كيف احسس زوجي بالذنب بعد الطلاق
 

السلام عليكم ورحمة الله وبركاته
بحكي لكم قصه لصديقتي طلبت مني اكتبها لكم وان شاء الله تلقى حلها
مثل العنوان هي تطلقت وعلى سبب تافه بس هي لسانها طويل ومعترفه أنها غلطانه بس هو تمادى وسب أهلها وقبل كذا طاقها 4 مرات وهي ما علمت ولا ظلها وسامحته على طول مشكلتها تسامحه في كل شي يسويه تحبه موووت حتى لو هو غلطان وهي ساكنه مع أهل زوجها ويدرون عنها كل شي كل مشاكلها توصل لهم وهي معترفه أنها وايد تغلط بحقه هي واحم الحين وتعبانه مرررة وتقول إن الفاظها سيئه يعني ترد الكلمه بعشر الله يهديها
حصل النقاش كالآتي أن الزوج يبي يسافر ديره فيها أهله ( أهله سافرو ديرتهم واخواته كلهم ما بقى إلا هي وهو بالبيت لهم أسبوع مسافرين ) المهم قال إنه بسافر يودعهم لأنه مسافر للخارج وهي مقيمه معاه في الخارج تجي هي تجلس مع اهله عشان تكمل دراستها المهم هو قال إنه راح يسافر قالت له لا تتركني لحالي مقدر قال لها يومين وارد وراح يجو اخواني الصغار يجلسون معك (أخوه عمره 20 واخته 17 ) قالت م أرضى بالبزارين معاي ... انت اجلس مو ضروري تودعهم هو أصر انه يسافر وهي تعبانه حيييل وعندها هبوط وكل يومين عند الدكتور ودربات وأدوية وووو قالت لا م تخليني وانا تعبانه قال لا اخليك قالت أجل خذني معك قال وين انتي من الغرفه للحمام م تقدري تتحركي إلا وتحسي بدوخه واشتد النقاش في هذا الموضوع لحد ما وصل انه سب أهلها ولعن أبو تربيتها وقال طالق انصدمت وراحت الغرفه ركض م عرفت شتسوي علمت أمها وكلها ساعه وجا ردها ويتاسف وقال لها رجعتك على عصمتي وهي تقول ما بيك ما ابيييك قال لها انا رجعتك وخلاص علمت أمه م استفادت منها شي جلست تحط اللوم عليها وكله منك وليش تشمتي علينا الخلق وووو وعلمت ابوها قالت له انه طلقني والحين ردني قال لها لو رجال خل يتصل علي ويعلمني ولا ما الك رده هو مو لعب يطلق ويرد وأهلها ما يعلمهم الكلام هذا اليوم الصبح والحين هي موجودة معاه تبي تنتقم وتخليه يتحسر على اليوم اللي تفوه فيه بكلمه طالق وخطتها أنها تسافر وتجلس مع أهلها لين تولد وما تتكلم معاه أبد بس بعد الولاده شتسوي؟؟؟
محتاجه مشورتكم كيف تخلي زوجها يركض وراها هو ويهتم فيها أكثر من أول وتحسسه انه ارتكب جريمه يوم طلقها

رد: كيف احسس زوجي بالذنب بعد الطلاق
 

وينكم يابنات 😕😣
تكفون ردو علي

رد: كيف احسس زوجي بالذنب بعد الطلاق
 

اسمحي لي اقول ان تصرفها من الاساس غلط

وبدل ماتعالج المشكله تفكر تنتقم وهذا بزيد المشكله ومابتنحل

وبدل ما تفكر ان تخليه يتحسر ترى هي غلطها اكبر منه ومش في صالحها انها تعاند وتبي تنتقم وتخليه يتحسر

انتي انصحيها واقنعيها تترك اسلوب العناد وتسمع كلام زوجها

رد: كيف احسس زوجي بالذنب بعد الطلاق
 

عذرا اختي لو كلامي قاسي
بس شوفي سبحان الله حتي بعد ما اتطلقت ما هدت ابدا وطلبه منك طريقه تخلي زوجها يندم انه طلقها يعني ما فكرت ابدا تصلح من حالها أولا بدل ما تعلى صوتها وتجادل وتقل من ادبها مع زوجها وتوصلو انه يسبها ويسب أهلها
خبريها الحل بإيديها تتقي الله ولا تعلي صوتها لانها كدا مذنبه أمام الله بتعليه صوتها أمام زوجها شوفي حتي لو هذا الزوج فاجر بتأثم برضو الله يصلح لها حالها لو بتهدي من حده اسلوبها ولين ورفق فالمعامله بيشيلها فوق رأسو وما بيتجرأ يغلط فيها ولو في يوم غلط لا تغلط هيا ورح يتذكر لها أنها امتصت غضبه وبيشيلها جميله لها
احكلها بدل ما تفكر تندمو عالطلاق تصلح من حالها وهو لوحده هيحس أنها اتغيرت وهيحترمها ويحبها اكتر وطلع من دماغها أفكار الشيطان هذي لأن هي الخسرانه بالآخر لو تركها وعليها بالدعاء
الله يصلح أحوالها وأحوال بيوت المسلمين

رد: كيف احسس زوجي بالذنب بعد الطلاق
 

تكلمت معاها في حكايه ترد لزوجها مافي داعي تكره زوجها فيها بس معنده تندمه
الله يجزاكم خير يا أخوات وكلامكم في محله فعلا بس الله يعلن الشيطان الطلاق مسوس مخها

رد: كيف احسس زوجي بالذنب بعد الطلاق
 

هذا اللي يبيه ابليس التفرقه بين الزوجين
واذا تبيه يتحسف ان طلقها تخليه يتحسف بدون انتقام
بقولك كيف تغير من شخصيتها واسلوبها معه تقصر صوتها
تتكلم معه باسلوب حلو وطيب مختلف عن اللي قبل تكون
انسانه ثانييه هوو هنا بيتحسف بيقول شلون طلقتها احد يطلق واحده مثلها!
حتئ يمكن اذا شافها كذا متغيره يهديها هدية اعتذار

رد: كيف احسس زوجي بالذنب بعد الطلاق
 

طبعا زوجها غلطان ميه بالميه انه سب اهلها وضربها ٤مرات
حتى لو طولت لسانها مو من حقه يمد ايده ويستقوي على بنت!
وهالشيء يلزمه يعتذر منها وانا اشوف انك تنصحينها بما انها اعترفت
انها كثير تقسى عليه وتطول لسانها تحاول ترفق عليه المرات الجاية
وتحاول تكون لطيفة وكيوت في حوارها معاه عشان ينجذب لها
تتقرب منه اكثر بأنوثتها وهدوءها عشان يصير لها طوع امرها وخاتم في اصبعها
بالاسلوب والدلع والكشخه تجيب راسه
هو تهور جدا بنطق الطلاق عليها ثم الندم سريعا واعادتها
لازم يصبر عليها ويحتسب ويمسك لسانه ويكون رجل بأخلاقه وصبره وحلمه ورومانسيته معاها
انا لو مكانها اتركه شهر اقل شيء عشان يشتاق ويحس بقيمتي ويلحق وراي يراضيني ويتوب يزعلني .