منتديات حوامل النسائية - قصة حقيقيه( غيرة السلايف من حب ام الزوج لوحده فيهم)

🙄 قصة حقيقية لإحدى الصبايا 🙄
تزوجت..وكنت احلى وحده من سلفاتي وكانوا يغاروا مني..طبعا عندي اربع سلفات..وحماتي كانت تحبني من وانا خاطبه وتظل تحكيلي إنت بنتي الي ماخلفتها...ولما تزوجت كنت كل يوم أنظف بيت حماتي وأخدمها مثل أمي وأطبخلها الطبخه الي بتحبها..وكانت هي بس تدعيلي الله يوفقك ويرزقك ويطول بعمرك....
في يوم كنا مجتمعين عند سلفتي الكبيرة بدون حماتي..وكانت عازميتنا على طبخة كرشات..سألتهم ليش حماتي مش موجود..
صاروا يضحكوا علي شوبدك بهاي الشرشوحه أم لسانين أم وجهيين..قدامك بوجه ومن وراكي بوجه..وبعدين أنتي ليش بتشتغليها وبتطبخيلها متجيب خدامه ..مهي معها مصاري ومكوميتهم على قلبها..شو هي عامليتك شغاله عندها..مهي دايما بتحكي عليك..
انك مابتعرفي تطبخي ولابتساعديها بشغل البيت..
أنا صراحه أنصدمت من كلامهم ..يعني فوق ما أنا دايرة بالي على حماتي ومهتمه فيها هيك تحكي علي..
وبلشت أغيير تعاملي معها لا أطبخلها ولا أعمل أشي..وأذا حكت كلمه أردها عشرة عليها..وبلشت المشاكل بيني وبين حماتي ..وكل ماتشوفني تحكيلي الله يهديكي..لحتى يوم دخل زوجي علينا ولقينا بنتهاوش أنا وامه وسمعني وانا بسب عليها...على السريع رمى علي يميين الطلاق..وروحني عند أهلي..وصار بينا محاكم وأتطلقت من هاي العيله...
ودارت الايام وبعد سنتين ماتت حماتي..واتصل علي محامي بعد موت حماتي باسبوعين..المهم رحت ولا بحكيلي أم زوجك السابق كتبت الك حصه بالورثه..ومفهمه ولادها أنه اذا ماتت يعطوكي حصتك..
انا هون نزلت دمعتي بعد كل الي سويته فيها ..هيك تعمل معي...
كله من ورا سلفاتي ظلوا وراي حتى أتطلقت وخسرت حماتي الحنونه..
مش عارفه كيف بدي اكفر عن خطأئي مع حماتي اخذت الورثة وتبرعت فيها عن روح حماتي..عسا ولعل أنها تسامحني بقبرها...
قصه حقيقه..لوحده من الصبايا
حبيت أشاركم اياها...
لاتخلوا الناس تغيير صورة الناس الي بتحبوهم
منقول