![]() |
ألم أيام تبويض او حمل هذا ؟ تكفوووون حبايبي ردو
بنااات اني الدورة هالشهر جتني تاريخ 10 وخلصت 16 وعشان خاطري في بيبي ومن 3 سنين من تزوجت مارزقت بالذرية :( قررت اني وزوجي نتوكل على الله من عقب الدورة مباشرة بشكل يومي طبعا صار كل شي بعد جم يوم من الجماع لاحظت بعد ماخلصنه ان في شي مثل البني الفاتح على وردي بس مادري هدا دم ولا شنو لان اختلط بالافرازات المهم ومن بعد هذاك اليوم حسيت روحي بتطلع مع العلم اني مادري اي يوم تبويضي لان ساعات تتخربط عندي الدورة ماتجي مثل التاريخ تتقدم او تتاخر فمن جدي قلت بنسوي يومياً المهم ومن ذاك اليوم حسيت روحي بتطلع كله ألم في المبايض اثنينهم وكله تعبانه ولايعه جبدي وانتفاخ في بطني و ألم فضيييييع عدل في ظهري من تحت احس جنه الدورة بتنزل وغير اني واجد ادش اتبول وانتون بكرامة وبالذات الليل ومستمرة وياي لهذا اليوم هالاشياء ماقدر انبطح ولا اقدر اصلي اذا اركع واسجد احس بألم قلت يمكن شي عادي وبيروح بس مادري اول مرة يصيدني جدي .. هل تتوقعون صار تلقيح وهي اعراض بداية لحمل او هذي ايام تبويض او شسالفة احد صادها جدي ؟
معلومة اني ما اعاني من اي مشاكل لاتكيسات ولا شي بس الغريب ان هالحالة اوب مرة تصيدني ألم فضييع في اسفل الظهر و البطن والمبايض احس بيتفجرون حرااااارة واجد احس فيها تحت بطني لدرجة ماقدر البس شي ابي بس هوا او احط يدي عن الحرار تحت بطن والغريب ان الدورة باقي عليها وااااجد يعني مستحيل الحين تنزل لان نزلت عليي 10 / 3 وخلصت 16 / 3 .. ومااقدر احصر ابدا البول و كله حرارة في البطن سخونة يعني مع ان احس جسمي حار بس زوجي يقول لا مو حار ومترددة احلل او اقيس حرارتي لان توها الناس احس |
رد: ألم أيام تبويض او حمل هذا ؟ تكفوووون حبايبي ردو
رفع ربي يطمن بالك ويرزقك ماتتمني
|
رد: ألم أيام تبويض او حمل هذا ؟ تكفوووون حبايبي ردو
الله يرزقج بالذرية بالقريب العاجل
عزيزتي كل مرأة واله حاله مختلفه في الحمل بعضهم يحسون بأيام التبويض انهم حوامل وبعظهم اصلا لموعد الدورة وبعده وهي ماتعرف هي حامل وان شاء الله انت من النوع الاول امانة تبشرينه بالحمل قبل الدورة بيومين حللي اذا تردين هرموني حتى اذا في حمل تبين النسبة وان شاء الله تفرحين بما يعطيك الله |
رد: ألم أيام تبويض او حمل هذا ؟ تكفوووون حبايبي ردو
ماعندي علم خيتي
الله يرزقك يارب بالحم السليم |
رد: ألم أيام تبويض او حمل هذا ؟ تكفوووون حبايبي ردو
ان شاءالله حامل استني موعد الدوره وحللي بعدها ويارب خير
|
رد: ألم أيام تبويض او حمل هذا ؟ تكفوووون حبايبي ردو
مااقدر افيدك بشي الله يكتب لك كل خير
|
رد: ألم أيام تبويض او حمل هذا ؟ تكفوووون حبايبي ردو
روحي عالطبيبة احسن مانقدر نفيدك
اخاف اعراضك تخص تكيس او بطانة مهاجرة او لتهابات مابي اخوفك بس الحرص واجب واحسن تطمني من طبيب وبالنسبة للحمل احس الوقت مبكر عالاعراض هوا كل جسم يختلف بس اعراضك غريبة شوي الله يطمن بالك ويكون حملل يارب |
رد: ألم أيام تبويض او حمل هذا ؟ تكفوووون حبايبي ردو
ما اتوقع تبين علامات الحمل من الخين
على الاغلب عذي علامات ايام التبويض بايام التبويض انا يصيدني الم في ظهري و ريلي و تييني لوعه والله يكتب لج بالذرية الصالحه عاجلا غير اجل ان شاء الله |
الساعة الآن 06:37 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .