منتديات حوامل النسائية - تجربتي مع أطفال الأنابيب بالأردن مع الدكتور عصمت القضاة

اخواتي، السلام عليكم.
حبيب أشارك بتجربتي مع دكتور عصمت لأفيد المقبلات على عملية أطفال انابيب و محتارين عند اَي دكتور يروحو.
متزوجة من ثماني سنوات و ما حصل حمل بسبب انسداد القنوات، حملت طبيعي من سنتين و للأسف سقطت 3 مرات و عمر الجنين ما تعدى أبدا شهرين و لا شفت نبض بالسونار. من سنة عملت أطفال انابيب بدولة عربية، كانت مكلفة و فاشلة و الأكثر هي النفسية بسبب إهمال الطبيبة اللي كانت باردة في تعاملها و ما تطمن أبدا. في هذيك المرة عملت تنشيط 10 ايّام و بعدين سحبو 13 بويضة منهم 11 صالحين للتلقيح لكن من درجة 2. و بعد 3 ايّام 6 بويضات تلقحت و رجعولي 3 و الباقيين ما و رحت البيت طلبت الدكتورة أني ما أتحرك 3 ايّام و ما اتحركت الا للحمام و الصلاة. و بعد مرور 11 يوم نزلت الدورة و رحت الدكتورة احاول اقنعها إنّو لازم يعملوا تحاليل زيادة لفهم تكرار الإجهاض عندي. كان جوابها انه ما في اَي سبب و أني اقدر اعمل عملية مرة ثانية بعد شهرين و راحت و خلتني بمكتبها!!!! المهم أنا بحكم إيماني برب العالمين و بمعجزة العملية ما كان اعتراضي على فشل العملية لانه احتمال وارد رغم قدرة الطبيب، لكن التعامل البارد و الاهمال خلاني اخاف اجرب ثاني.
بدأت اقرأ عن الاْردن و اتصلت على مستشفى الفرح، لكن بعدين قريت انه ما دكتور واحد يتابع الحالة و لكن كل مرة و مين، و أقنعت زوجي اننا نروح و كان اختياري على الدكتور عصمت بعدما شفت له حوار عاليوتوب و حسّيت بالطمأنينة و الراحة من كلامه. اول ما جئت الاْردن و شفت الدكتور أعطاني تحاليل عشان يفهم ليش اسقط يعني اذا فيه سبب ملحوظ. و كان صادق و حتى نصحني ما أسوي تحاليل كان طلبوها مني في بلد اقامتي و نصحني انه ما ليها لازم دام أني حملت مرة سابقة. رجعت بلد اقامتي و بعد أسبوع بعثلي الدكتور نتايج التحاليل عالواتساب و اللي بينت انه عندي تخثر فالدم و اللي هو واحد من أسباب الإجهاض حيث ان انسداد الاوعية الدموية يمنع وصول الدم للجنين فيموت.
كتبلي الدكتور على الأدوية و أعطوني الإبر اللازمة و بدين الحقن من ثاني يوم الدورة. بعد 8 ايّام جئت عمان و الدكتور قال إنّه لسة البويضات ما وصلت الحجم المطلوب و زادني فالجرعة. الدكتور كثير محترم و يطمن على طول و يذكر الله في كل مرحلة . تم سحب البويضات و كأنو من نوعية ممتازة و جيدة من 5 ايّام والترجيع من يومين. العملية كانت بمستشفى الرويال اللي كثير نظيف و الممرضات و العمال ما شاء الله عليهم. الدكتور استعان بتقنية ثقب جدار البويضة لتسهيل الالتصاق بالرحم.
أنا الحين استنى أسبوعين قبل تحليل الحمل لكن ما كتبته فوق هو للشهادة على حسن التعامل و خبرة الدكتور، و حتى لو لا قدر الله ما تنجح عمليتي أنا راضية من جهة شغل الدكتور و أبدا ما قصر.
بخصوص التكاليف: الأدوية كانت تقريبا 1000 دينار أردني لأني طولت شوي
السحب: 1350 دينار
الإرجاع: 250 دينار
ثقب البويضات بالليزر: 300
تجميد الأجنة لسنة: 200
أتمنى أفدتكم و انصحكم بالدكتور عصمت حتى لو التكلفة شوية اعلى لكن راحة البال ما تقدر بثمن.
أدعولي اخواتي الله يثبت حملي و يقر عيني برؤية ابني أو بنتي.