|
استشارة + قصتي مع تأخر الحمل
مساااااء الخير أخواتي
قبل ما استشيركم حابة افضفضلكم أنا صرلي سنة و7 شهور متزوجة ولله الحمد .. أول 9 شهور من زواجي كنا مقررين أنا وزوجي نأجل الحمل لعدة أسباب .. كملو 9 شهور وأنا حكيت مع زوجي بدي بيبي هوا ما اتحمس كتير قلي لسا بكير خلي شهر الجاي قلتلو أوكي خلينا نوقف المانع الطبيعي قالي تمام أنا تحمست كتير وصرت اقرأ ف نت ع الحمل والأعراض وكيف بيصير الحمل وكنت أول مرة أعرف شو التبويض والبويضة وتخصيب وكل هالشغلات ....... وأنا بنتظر أن من أول شهر رح أحمل وطبعا نزلت الدورة وما اهتميت قلت عااادي لسا بكير استمر هالوضع لحد ما اكتشف زوجي أن عندو دوالي وع طول عمل العملية أول شهرين من العملية شلت فكرة الحمل من بالي تالت الشهر تأخرت دورتي 10 أيام كتيييير فرحت وعملت اختبار حمل طلع سلبي قلت أصبر وكانت فيني كل أعراض الحمل وبعد يومين نزلت الدورة للأسف بكيييت كتير بعدها حمدت الله وصبرت و كل شهر ع هالحال والحمد لله والله راضية وصابرة بس الناس مابتخليك تصبري من فترة كنت في مناسبة عائلية وكلهم تجمعو علي وبدأت الأسئلة والوصفات ويعايروني ان اللي تزوجو معي حوامل بطفلهم التاني واللي بعدي جابو أول طفل أنا اخر شي قلتلهم وأنا كمان حامل وما كنت بدي قول (استغفر الله) ماكان قصدي الكذب بس كان بدي سكتهم وفعلا سكتووو سبحان الله الناس بس همها تجسس ع الناس الله يهديهم ولما اجتني الدورة هالشهر بكييييييت أكتر من أي شهر فات لأن حسيت أني كذابة وورطت حالي بس مافي شي ع الله بعيد بأذن الله أحمل وارتاح من كلامهم وريح حالي وربح عيوني من الدموع الله بيعلم ماكانت نيتي غير أن يسكتو لأن الكلام كان جدا جارح عموما ..... أنا بكرة أخر يوم ف دورتي الشهرية .. كنت بتصفح بالنت وشفت وصفات بعدد شعر الرأس وخلتني محتارة وقلت مارح أعمل ولا وحدة فيهم ههههه وقلت ما اللي غير أخواتي ينصحوني من خبرتهم وجربو شي وفادهم قبل هيك جربت ميريمية وبردقوش 3 شهور ولأني كان عندي كيس وظيفي خفت يصير معي فرط تنشيط لا سامح الله وبتحولو اكياس طيب شو أعمل ؟ سمعت ع لصقة ظهر جونسون وقلت أحسن ما أشرب شي خليني اجربها ساعدوني أخواتي بتنصحوني أستعمل لصقة جونسون ولا ما أعمل شي أبدا مع العلم زوجي عامل عملية دوالي من 6 شهور ونص واخر هاد الشهر رح يعمل تحليل ودوبلر .. ادعولي وأسفة طولت عليكم سامحوني |
رد: استشارة + قصتي مع تأخر الحمل
ربنا قادر علي كل شئ
اكيد كلام الناس مش بيخلص و مش انك قلتي حامل سابوكي كده لا شويه و يكملو ولد ولا بنت و هتعملي مانع بعد الولاده ولا لاء المهم انا مش اعرف عن الوصفات بس ادعي و استغفري كتييييييير و تصدقي برضو و باذن الله تحملي بطفل سليم و معافي عاجلا غير اجلا |
رد: استشارة + قصتي مع تأخر الحمل
اقتباس:
والحمد لله الله يقدرنا ع طاعتو وشكرا كتير ع مرورك الحلو والله يستجيب لدعائك |
رد: استشارة + قصتي مع تأخر الحمل
حبيبتي ماتهتميش بكلام الناس لان ببساطه كل ده مش بايدك ده بايد ربنا يقولوله هو بالدعاء ليكي احسن حاجه تففضي مع ربنا واستغفري كتير واقراي سورة مريم وسورة الرحمن بنيه الرزق ربنا يرزقك ويرزقني انا كمان بقالي سنتين ربنا يكرمنا وتبعي مع دكتور وهوكمان يتابع
|
رد: استشارة + قصتي مع تأخر الحمل
صباح النور
يختي وش عليك من الناس وش دخلهم بحياتك انتي اللي بتحملين او هم عيشي حياتك ورزقك بيجيك باذن الله بالنسبه للصقه ماجربتها لصراحه الله يرزقك ويفرح قلبك |
رد: استشارة + قصتي مع تأخر الحمل
اختى وش علش من اناس انا جلس 18 سنه والحمد لله
|
رد: استشارة + قصتي مع تأخر الحمل
اقتباس:
شكرا ع مرورك اختي |
رد: استشارة + قصتي مع تأخر الحمل
اقتباس:
ياربت كل الناس متلك ويعرفو أن الحمل رزق من الله وان مادخلهم فيني والطفل اللي رح جيبو بأذن الله طفلي مو طفلهم ومادخلهم فيني بس شو تعمليلهم الله يهديهم |
رد: استشارة + قصتي مع تأخر الحمل
اقتباس:
الحمد لله بستغفر وبدعي وبأذن الله ربي مارح يردني خايبة والله يعينا ع طاعتو يارب ويرزقني ويرزقك عن قريب |
رد: استشارة + قصتي مع تأخر الحمل
ياعمرررري انتي حزنتييييني
شوفي بقولك شي ان لم تكن ذئبا اكلتك الذئاب روحي مناسبات ومريحه مخك ولو حد تكلم خليك بارده زي الثلج وقولي شي يخصني انا وزوجي وبس حتلاقيهم يقولون لا احنا ننصحك ومن هالخرابيط طنشي وكل ماتكلمو قولي كلام يسكتهم باحترام شي يخصني ويخص زوجي منعني اتكلم بخصوصياتنا مع احد ... وكمان ذا رزق من الله مابيدي اخلق جنين لانو لو بتضعفي حتتعبي وحياكلوكي من جد ناس جاهله من تجربتي سوي تحاليل ولو تحاليلك تمام كان بها لو مش تمام خذي علاجات وانتظري لين زوجك يتعافى وسوي متابعه تبويض لو احتجتي منشطات رح يعطيك الطبيب و انتبهي تتعبي حالك بالمنشطات وزوجك فيه عله لا انتظري لين يتعافى وروحي عند استشاري افضل لايلعبون فيك الدكاترة وارجع واقول خلك قويه ذا شي بينك وبين زوجك فقططططط خليك مثل االلبوه غيوره ع حياتها وماتسمح لاحد ينبش وراها بس باحترررررررام |
| الساعة الآن 12:35 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .