الي كان حملها عزيز أو نعرف أحد كيف كانت ولادتها
 

السلام عليكم ورحمة الله وبركاته :
خواتي مالي حد غيركم يساعدني ويجاوب على هالسؤال أنا طبعاً حملت بعد سنوات طويله والحمد لله على كل حال والله يقومني بالسلامه ويفرحني بشوفة طفلي بين يدي سليم معافى وطبعاً هالحمل يسمونه الحمل العزيز والحين أبي أعرف مين حملت بعد سنوات وولدت طبيعي لأن الدكتوره تقول كل أمورك تمام بس أفضل القيصري حفاظاً على الطفل ولك حرية الأختيار بس الراي الطبي قيصري بدون نقاااااااش .
ودي أعرف في حد ولدطبيعي بعدحرمان سنوات ولا كل وحده متأخره ما تجازف وتقرر قيصري على طول .
ريحوني الله يريحكم ولا يحرمكم الأجر ويقومكم بالسلامه ونفرح بشوفة أطفالنا بين إيدينا سليمين معافين ويجعلهم قرة عين لنا .

رد: الي كان حملها عزيز أو نعرف أحد كيف كانت ولادتها
 

والله ياقلبي ماعندي خبره
ولاحبيت اطلع من الموضوع بدون رد

بس مااتوقع
طيب انتي صبري ليه مستعجله يعني ممكن الله يكتب لك ولاده طبيعي
بس هي ليه حكمت انك تولدين قيصري اكيد في سبب غير انك حامل متاخر

توكلي على الله
واللي فيه الخير ان شاء الله بيصير

اهم شئ صحه جنينك

رد: الي كان حملها عزيز أو نعرف أحد كيف كانت ولادتها
 

والله حبيبتي

أنشاء الله تولدي بالسلامة وتشوفية بصحة
لكن انا خالتي طولت ماحملت بعدين حملت وولدوها قيصري

مادري وش السبب ؟؟
يمكن على حسب حالتك

رد: الي كان حملها عزيز أو نعرف أحد كيف كانت ولادتها
 

أنا لي صديقة عزيزة علي جدا ما حملت إلا بعد 5 سنوات ولا جابت غيره بس ولا دتها طبيعية مو عملية

طبعا عمر ولدها 10 سنوات

الله يرزقها إخوان صالحين لولدها آآآآآآآآآآآمين يا كريم

رد: الي كان حملها عزيز أو نعرف أحد كيف كانت ولادتها
 

الله يوفقك ويكتب لك اللي فيه الخير

رد: الي كان حملها عزيز أو نعرف أحد كيف كانت ولادتها
 

بنت عمي حملت بعد15 او20سنه من زواجها وولدوها قيصري في مستشفى حكومي مع ان مافيها شي كل شي سليم بس قالو حرام بعد هالسنين يروح الطفل او يتأذى بالولاده الطبيعيه

انتي ماطولتي كثير لاتستعجلين بالقيصري

رد: الي كان حملها عزيز أو نعرف أحد كيف كانت ولادتها
 

الله يجزاكم كل خير ما قصرتوا على الرد .
بالنسبة لوضعي الحمد لله والشكر له كل شيء تمام وعلى قول الدكتور حالتك فل ما فيها شيء والطفل الحمد لله متوجه من نهاية السابع وكل أموري تمام بس يقولوا هالطفل غالي وعزيز مو بس عليك حتى علينا وما نبي نعرضه لأي شيء ودنا نسلمه لك سليم بإذن الله . المشكله هم خيروني بس يقولون الأفضل فعشان كذا ترددت .
أنا مو معترضه على القصيري بس ودي يعطوني فرصتي أجرب يمكن الله يفرجها وتكون ولاده طبيعه سهله وميسره بإذن الله يعني هم مو أحرص مني على الطفل بس أحسهم وسوس في الأفضــــــــــــــــــــــل عمليه .
فعشان كذا سألت أبي أعرف في أحد ولد طبيعي ولا فيها مغامره .

رد: الي كان حملها عزيز أو نعرف أحد كيف كانت ولادتها
 

حبيبتي والله كأنك في قلبي انا حملي هذا بعد 7 سنوات وكل الدكاتره قالوا قيصري عشان نفس سببك حتى انه في دكتوره قالت حوضك ضيق عشان تقنعني بالعمليه ..
المهم اخر دكتور رحت له استشاري قال انتي حره بس ان شاء الله تقدرين طبيعي لو تبغين وراس الجنين الحمدلله نازل وكل شي تمام..
طبعا انا استخرت كذا مره واحس اني مرتاحه للطبيعي وبتوكل على الله وياربي يحفظهم لنا ويقر اعيننا برؤيتهم سليمين معافين ويجعلهم من الصالحين ..
طمنيني اش قررتي وانتي بأي شهر الحين ..انا خلاص تقريبا بدخل التاسع الله يسهل علينا ويحفظ اطفالنا يارب..

رد: الي كان حملها عزيز أو نعرف أحد كيف كانت ولادتها
 

زهرة البنفسج الله يقومني ويقومك بالسلامه ونفرح بشوفة أطفالنا بين إيدينا سليمين معافين ويجعلهم قرة عين لنا .
أنا الحين في التاسع وخلصت أسبوعين وماشيه في الثالث يعني عن النهايه الحمد لله بس الله يهديهم هالدكاتره وسوس فيني لالالالا وأزيدك المستشفى الي بولد فيه حط لي موعد نهاية الأسبوع عشان القيصري وقالت الدكتوره أستخيري حتى الموعد وطبعاً الي حولي كلهم مأيدين القيصري والحمد لله كل يوم أستخير وبإذن الله أولد طبيعي قبل الموعد الي هم محديدنه عن جد حاسه أني بولد طبيعي وما ودي بالقيصري وأملي في الله كبير أنه يفرجها في وجهي ويكتب لي الي فيه الخير وكلت أمري له وحده .
الله يسهل علي وعليك وعلى كل الحوامل ويجعل من نصيبنا ولاده طبيعيه سهله وميسره ونفرح بشوفتهم بين إيدينا سليمين معافين .
يالله ياكريم أنك ترزقني بفضلك ومنك وكرمك ولاده طبيعيه سهلة ميسره وتفرح قلبي بشوفة ضناي بين يدي سليم معافى اللهم سخر لي من عبادك الصالحين اللهم أغنني بفضلك ومنك عن من هو سواك اللهم رحمتك أرجوا فلا تكلني إلى نفسي طرفة عين لا إله إلا أنت أستغفرك وأتوب إليك .

رد: الي كان حملها عزيز أو نعرف أحد كيف كانت ولادتها
 

..
يارب ياكريم تولدين طبيعي وقبل موعد العمليه
لكن من وجهة نظري اذا تأخرتي وكملتي التاسع روحي سوي العمليه علشان يمكن التأخير أكثر يتعب الجنين

وشيء ثاني الدكاتره تحدد عمليه يمكن علشان عمر الأم تقدم بسن يعني كبرتي
مو بداية العشرينات فيخافون من تتعبين وماتقدرين تولدين طبيعي
وربي يسهل