|
متى اقدر اجلس واتحرك بعد الولادة ومتى الخيوط تطيح
متى اقدر اجلس واتحرك بعد الولادة ومتى الخيوط تطيح
مرحبا .. خلصنا من شكاوي الحمل والحين بزعجكم بالولاده .. ولدت طبيعي الحمدلله طبعا الحمد والشكر لله انا اوووول مره اسوي جراحه حتى لو نتفه و اول مره يكون بجسمي غرز .. وعشان كذا من ولدت وانا منفجعه من الوجع ومن الحركه والمشي ومن كل شي و ازعجت اهلي معي .. يقولوا امشي عادي الحركه زينه بس مو كثير وكنت اخاف بس صرت امشي واتحرك .. لما ينزل دم النفاس اوسوس دوره ولا خيوط انفكت .. ولما ابي اجلس عالارض ومقدر اقول لايكون فيه شي غلط اييي الدكتوره كانت تسولف مع خويتها اكيد اخطأت بشي .. وطبعا هذا كله اول يومين وبعدين امي جبرتني على غسول المره وقالت لاتحطين دايم و مع كريم ميبو وكذا .. صح احترقت بالبدايه وشفت الموت بس بعدين برد الجرح وصرت امشي بسهوله و الالم اختفى الحمدلله بس بعدها خفت ليش طاب بسرعه يعني مافي راحه من الوسواس .. انا حاليا لي اسبوع والده والحمدلله الوجع خف صار بس اول ما انسدح احس بلسعه و اول ما اوقف .. و للحين مقدر اجلس عادي مثل اول .. اسئلتي .. معقوله جرح الخياطه يطيب بهالاسبوع ؟ ومتىىىى اقدر اجلسسس واتحرك عادي بدون الم مثل قبل الولاده ؟ متى الخيوط تطيح ؟ ومن تطيح راح يصير كل شي طبيعي ؟ متى اقدر اجلس واتحرك بعد الولادة ومتى الخيوط تطيح |
رد: متى اقدر اجلس واتحرك بعد الولادة ومتى الخيوط تطيح
الحمدالله ع سلامتك
حبيبيتي الحركه عادي كويسه بالعكس لاتظلين منسدحه ع طول يعني اذا ماعندك زوار امشي وبعدين الخبوط باذن الله اسبوعين او ثلاثه وتطيح حسب الاهتمام بمنطقه الخياطه يعني غسول المره كويس مع المرهم الاخضر بصراحه يكفيني ومافي الم وعليك بالكبو وتدفي زين اهم شي بالنسبه للسعه لان المنطقه شاده لساتها عشان كذا تحسين فيها او كانه شي يبطك الجلوس بس تطيح الخيوط باذن الله وانتبهي تجلسين ولسى الخياطه مانزلت الغرز من نفسه |
رد: متى اقدر اجلس واتحرك بعد الولادة ومتى الخيوط تطيح
ياعمري الحمدالله على سلامتكك ومبروك ماجاكك
الخيوط تطيح علئ حسب الاهتمام ومتى تطيح من اسبوعين لين ثلاثه وتطيح وباالنسبه للمشي المشي حلو بس على الخفيف وبنسبه للجلوس صكي رجولك لاتتربعين وباالنسبه للغسول انا استخدم اول 15يوم غسول بيداتين وكريم ميبو وبعدين غسول الارطاء وخوجوا وادهن بزيت زيتون بخوا جوا وبكذا الخيوط تطيح بسلام واهم شي الاكل يكون اكلك ساخن عشان تلتمين من داخل والله يقومك بااالسلامه |
رد: متى اقدر اجلس واتحرك بعد الولادة ومتى الخيوط تطيح
انا بعد نفس الشي بعد اسبوع تقريبا خف الوجع الحمدالله بس عادي ميبو يخلي الجرح بسرعه يبرى
|
| الساعة الآن 02:02 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .