تكفين ادخلي وطمنيني 💔😔..
 

السلام عليكم ورحمة الله وبركاته ؛
كيفكم بنات طمنوني عنكم ؛
تكفونن ساعدوني صرت اخاف من هالفتره مره
انا قبل 4 ايام او اكثر دخلت الشهر الثالث والله اني م اشتغلت في البيت ولا شلت شي ثقيل ؛
كنت نايمه وحلمت اشوف ولد جدي يلعب ويقول بنط ع الجهه الثانيه قلت انتبه بطني واشوفه نط ووقع ع بطني وهو ماشاء الله دب واشوف اني بالحلم اتمغص وصحيت والله طبيعي قلت حلم ولا احس لا بألم ولا غيره المهم دخلت الحمام وكانت الصاعقه 💔💔💔💔💔😣 بغيت ابكي ولساني انربط قلت لزوجي اسمع وديني المستشفى قال اشفي قلت سروالي دم 😭😭 قال طيب يالله اجهزي ولبست ورحت المستشفى وانا ع جمر من النار وادعي انه يقر عيني برؤية طفلي ويحفظه واني اتطمن عليه اعطوني مهدئ ومغذيه وانتظرت الدكتوره جلست 3 ساعات انتظرها كانت عندها حاله حرجه وجت قالت اش صار لك وعلمتها قالت من بعد الجماع نزلك دم قلت لا ابدا قالت السفر لا تكثرين منه واانا اتوقع من السفر لاني كل اسبوع تقريبا رايحه الطايف وكلها 3 ساعات بس المهم قالت افتحي بطنك عشان نشوف الجنين وفتحت وانا في قلبي ادعي اني الاقيه موجوده لاني بكريه ولا اعرف شي خفت انه راح المهم طلع صورته بالسونار ونبضات قلبه طلعت سليمه قلت دكتوره اللحين الوضع سليم قالت انا م اقدر افتيك هو الكيس والجنين والنبض تمام بس الدم يقولون تشخيصه انذار مبكر وانا بعطيك حبوب واستخدميها واعطتني الحبوب واستخدمتها خلصت حق يومين طبعا كل 3 ايام اخذ 3 حبات في اليوم ؛ طبعا هذا اليوم الثالث فيه الم بسيط ببطني من تحت وظهري يؤلمني ؛ طبعا الدم م عاد ينزل بالسروال لكن اذا غسلت ومسحت القى فيه تكفون طمنوني في احد مره بحالتي عندي موعد الاثنين وان شاء الله انه خير ؛ انا كان ودي بأبر مثبته الابر مفعولها اقوى من الحبوب انتم وش تنصحون افيدوني الله يجزاكم خير وطمنو لي قلبي

رد: تكفين ادخلي وطمنيني 💔😔..
 

والله يا الغلااا ما عندي فكري بس دام الدكتورة قالت انو امورك تمام لا توسوسين ريحي حالك ولا داعي للسفر ها الايام وحتى الجماع بلاش منو الاهم صحة البيبي
ربي يتمملنا جميعا على خير انا كمان في بداية الثالث الشهور الاولى هي الاصعب وان شاااء الله تمر ع خير

رد: تكفين ادخلي وطمنيني 💔😔..
 

ان شاء الله الله يسعدكم ؛
ايه حبيبتي هيا عشان كذا اعطتني الموعد عشان تشوف بيوقف عندي بالحبوب ولا خلاص تعطيني ابر مثبته والله يعين الشهور الاولى كذا انتظر ادخل الرابع وم اشيل هم بيكون قد تثبت ع جدار الرحم .

رد: تكفين ادخلي وطمنيني 💔😔..
 

ربي يطمنك..ومن قال يارب ماخاب..اقري قران وحصني حالك..وان شاء الله ربي يكتبلك بتمام حملك يااارب.

رد: تكفين ادخلي وطمنيني 💔😔..
 

ربي يطمن قلبك ويريح بالك
حبيبتي انا اختي ينزل دم كل معاد دورة ليها
وطبيعي تولد وما فيها شيء
هيا تحمل طبيعيبس بحالتنا لانو زراعة مااعرف والله
بس طالما طمنتك الدكتورة توكليي ع الله وارتاحي قدر المستطاع وادعي هذا الدعاء
(اللهم اني استودعك جنيني الذي في رحمي فرده الي عند مولده سالما غانما معافى
من غير زيادة او نقصان
ربي اجعل له جمال سيدنا يوسف عليه السلام
واخلاق سيدنا محمد صلى الله عليه وسلم
انه لاتضيع وداءعك ولاخاب من استودعك )
واقري القران على بطنك المعوذات والكرسي
حاولي تاخدي مثبت اقوى
وتوكلي ع الله وطمنينا عنك ��

رد: تكفين ادخلي وطمنيني 💔😔..
 

حصني نفسك خيتي اهم شي
والسفر ارتاحي يتعبك كذا مسافه طويله
والله يثبته لك ويقر عينك فيه

رد: تكفين ادخلي وطمنيني 💔😔..
 

الله يتمم لك ع خير

انا جاني نزيف بنص الثالث مثلك

واعطتني حبوب وابر لمدة شهرين لان النزيف كان قوي

ومنعتني من الحركه والجماع والسياره والدرج ومااشيل بنتي الصغيره

حاولي ترتاحي واتركي السفر هالفتره حتى يثبت حملك وان شالله كلها فتره وربي يسهل حملنا وولادتنا

رد: تكفين ادخلي وطمنيني 💔😔..
 

الله يثبت حملك يارب وتشوفين النونو بين ايديك يارب لاتتعبي نفسك وحاولي ترتاحي

رد: تكفين ادخلي وطمنيني 💔😔..
 

تسلمون ع الردود الله يسعدكم ؛
وعاد اطمنكم انا بنهاية الشهر الخامس والحمد لله الامور طيبه والله يقر عيني وعين كل حامل بطفلها يوم الولاده سالم معافى يارب ..