|
ولدت ولله الحمد ...
السلام عليكم
كيفكم بنات حبيت ابشرك بولادتي الحمدلله وحبيت انزل الموضوع بالقسم اللي كانت فيه اغلب مواضيعي ولدت الحمدلله يوم السبت الصباح صحيت يوم الجمعه الصباح ع الساعه ١١ وانا حاسه بطلق خفيف وطنشته لاني حسبته كذب زي العاده بس لاحظت ان كل شوي يجي قلت خليني احسب وطلع كل عشر دقايق يجي وجلست امشي وامشي والطلق مستمر والعصر خرجت للسوق عشان امشي والطلق مستمر إلى الساعه ١٠ الليل صار الطلق كل خمس دقايق وخفت ان المده تقل اكثر قلت خليني اروح المستشفى ورحت والطلق حاااار وكشفت قالت بس مفتوح ٢ روحي بيتك ماعندك ولاده تضاايقت مره .. توقعت مفتوح اقل شي ٥ مع حراره الطلق وقلت لها موقادره اتحمل الطلق كل خمس دقايق قالت اشربي قرفه ونامي مع زوجك ورجعت البيت ونمت عند امي لاني مره تعبانه وطول الليل وانا اتألم .. اغفو ويصحيني الالم الى الساعه ٤ الفجر حسيت انه زاااااد وانا ساكته ع نفسي ولما جات ٤ ونص صحيت امي وقلت لها مو قادره اتحمل اكثر قالت يلا نروح شكله زاد التوسع معاك قمت ابدل ملابسي الا الطلق زااااد وصار كل دقيقتين خلاص الطلق نااار وحاسه اني بادخل الحمام هنا انا خفت .. لان احساس دخول الحمام غالبا ولاده بالقوه قدرت ابدل ملابسي وبالقوه نزلت للسياره الطلق ورا بعض مافي راحه ولما وصلت للمستشفى قالت ماعندك ولادة بس مفتوح ٢ انصددددمت ايش هذا لسى الرحم ٢ كيف راح اتحمل اكثر وقالت روحي بيتك امي تقولها البنت تعبانه قالت طيب يلا خليها تسوي تخطيط وبعدها نشوف وانا خلاص وصلت حدي من الالم ولما انسدحت ع سرير التخطيط الا تجيني هذيك الطلقه القوووويه ومعاها نزلت المويا الحمدلله وجات كشفت ولقيته مفتوح اربعه وقالت يلا اطلعي للكشك وهنا بدأ الجد في الألم طلعت فوق وكشفت علي الممرضه لقيته ثمانيه سانتي وقالت يلا ع غرفه الولاده بس اركب لك المغذي وانا اصرخ من الالم احسها خلاص بتنزل ورحت للكشك والحمدلله ما طولت ونزلت بنتي الحمدلله الساعه ٦ ونص بس مره تعبت .. عكس الولاده الاولى اللي كانت مره سهله هذي الولاده طلقها حاااااااار وتحسي بلحظه خروج الراس عكس الاولى وجلست مو مصدقه اني ولدت وابكي واقول للممرضه خلاص ولدت حتى امي تفاجأت لما قالو لها الخبر لان كان لي نص ساعه من دخلت قسم الولاده تقولي خلاص جيتهم مستويه وما طولتي هههههه والف الحمدلله اني انتهيت من هذا الكابوس ع خير ودحين اللي متعبني الطلق اللي بعد الولاده اللي هو تعديل للرحم وحابه اشكركم يا بنات ع وقفتكم معايا واجاباتكم ع اسئلتي ودعواتكم الطيبه لي ربي يبارك فيكم وبذرياتكم ويكتب لكم الولاده السهله الميسره السريعه |
رد: ولدت ولله الحمد ...
وحابه اسألكم بنات متى ينزل الحليب بعد الولادة الثانيه
بنتي ترضع ومسكينه ما ينزل لها شي .. كيف اخليه ينزل بسرعه ؟ |
رد: ولدت ولله الحمد ...
ماااااشاء الله تباااارك الله
احلى خبر والله الف الف الف اللللللللف مبرووووك الله يخليها لكك وعقباااالنا ياارب اهم شي انها تسهلت من ربي ماشاء الله انا سرتي توجعني مدري شي خطير والا لا والا علامة قرب ولاده ربي يباااارك لك بالعرووسه حبيبتي |
رد: ولدت ولله الحمد ...
الحليب راح يجي بس تغذي زين
عليك بالحليب مع السمن البلدي وعليك بمغلي الحلبة وممكن تطبخوه مع الرز وتهرسوه اهتمي بأكلك زين مع شرب الماي |
رد: ولدت ولله الحمد ...
ما شاء الله الف حمد لله على السلامة
وعقبال حياتي توأمي وكل الحوامل يارب وعقبالي اوصل للشهور الاخيرة بسلام ياارب |
رد: ولدت ولله الحمد ...
ما شاءالله الله يبارك لك في بنتك وتشوفيها أحلى عروس
|
رد: ولدت ولله الحمد ...
ماشاء الله تبارك الله
لف الف مبرؤؤك البنوته تتربى بعزكم ولحمدالله ع سلامتكم لرحم يقلب اذا كان البكر ولد او بنت والعكس صحيح وغيركذا البطن الثاني موت موزي ا لاول |
رد: ولدت ولله الحمد ...
حبيبة قلبي ترياق
ربي يبارك بعمرك ويخليك ويقومك بالسلامه والله اني استنى خبر ولادتك ع احر من الجمر كل شوي ادخل المنتدى اشيك اذا لك موضوع ولادة واذا غطيتي اقول يارب ولدت نويت ادعي لك بالطلق بس مرره ماافتكرت احد حتى نفسي لا تشيلي هم الولادة الاولى سهله وميسره ربي يرزقك الولادة السريعه الميسره وتخرجي منها بصحه انتي وولدك يارب بالنسبه لسرتك جاني الالم قبل الولادة بكم يوم .. جيبي ايا كريم عندك وادهني حولين سرتك بشكل دائري بعدين تلاحظي ان التحجر فك والطفل غير وضعه أم ديم الله يجزاك خير ويسعدك .. ان شا الله اسوي اللي قلتي عليه أنوار الولاية حبيبتي ربي يبارك فيك ويسلمك ويرزقك هون الحمل والولادة أم حمودي وعبودي ربي يبارك فيك وبذريتك حبيبتي أم بتلاء ربي يبارك فيك .. اي والله البطن الثانيه تعب ما توقعت كذا |
رد: ولدت ولله الحمد ...
ماشاءالله والحمدلله ع سلامتك وسلامة بنوتك
والف مبروووووووووووك ياقلبي |
رد: ولدت ولله الحمد ...
الله يسلمكم حبيباتي ويسهل اموركم ويبارك باعماركم
|
| الساعة الآن 01:04 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .