|
افضل مركر للاخصاب واطفال الانابيب في ابوظبي
افضل مركر للاخصاب واطفال الانابيب في ابوظبي
افضل مركر للاخصاب واطفال الانابيب في ابوظبي مرحبا اخواتي الي عندها تجربة ماهو افضل مركز للاخصاب واطفال الأنابيب في ابوظبي مع ذكر التجارب ان امكن وشكرا. |
رد: افضل مركر للاخصاب واطفال الانابيب في ابوظبي
ان شاء الله البنات بيفدونك اكثر
والله يرزقك الحمل السليم المعافى |
رد: افضل مركر للاخصاب واطفال الانابيب في ابوظبي
انا جربت ثلاث مراكز فابوظبي
الكورنيش وفقيه والفاطمي احسن واحد للامااانه مركز فقيه ( يجنن رااائع بمعنى الكلمة ) مقابل مستشفى خليفه دكتورتي دكتورة نادية تجنن وتشرح لج كل شي مع ان كانت لي اول تجربه فشلت معاها اول شي نشطتني مب بجرعه قويه عشان ما اتأثر ولان عمري صغير ماطلع معاي غير ٤ بويضات ورجعت وحده وفشلت العملية بعد شهرين رجعت لها لاني مرتاحه الها وزادت الجرعه وغيرت نوع الابار وطلع ١٩ بويضه ورجعت ٢ وحملت بواحد والحين عمره سنتين ، وكله تغطيه ثقه ،،،، وفوق ها الحين عندهم تجميد يعني باقي الاجنه مايروحون خسااره وانا مجمده عندهم ودفعت ٣٥٠٠ لمدة ٥ سنوات.... والحين ناويه ارجع لهاااا ولاغلطه روحيلها مابتندمين |
رد: افضل مركر للاخصاب واطفال الانابيب في ابوظبي
واللي يميز فقيه عن غيره عطاني اسبرين في الفاطمي مارضا يعطيني قال اذا سقطتي ٣ مرات راح اعطيييج انقهررت وحملت من عنده لكن نزل الحمل في موعد الدورة وصار عندي تضخم فالمبايض وجمدو البويضات ورجعت لهم بعد شهرين وسويت تلقيح ورجعولي لكن تعبت تعب وفي كل زيارة كان يشوفني دكتور شكل مو دكتور واحد وابد ماكنت مرتااحه حتى انهم مايعطون اكل بعد العملية وفقيه يعطي ويهتم في مرضاااه والعاملين هناااك تحسينهم اسرره وحده .. واللي يميز فقيه يعطي ابار تثبيت البروجسترون تشترينها سعر الابره ١٠٠ ولازم ١٤ لكن مب خسااره وااايد يساعد في تثبيت الاجنه باذن الله
|
رد: افضل مركر للاخصاب واطفال الانابيب في ابوظبي
جزاكن الله خير على الرد انا سويت مرتين عند فقية
انا من العين المرة الاولى تابعت عند صادقة وحسيت انها ما عندها خبره في اطفال الانابيب و الدكتورة نادية نجاري سحبت البويضات ولكن بعد التلقيح طلعوا الاجنه غير صالحين للارجاع فآلغيت العملية . بعد سنه راجعت عندهم مره ثانية عند الدكتور احمد فقيه الي اقترح ان السحب يكون مرتين عشان نضمن اكبر عدد من الاجنة السليمة . الدكتور يقابل المريضة مرة او مرتين بالكثير ويتابع الفحوصات والتصوير بالتلفون مع الممرضات بحكم انه غير مقيم في العين . في المرة الاولى سحبوا 5 بويضات تلقحن 4 والمرة الثانية سحبوا 7 واعتقد ان ثلاث تم تلقيحها ، السحب الاول قامت به الدكتورة مونيكا وكان ع الوقت المحدد السحب الثاني نفس الدكتورة ولكن تاخرت عليه اكثر من 10 دقايق حتى انهم خدروني وما ادري متى جت وبعد العملية لما قابلناها انا وزوجي كانت تكلمنا بعصبية. اتصلوا علينا في اليوم الخامس من سحب البويضات وتلقيحها ،قالوا طلع جنين سليم 2 غير متاكدين والقرارالكم ترجعون الجنين او تنتظرون الفحص للاجنة الباقية قلنا لهم بنتوكل على الله قالوا تعالي وحده ونص الظهر عمليك ولكن للاسف العملية كانت تقريبا اربع وربع يقولون انها كانت مشغولة وسوت عملية الترجيع الدكتورة نادية نجاري وكانت بشوشة وشرحت لنا مراحل انقسامات الاجنة . لكن للاسف لم تنجح العملية والاجنة الباقية طلع واحد سليم . فانا محتارة اسوي عندهم ولا اغير لمركز ثاني زوجي يقول تركيهم ، واذا حولت لمركز ثاني هل باستطاعتي اخذ الجنين المجمد في مركز فقيه . السموحة طولت عليكم بس انا محتارة . |
| الساعة الآن 07:00 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .