|
ابر كلكسان 2000 تسبب لي نزيف ومغص شديد
ابر كلكسان 2000 تسبب لي نزيف ومغص شديد
السلام عليكم انا صار معي اجهاضين قبل والحمل هذا صرفت لي الدكتوره ابر كلكسان 2000 استخدمتها ع طول اول ماعرفت اني حامل وبعد عشر ايام صار معي نزيف شديد وقالت الدكتوره وقفي الابر حق السيوله وتنومت كم مره ع مثبتات والراحه وبعد اسبوع لله الحمد ظهر الجنين والنبض بفضل الله رجعت قالت استخدمي كلكسان استخدمتها يومييين بس وحصل نزيف بعدها رحت قالوا معك تجمع دموي برى كيس الحمل وانفصال جزئي للكيس ووقفت الابر مره ثانيه وتميت اراجع لين الحمد لله تطمنت ان التجمع الدموي اختفى طبعا مع ابر تثبيت وتحاميل سايكلوجست ودوفاستون المشكله انها هذا الاسبوع قالت ارجعي لابر كلكسان ع الاقل مرتين اسبوعيا تخاف ان نبض الجنين يتوقف سويتها مره وحده وجاني مغص شديد وتركتها ادري طولت عليكم بس ابي احد تساعدني لو عندكم خلفيه وربي ضايعه دعواتكم ربي يتمم لي واشوف ضناي واشيله بيدي.. ابر كلكسان 2000 تسبب لي نزيف ومغص شديد |
رد: ابر كلكسان تسبب لي نزيف
الله يتمم عليككك استودعيهه الله
وماعندي اي معلومه |
رد: ابر كلكسان تسبب لي نزيف
ماعندي معلومه
بس حبيت ادعي لك الله يثبت لك حملك يارب وتشوفينه بخير وصحه وسلامه ومايضيع لك تعب |
رد: ابر كلكسان 2000 تسبب لي نزيف ومغص شديد
الله يثبت حملك حبيبتي ويقومك بسلامة يارب .. طولي بالك انا اخذتها بحملي السابق الين قبل ولادتي بأسبوع والحمدلله
فكرت الإبر هذي تزيد لك السيولة بالدم وتمنع التجلطات بالدم كمان الي هو الي بينك وبين الجنين مايتخثر وكذا يعني اتوقع تحاليل دمك فيه اجسام مضادة بالدم زي الي معي انا وسببت تخثر وخسرت حملي الي قبل الحمل الأخير ببنتي كان نسبة هرمون الحمل ارتفاعه بسيط وماعرف ايش الحل وبعد إجهاضي عملت تحاليل وطلع لي اجسام مضادة بالدم الدم الي بالحبل السري بينك وبين جنينك يتخثر ومايوصل له دم كافي للجني لذلك يوقف نموه فكرة الإبر هذي يخلي دمك فيه سيولة ويمنع التخثر بس انا اخذها 4000 مَش 2000 والحمدلله ربي ييسرها لي وولدت بنتي بسلامة الحمدلله ربي ييسر امرك ولا تقلقي وراح تشوفي مكان الإبر كدمات لا تخافين وتقلقين طبيعي والآن بحملي هذا كمان صرفوها لي مع اني تحليلي الحمدلله مافي اجسام مضادة بس خايفة الدكتورة وللأطمئنان قالت تعدي الثلاثة الشهور وموقفها عادي ان شاءالله نشوف وضعك الاولى ونشوف نوقفها ربي يطمنك ياقمر ويطمني وكل حامل يارب |
| الساعة الآن 09:19 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .