منتديات حوامل النسائية - الخبيصة الاماراتية

السلام عليكم ورحمة الله وبركاته

http://forum.hwaml.com/imgcache2/hwa...486255_814.jpg

المقادير :

2 كوب طحين رقم 2 وممكن بعد سميد ( أحنا في البيت نطبخة بسميد تطلع حلوة )

2
كوب ماي

زعفران

هيل مطحون

نصف كاس سكر أو حسب الرغبة للي يحبون الشكر زيده يرومون ( يقدرون ) يزيدون

3 ملاعق زيت أو سمن

3 ملاعق زبدة لينة
ماي ورد حسب الرغبة بس ترى حلو اذا ضفتوه يعطي ريحة حلوة

مكسرات جوز حسب الرغبة يعنى مو ضروري بس لزينة

ونصيحتي لا تزيدونه لانكم بتزيدون السعرات الحرارية

نقلي الطحين أو السميد الي بتختاروه في جدر واسع لين يتغير لونه شوي و

تطلع ريحته مو تخلوه يحترق
يعني عقب بتقولوا أنا قلت جي وتوهقوني ركزوا على الطبخة أوكى ..

ننخل الطحين عن لا يتكتل تالي و نخليه على صوب هذه الخطوة مو ضرورية بس يعني اذا حستوه انه
يحتاج

وعقب ناخذ الجدر نحط فيها الشكر ونذوبة لين يصير لونه ذهبي يعني كراميل بس لا تحرقونه أوكي وعقب ما يذوب نصب عليه كوبين الماي ونقلبه سوء
وعقب نضيف الزبد والزيت
الهيل

وشوية زعفران ترى هذا ضروري ويفضل يكون نوعية ممتازة عشان يعطينى ريحة حلوة للخبيصة( أحب ريحة الزعفران بالاكل )

لين غلى الماي نحط عليه الطحين او السميد و نخلطه بسرعة لين ما يطلع
اب هالشكل الي بصورة الي فوق