|
حجم البويضات جدا قليل بالنسبه لوحده ماخذه كلوميد
حجم البويضات جدا قليل بالنسبه لوحده ماخذه كلوميد
بنات حبايبي شخباركم من فتره كتبت لكم موضوع ان الجهاز الرقمي مبين لي فتره التبويض وبعدها بيومين نزلت الدوره .. المهم .. رحت للدكتوره المره الثانيه للمتابعه خبرتني ان حجم البويضات جدا قليل بالنسبه لوحده ماخذه كلوميد هالشهر . حجم اكبر بويضه 6 . فقالت لي تعالي يوم 16 من دوره افحص لعل وعسى في تغيير .ولما رحت للاسف الشديد ولشي تغير . فقالت لي استخدمي كلوميد الشهر الجاي بعد . بس بصراحه انه مافيني صبر لا نفسيا ولا جسميا تعبت فعلا من المحاتاه والتفكير. شكلها الدكتوره انكسر قلبها علي قالت بكتب لج ابر اذا مصممه تبين الحين بس من وجهي نظري ان توه الناس . كتبت لي موعد في المستشفى الحكومي عشان اخذ الابر بالمجان . لان خبرتني بيطلع علي ميلغ كبير اذا طول ايام الدوره . اخذت موعد في المستشفى تخيلوا !!! عطوني شهر 12 نهايه السنه . بالله عليكم انتظر هالمده كلها ! تتوقعون لو اروح لدكتوره ثانيه تعطيني حل غير الابر ولا شلون ! بنات لا تنسوني من دعائكم حجم البويضات جدا قليل بالنسبه لوحده ماخذه كلوميد |
رد: بنات حبايبي
هذا مشكلة المستشفيات الحكوميه
حاولي تسالين عن سعر ودفعي يمكن انك من النوع االي يستجيب حق ابر او غيري الدكتوره انا قبل سنتين خذت ابر منشطه بس ناسيه كم ويمكن اللي ساعدنا ان عندنا تامين طبي |
رد: بنات حبايبي
دااايماً المنتظر يظن ان الوقت طويل..وهو عكس.
انتظري وكل تأخيره فيها خيره..اللي مكتوب لك بتحصلينه ولو بعد حين واللي مو مكتوب ماراح توصلينه لو معك اموال الدنيا.. صديقتي ماخلت شي ماسوته كلوميد وابر وغيرو وغيرو وضلت سبع سنوات انشغلت ببيتها و اشغال ثانيه وتركت التفكير شهرين بس وحملت بدون اي علاج واي تدخلات طبيه الحمدلله ربي رزقها ولد قبل سنه ونص يجنن ما شاء الله.. انتظري لين موعد الابر شهر ١٢ و عيشي حياتك ومارسيها..كلها ستة شهور. |
| الساعة الآن 01:22 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .