منتديات حوامل النسائية

السلام عليكم يا بنات معاكم زهرة المني عضوه جديده هنا .. انا بصراحه بستفيد منكم كتييير و بتمني انكم تشاركوني و تردوا عليا
انا متجوزه بقالي اربع شهور قبل الجواز دورتي مكنتش منتظمه ف روحت لدكتوره قالتلي انا مش هديكي هرمونات و ادويه عشان كان عندي تكيس بسيط علي المبيض و قررت تمشي معايا طبيعي .. المهم كتبتلي التروكسين و سيدوفاچ مشيت عليهم سنه و الحمد لله دورتي انتظمت كل شهر تقريبا يعني لو اخرت هيبقي يومين بالكتير
اما اتجوزت جاتلي بعد الفرح ب يومين و الشهر الي بعده اخرت اسبوع جت يوم 17/9 و الشهر الي بعده جت في نفس اليوم بالتمام 17/10
الشهر الي فات في يومها الي المفروض تنزل فين 17/11 نزل عليا افرازات بيضاء سميكه و يوم 20/11 بمسح بالمنديل لقيت دم خفيف اووووي قلت خلاص الدوره هتيجي نمت و صحيت ملقتش اي حاجه الفوطه نظيفه تماما و استمر معايا الموضوع ده 3 ايام و طبعا الدم قلب لونه بني خفيف و برده منزلش حاجه في الفوطه
استنيت اسبوع و عملت تحليل دم طلع سالب ف روحت لدكتوره و عملت سونار قالتلي انتي عندك بويضه بحجم 17 و الكلاك ده يوم 25/11
و لحد دلوقتي مفيش دوره و المفروض انها تيجي بكره و حاسه باعراضها و من يوم الدكتوره و انا بحس بالاعراض دي :
1- الم في الصدر الشمال
2- الم في المبيض اليسار و احيانا اليمين
3- الم في منطقة السره في بطني
4- رائحة البول نفاذه
5- عندي حاليا افرازات بيضاء سميكه و بكره موعد الدوره
٦- عندي الام قويه اسفل الظهر
انا اسفه علي الاطاله بس ممكن اعرف من تجاربكم ده ايه و هل ممكن يكون حمل مع العلم ان حركتي كتيره و بجري و بروح و باجي
اسفه مره تانيه يارب يسعدكم و يرزق كل مشتاق الذريه الصالحه ياااااارب