني الصباح صار شئ غريب hwaml96 ما اعرف اوصفه حسيت بألم خفيف بالمبيض الايسر مثل الم التبويض ولكن كان نازل شوي مو بالمبيض نفسه وصار شئ غريب مثل ضغط ثم انفجار صغير او ختراق بس حسيت انه حيوان منوي اخترق البويضهhwaml94<< بس من جد كان مثل هالوصف ما اهتميت كملت نومتي ومن وقتها اللى الان وانا احس بألام الدوره والم بالمبيض الايسر نازل شوي على الرجل اليسرى يزيد وانا نايمه لدرجه اني احسه الدوره بتنزل الافرازات مستمره ما بين شفافه الى بيضاء وبعد اكثر من 24 ساعه على الجماع نزل مني كميه اكبر من العاده من الافرازات مثل زلاال بيض ولكن ثقيله ومختلطه بين شفافه وبياض خفيف والان يجف ثم ترجع كميه تنزل ثم تجف وهكذا والالام والافرازات بعد كل فتره تبويض تختفي ولكن هالشهر استمرت اثناء النوم في تطرف بدرجه الحراره ساعات احس بررررد وساعات حرررر درجه الحراره ارتفعت شئ خفيف عن قبل ولازالت مرتفعه وبالليل تختلف ايضا معي غازات خفيفه ولكن مزعجه وانتم بكرامه hwaml53 ما حسيت بإي الم بالصدر,, ما لاحظت شئ في مزاجي او نفسيتي عادي جدا هل هذا حمل ؟ وإذا حمل تتوقعون ذكر ؟ لاني اعرف الحيوان المنوي الذكري يعيش ساعات قليله واللي حسيت فيه كان بعد الجماع 10 ساعات قولوا لي وشلون اتأكد واعتذر عن الاطاله |
رد: بعد تأخر سنه هذا ما حصل معي ؟!
يارب تكون اعراض حمل ويبشرك ربي بكل خير ، غذاء ملكات النحل ممن الصيدليه كم حبه تاكلين باليوم وكذلك زوجك
لاني ناويه استخدمها ان شششاء الله |
رد: بعد تأخر سنه هذا ما حصل معي ؟!
والجلوكوفاج ترا يحسن من التبويض ويقلل من ال اتش
انا نفس حالتك |
رد: بعد تأخر سنه هذا ما حصل معي ؟!
حيااااك ساره
غذاء ملكات النحل من وادي النحل خلطة عسل يخلطها قدامك مرررره ممتازه الكيلو سعره 280 ريال تقريباً ,, وممكن تسوينها بالبيت وطريقتها موجوده بالنت اما الجلوكوفاج إذا نزلت الدوره وما صار حمل استخدمتها |
رد: بعد تأخر سنه هذا ما حصل معي ؟!
على فكره لازم تشوفي مداويه شعبيه وتتأكد من الرحم إذا مايل او نازل او مرتفع
لان هذا يأثر على الحمل كثير وحده مو سعودية 6 سنوات وهي تحاول تحمل وما كتب ربي لها الا لما راجعت معالجه قالت عندك ارتفاع بالرحم ومن اول تمريخ حملت ما شاء الله وانا شفت ايضاً مداويه وقالت عندك ارتفاع في الرحم وسوت تمريخ 3 اشهر وقت الدوره واعرف وحده ما شاء الله لقت الارحام نازله ومايله بنفس الوقت ومن اول تمريخ ما شاء الله حملت وما احتاجت ترجع لها |
رد: بعد تأخر سنه هذا ما حصل معي ؟!
الله يكتب لك الحمل ان شاء الله
|
رد: بعد تأخر سنه هذا ما حصل معي ؟!
اهلاً عليكم السلام
حياك الله اخت عزيزة وغالية بيننا عموما مستحيل نقدر نثبت لك اذا هذي اعراض إنغراس او حمل او دورة او شيء ثاني لأنها كلها نفس الشيء! من تجربتي وتجربة الاخوات . الزلال اللي تقولين نزل خلال ٢٤ساعة من الجماع احتمال يكون بقايا السائل المنوي لانه يظل ينزل من الزوجة يوم كامل تقريبا . ايضا المعروف طبيا ان البويضة تكبر يوميا ٢ملم وانتي ذكرتي ان بويضتك في اليوم ١٢ حجمها ١٣ملم إذن طبيعي انها في اليوم ١٥ تكون وصلت ٢٠ملم سواء بمشروب او بدونه لكن اتوقع يكون له دور في سرعة نموها وكفاءتها. عيشي حياتك ياقلبي وانبسطي لاحقه بيجيك رزقك الحين الهبه صاروا اغلب البنات والشباب يشترطون على بعض مايجيبون اطفال الا بعد خمس سنوات من زواجهم يعني هاي هاي وكذا . |
رد: بعد تأخر سنه هذا ما حصل معي ؟!
بشرينا ايش صار معك
|
رد: بعد تأخر سنه هذا ما حصل معي ؟!
حياك قوتشي تصدقين اني عايشه يومي وما افكر بشئ حتى مع هالاعراض اللي لاحظتها ما صرت اهتم ولا افكر وبصراحه انا افكر مثل هالبنات افضل تأخير الحمل بس زوجي مثل ما قلت لك كبير بالعمر وامه كبيره وتعبني بهالموضوع ملك عزيزتي حياك ابداً ما صار شئ حتى الان رغم تأخر الدوره على أسبوع تقريباً ولكن يمكن يكون بسبب تأخر التبويض ثانياً ما حست بأي اعراض تأكد الحمل سوى اللي ذكرتها قبل حتى نسيت الموضوع تقريباً بس افرازات مستمر وجع الدوره يروح ويرجع وقبل امس سويت تحليل منزلي وطلع سالب واليوم نزلت معي افرازات بنيه ووجع اسفل البطن شكلها بتشرف والحمد لله في كل امر خيره |
| الساعة الآن 09:21 PM. |
Powered by vBulletin® Version 3.8.8
Copyright ©2000 - 2026, vBulletin Solutions, Inc.
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .