|
كب كيك الفستق بكريمة الجبن
* المقادير : http://forum.hwaml.com/imgcache2/hwa...083076_434.png _ م ص فانليا سائلة + 3 بيض متوسط الحجم + 2م ص هيل مطحون http://forum.hwaml.com/imgcache2/hwa...083070_859.png _ 1 وربع كوب طحين جميع الاستعمالات { يقاس بعد النخل } http://forum.hwaml.com/imgcache2/hwa...083068_954.png _ 3/4 كوب سكر ~ http://forum.hwaml.com/imgcache2/hwa...083066_840.png _ 2 م ص بيكنج باودر ~ _ 3/4 كوب فستق مطحون ~ _3/4 كوب حليب طازج ~ _ رشة ملح ~ http://forum.hwaml.com/imgcache2/hwa...083073_183.png _ نصف كوب زيت نباتي ~ بالنسبة للصور لا تعبر عن المقادير بالضبط كل المقادير معيااارية بالاكواب والمعالق , وما انصح بغير ذلك { بجد يررتفع ضغطي لما تيجي وحده وترز وصفة بقياس كوب الجبن ,, عسا مااشر ويعني اذا ما عندي منه من وين اجيب ,, خصووصا الحلويات المقادير فيها كثير حساسة } كل المقادير بحرارة الغرفة .. الحليب , البيض , كله بحرارة الغرفة اذا كنتي مستعجلة ممكن تحطين البيض بصحن عميق وماي دافي ~ * كل الاكواب المعيارية والملاعق تمسح بطرف سطين مستقيم http://forum.hwaml.com/imgcache2/hwa...083075_120.png * الفانليا اللي استخدمتها هنية جودتها عادية لان وضيفتها فقط تنكية البيض ومالها اي اثر فالوصفة ,~ الطريقة : * طيب اول شي ننقي الفستق من اي شوائب او من اي قشور او حبات يكون شكلها جاف او غلط { بما ان نوعية الفستق اللي شريتها جيده , فبالعافية حصلت كم حبه ما عجبوني وما حصلت اي شوائب ولا اي قشور } http://forum.hwaml.com/imgcache2/hwa...083073_114.png * بعد ما تاكدت من نضافته ,, أحطه على مشخال ,, واشخله عشان يطلع كل الغبرة طبعا هاي مو غبرة تراب ,, هاي غبرة القشور نفسها ,, وبعد كيذا احمصها عالخفيف فالمقلاة ,, عالخفيف معناه بس ادفي الفستقق مثل اللي اخلية شوي يمييل لانه يفرز زيوته ,, لكن ما يتغير لونه ابد ,, خللي عييونج علييه ~ http://forum.hwaml.com/imgcache2/hwa...083067_308.png * سيده على طول على مطحنة المكسرات ,, ببيتنا ماما مخصصة مطحنة للمكسرات ,, ومطحنة للبهارات عشان الطعم ما يتأثر ,, لأن بعد الاستخدام المتكرر تلصق الريحة خصوصا الهيل ولا عاد تطلع لو شنو http://forum.hwaml.com/imgcache2/hwa...083067_260.png أطحنيها بالخفيف عشان ما يطلع لج عجين بدال بودرة وما فية اي مشاكل اذا كان فية حبوب صغيرة ما انطحنت ,, احب مرات يبقى مثل النقط الخفيفة فالكيكة http://forum.hwaml.com/imgcache2/hwa...083074_774.png http://forum.hwaml.com/imgcache2/hwa...083072_474.png عالحواف بيتحول الفستق مثل العجين ,, عادي جدا ماله تأثير , فالاخير بينطحن مع كل شي ~ http://forum.hwaml.com/imgcache2/hwa...083073_359.png حاليا أحنا خلصنا من أهم شي فالوصفة هذي كلها ,, أنا دايما أحرص على أني أحمص المكسرات بالبيت لان تعطيها طعم ااااخر فررق فررق عن لما تتحمص قبله بيوم او قبله بساعه حتى ,,~ طيب يا حلوين نكمل ,,~ * في خلاط الكيك نظيف البيض والفانليا والسكر http://forum.hwaml.com/imgcache2/hwa...083071_385.png * نخلط على سرعة بطيئة لمدة 3 دقايق تقريبا او لحد ما السكر يذوب ,, الخلط الزايد بيخلي الكية تطلع يابسه , فلا تتحمسين حيل بس يذوب السكر وستوب , السرعه تكون بطيئة يا حلوة http://forum.hwaml.com/imgcache2/hwa...083077_163.png كيف تعرفين السكر ذاب ولا لا اذا انتي مبتدأه ,,؟ ببساطة بظهر الملعقة مرريها عالخليط وشوفي اذا باقي ذرات سكر او لا ,,~ * بعد السكر ضيفي الزيت واخلطي خلطة سريعه ,, بس يندمج الزيت مع البيض ,,~ http://forum.hwaml.com/imgcache2/hwa...083074_829.png * أنخلي الطحين + الملح + الهيل + البيكنج باودر http://forum.hwaml.com/imgcache2/hwa...083077_731.png * ظيفي الحليب والطحين بالتناوب ,, يعني شوي حليب واخلطي 10 ثواني , بعدها شوي طحين واخلطي 10 ثواني .. ظيفي الطحين على 3 دفعات ,,~ خلي الاظافة الاخيرة حليب ,, http://forum.hwaml.com/imgcache2/hwa...083072_563.png * ظيفي ملون الطعام ,, شوي بس بطرف السكين , لا تتحمسين وتحطين وايد ترى قطره تغير اللون كله ,, أحنا نبي لون أخضر خفيف , يبين طبيعي http://forum.hwaml.com/imgcache2/hwa...083074_230.png[/QUOTE] http://forum.hwaml.com/imgcache2/hwa...083067_188.png الماركة اللي استخدمها هي ماركة ويلتون ,, معليش اسفة مع الزحمة نسيت اصور العلبة * اخر شي ضيفي الفستق واخلطي بالسباجيولا ,, { الملعقة السيلكون هذي افضل اختراع فالعالم , ما اعرف كيف كنت عايشة قبل من دونها جد صرت مااعرف اطبخ اي شي من دونها ,, واابد ما استخدم الملاعق الخشب http://forum.hwaml.com/imgcache2/hwa...083078_927.gif } http://forum.hwaml.com/imgcache2/hwa...083071_164.png الخلط يكون بنفس الأتجاه يا حلوين ,, عشان الهوا ما يطلع ~ * بكذا نكون خلصنا من خليط الكيك ,, http://forum.hwaml.com/imgcache2/hwa...083069_374.png بقى معاي شوي من الفستق المطحون طبعا مستحيل استخدمة مرة ثانية للكيك ,, http://forum.hwaml.com/imgcache2/hwa...083072_221.png مرة سويت كب كيك وكنت مستعجلة حييل واستخدمت فستق طاحنته من قبل وتحسفت حسااافة ,, الله لا يوريكم مااافية طعم عشان هالشكل نصيحة مني أحفظوه بعلبة بلاستيك أو زجاج وأحفظوه فالثلاجة وممكن تستخدميمه للتزين فقط ~ نيجي لمرحلة صب الكب كيك ,, على فكرة على ان الموضوع باين انه مايبي له شرح الا ان طريقتج فطب الكيك لها اثر كبير في الشكل النهائي ,,~ مرات يجي الكب كيك منتفخ من جهه ونازل من جهه ,, تتوقعون ليش ؟.. مو من عدم توزع الحرارة بالتساوي ,, لا ~ ممكن يكون بسبب انج صبيتي الخليط باللعقة ومش بالتساوي ,, الطريقة الافضل والاسرع والانظف هي بالبايبنج باق ,, او كيس الحلواني ~ انا ماا استغني عنه في حلوياتي , اشتري كيس داخلة 50 حبة ب60 ريال تقريبا ويضل معاي فترة لا باس بها , احلى ما فية انه للاستخدام مرة وحده فقط ,, يعني خلصي منه وعالزبالة طواالي طيب كيف بتعبينه بخليط الكيك .. الطريقة الاسهل واللي انا معتمدتها من زمان ,, اجيب كوب واسع طويل وممكن يكون مخروطي وادخل فية الكيس واثني اطرافة العلوية ,, http://forum.hwaml.com/imgcache2/hwa...083068_136.png وبعدها اصب الخليط يا باني اميل صحن الكيك بكبرة , او اذا كان قوام الكيك ثقيل بملعقة السيلكون وبس اخلص الصب ,, ارفع اطرافة وامليهم شوي بعد واربطة من فوق ,, عادتا عندي ربطات بلاستيك بس خلصوا من عندي ,, لكن مو مشكلة جيبي النايلون واربطي فيه http://forum.hwaml.com/imgcache2/hwa...083078_605.jpg http://forum.hwaml.com/imgcache2/hwa...083076_846.png أوكيك بما ان الخليط يميل للقوام السائل فبتتلعوزين بالصب ,, وافضل طريقة وصلت لها هي اني اقص فتحة صغييرة عشان اقدر اتحكم بالصب ,, وأنا أصب أخلي صبعي عالفتحه اشيلها لما ابي أنزل الخليط , وارجعها لما أبي أوقفة , وأنط للي بعدوة بهالشكل بيتوصخ صبعج شوي لكن الصحن والاكواب بيكونون نظاف ,,~ http://forum.hwaml.com/imgcache2/hwa...083075_969.png * الكب كيك جاهز للفرن ,,~ كالعادة يتسخن الفرن قبلها ب10 دقايق عالاقل على درجة حرارة 180 c والفرن الفرن ومااا أدراكم ما الفرن ,, يا يكون عدوج يا يكون صديقج اهم ما في الطبخ هو الفرن ,, مرات كثيير البنات يتحبطون على بالهم انهم ما يعرفون يضبطون طبخ الكيك لكن يكون العكس تماما ,, الموضوع فقط انج مو عارفة تتعاملين مع الفرن اول شي بصراحه انا عندي فرنين بالبيت فرن كهربه وهو اللي دااائما اسوي فيه الكيك والحلويات نظرا لحسااسيتها ,, وتحتاج لفرن متسااوي الحرارة وفرن الغاز ما بيعطي نفس النتيجه لذا اهتموا بنوعية الفرن ,, وحاليا انا بعد ناوية ابتدي زن على ابوي عشان يجيب لي فرن مثل افران المطاعم ,, تطلع الكيك بيييرفكت ,,http://forum.hwaml.com/imgcache2/hwa...083078_499.gif والفرن الثاني عندنا بالمطبخ ورى فرن غاز ,, طبعا توزيع الحرارة خراابيط مكان حار ومكان بارد ,, لكن عموما نستخدمه للصواني والدجاج والفطاير وهالامور يعني ,, اي شي الا الحلويات ,,~ عشان هالشكل امي تسمي فرن الكهربه فرن مريم http://forum.hwaml.com/imgcache2/hwa...083078_927.gif هههههههههههه محد يطبخ فية الا انا ~ للاسف اني ما اقدر اعطي وقت محدد للكيكة فالفرن .. بس تقريبا بتاخذ حول ال20 دقيقة وخلج عندها ,, الوضع ما يتحمل انج تقضين مشاوير او تاخذين دوش ,, احبها مو محمرة من فوق ,, مجرد احمرها من تحت وخلصنا ,, كثيير مرات اختي تشوفني مطلعه الكيكة تقول لي لااااااا ما استوت رجعيها ,, اقول لها انتي شعرفج فالطبخ http://forum.hwaml.com/imgcache2/hwa...083078_473.gif لا احد يقول لي لا احب احمرها من فوق ,, التحمير من فوق ينشف الكيكة غير انه يكون لها قشرة مال امها دااعي واذا حطيتي فوقها صوص النكهه ما بتتسرب بسهولة لانه بيكون مثل الحاجز عموما كل مطاعم الحلويات الكبيرة ما تحمر الكيك من فوق ابدا http://forum.hwaml.com/imgcache2/hwa...083078_223.gif ~ وهذي هي كيكتنا الجميلة لما اطلعت من الفرن http://forum.hwaml.com/imgcache2/hwa...083078_927.gif ,,~ http://forum.hwaml.com/imgcache2/hwa...083070_805.png يييممممييي http://forum.hwaml.com/imgcache2/hwa...083078_528.gif ليتكم عندي تشموون الريحة ,, سووو دييلشز ~ شايفين هالانتفاخة الحلوة الخفيفة ,, ماراح تتكون لو صبيتوا الخليط بالملعقة ~ http://forum.hwaml.com/imgcache2/hwa...083067_842.png الخطوة اللي بعدها لااازم ولاا بد ووويجب وومست انج تبردين الكيكة كييف ؟ مجرد تحطينها عى شبك مرتفع ,, اي شي يسمح للهوا بالمرور من خلالها >> تذكرت درس الزجاج فالعلوم http://forum.hwaml.com/imgcache2/hwa...083078_605.jpg لا تخافين هالشي ما بيخليها ناشفة يعني انا اعرف وحدة من اهلي الله يهدااها بس ,, لانها تطبخ الكيك بطريقة غلط فتطلع ياابسة فتقوم تحطها فصحن وتصكرة بقصدير على طوول عشان تكتم البخار ,, طبعا الكيكة تطلع لينه لكن الله لا يوريكم القوام الساايح المرطب ,,http://forum.hwaml.com/imgcache2/hwa...083078_448.gif كل اللي نحتاجة نخلي الكيكة تتهوا وتاخذ نفس وتتماسك ,, وتكون تقريبا بحرارة الغرفة تنبية : انا وسواسة لابعد درجة واخاف على حرارة الفرن ودرجة حرارة الغرفة فاصكر مكيف المطبخ .. امووت من الحر بس شسوي اخاف عالكيك يخرب ~ http://forum.hwaml.com/imgcache2/hwa...083065_402.png بس تحسينها بردت شوي اخذيها واحفظيها فكونتينر بلاستيك او زجاج محكم الاغلاق عشان نحفظها فالثلاجة لين اليوم اللي بعده اللي هو العيد ,, اذا حفظتوا الكيكة بطريقة غلط ودخلتوها الثلاجة اليوم الثاني بتطلع ناشفة يعني باختصار مااينفع الا انج تحطينها بصندوق بلاستيك محححكم الاغلاق وطووالي عالثلاجة http://forum.hwaml.com/imgcache2/hwa...083076_582.png ماماتي فديتها مدمنت بوكسات بلاستيك وزجاج ,, عندنا ادرااج كاملة لها من هالبوكسات فما اعاني من هالناحية ابد ,, http://forum.hwaml.com/imgcache2/hwa...083073_560.png الدفعه الاولى ,, واللي بعدها الدفعه الثانية ~ http://forum.hwaml.com/imgcache2/hwa...083068_508.png اوكية يا حلوين انا طبعا طابخة الكيك قبل العيد بليله ,, وهالشي مو غلط بالعكس الكيك واحد من الاشياء اللي كل ما ضل بالثلاجة كل ما طعمه صار احلى النكهه تطلع اقوى وتتركز .. طبعا هالكيكة حدها 3 ايام فالثلاجة وخلاص ما عاد تنأكل مو تروحين تخمرينها فالثلاجة اسبوع , على بالج بتنتجين نكهه صاروخية http://forum.hwaml.com/imgcache2/hwa...083078_758.gif,,~ ,’ اوكييك خلصنا من الكيكة نيجي للكريمة ,,~ الكريمة اللي استخدمتها هنية هي كريمة الجبن المعتادة فقط اظفت لها 2 م ك ماي زهرة البرتقال ممكن ماي الورد ,, انا مرات أمكس عادي يعني ~ المقادير : 600 غ جبن فلادلفيا ~ 200 غ زبدة لينه غير مملحة ~ كوب سكر مطحون ~ م ك فانليا سائلة ~ 2 م ك ماي ورد ~ رشة ملح ~ الطريقة : تصدقون اني ما صورت الطريقة على بالي اني منزلة طريقتها من قبل الحين ادور فمواضيعي واكتشفت أني ما قد سويتها من قبل http://forum.hwaml.com/imgcache2/hwa...083078_758.gif معليه الموضوع ما يبي له خطوات اول شي بالخلاط الكهربائي اخفقي السكر بالزبدة لين يصير فلافي لا تكثرين خلط ,, مانبي هوا يدخل للكريمة كثير http://forum.hwaml.com/imgcache2/hwa...083078_155.gif بعدها ظيفي الجبن والفانليا وطوووغغغوووووووووط > صوت الخلاط http://forum.hwaml.com/imgcache2/hwa...083078_605.jpg وبعدها يا حلوين رشة الملح وماي الورد * رشة الملح هذي حيييل مهمة ,, تبرز النكهات كلها فدييتني اول ما بديت اتعرف عالطبخ , وشفت الملح فالسويت قلت والله انهم مهابيل وما يعرفون شي بالطبخ http://forum.hwaml.com/imgcache2/hwa...083078_605.jpg > يافهييم انته ~ وحركية بالسباجيولا ,, اوكية انا بما ان عندي خدامة عبقرية وبما ان كان وراي مية شغلة اعتمدت عليها بس في انها تخلط ومن كسلها زودت السرعه ودخل هوا كثيير للكريمة ,, وظليت اقلبها بالملعقة حول 5 دقايق بس عشان اطلع الهوا منها http://forum.hwaml.com/imgcache2/hwa...083078_371.gif وباليااله طلع .. الهوا يا حلوين يكّون فقاعات كثييرة فالكريمة بهالطريقة لما تجين تشكلينها عالكيكة الاشكال ما بتطلع متساوية وحلوة المهم ,, كيذا نكون خلصنا ولكن ,, سر من اسرار نجاح الكريمة هو انج ما تستخدمينها على طول لانها تكون فالاغلب سايحه شوي ومو متماسكة والسبب يعود للسكر لان وضيفته مش بس التحلية ,, حتى لو تلاحضي كل ما اضفتي السكر للجبن ساح زيادة كل الي عليج تسوينه تدخلينها الثلاجة ,, يعني تقريبا ساعتين او 3 ,, عموما انا ما حطيت الكريمة عالكيك الا اليوم الثاني الصبح قبل لا اطرش الصواني عشان ما تخرب فالثلاجة وعشان اقدر احفظها بطريقة صحيحة ,,~ pistachio brittle المقادير : 3 اكواب ماء 3/4 كوب سكر ابيض فستق مفروم خشن مقدار ثلث كوب تقريبا ..~ الطريقة : أدري حاسين ان مقدار الماي كبير عالسكر لكن احنا مبتغانا كراميل خفييف جدا ,, الموضوع جدا بسيط ,, بس اتبعوا كلامي بحذافيرة , وبتشوفون ان الشغله حيل سهلة وتونس ,,~ * ذوبي السكر فالماي بمقلاة قاعدتها سميكة . على نار هادية عشان الكراميل ياخذ راحته * بس يذوب السكر خلاص اتركي الماي ولا عاد تحركينه ابد , بتلاحظينه يفور والماي يتبخر ,, * بياخذ له وقت على بال ما يصير كراميل , انا خليته وقمت اجهز للحلويات الثانية بس عيني علية ,, لما يوصل لهالمرحلة كراميل ذهبي بس خلاص شيلية من النار لانه بيكمل يطبخ برووحة ,,~ * بتحتاجين مات سيلكون ,, ممكن تستبدلينها بورق شمع اصلي ,, مو الخرط اللي يبيعونه فالجمعيات عموما هالمات احلى شي فالحياة بتفيدج فالبسكوت فالخبز حتى في تشكيل الشوكلت وسعرها تقريبا 80 ريال ,,~ * فرمت الفستق فرم خشن ,, فرم خشن يفرق عن الطحن ويفرق عن الدق بمطرقة http://forum.hwaml.com/imgcache2/hwa...083078_758.gif.. والله العضيم اني مو مرة ولا مرتين ولا ثلاث ,, اشوف الحريم لما يبون يفرمون المكسرات يحطونها بكيس ويدقونه باي شي ,http://forum.hwaml.com/imgcache2/hwa...083078_252.gif طيب وين المشكلة ؟؟ المشكلة ان شكل المكسرات انعدم ,, بيجي مسحوووق مو مفروم http://forum.hwaml.com/imgcache2/hwa...083078_155.gif ببساطة يرحم والديكم بسكين كبير افرمي الفستق كانج تفرمين تبولة بس لا تهرينه ,, نبيه يكون قطع حلوة مبينه * اول شي جربت اني اصب الكراميل عالمات واوزعه باني اميل المات بيديني عشان يتوزع الكراميل وبعدها رشيت الفستق ,,لكن اللي لاحظته ان الكراميل بسررعه برد وما مسك كل حبات الفستق * ما عجبني الوضع وسويته مرة ثانية ,, وبالاخير قبل لا اشيله من النار صبيت علية كمية فستق وحركته حركة سريعه وصبيته عالمات وفردتة على قدر ما اقدر .. ليييييش حركة سريعة وانا اخلطة ,, لانه لو زودتيها السكر بيصير كرستااال وما بيكون صوص عشان كيذا هالطريقة ما انصح فيها للمبتداأت >> ياا محترفة انتي http://forum.hwaml.com/imgcache2/hwa...083078_605.jpg جد اول مرة اجرب الشغل بالكراميل بس عندي خلفية واسعه عنه تمكني من تجنب أغلب الاخطاء http://forum.hwaml.com/imgcache2/hwa...083078_215.gif خلصنا منه ,, نيجي للمقلا ,, كله كراميل وتنظيفة صعب كل الموضوع انج تضيفين له ماي وترجعينة عالفرن يفوور وكل الكراميل بينظف بروحه http://forum.hwaml.com/imgcache2/hwa...083078_294.gif ,’ طيب كيف تحفظين البيستاشيو بريتلز لين بكرة العيد ؟!!~ بعد ما برد تماااما عالمات , كسرتة قطع كبيرة وحطيته فكونتينر بلاستك وسييدة عالثلاجة ,,~ يمووو طعمة لذيييييذ ,, ~ كان ودي لو عندي ورد مجفف ارشه معاه كان بتطلع الالوان توووحفة http://forum.hwaml.com/imgcache2/hwa...083078_338.gif ~ وخلصنا الكيكة اخيرا ,, ترى لا يغركم الشرح الطويل الموضوع ونااسة حييل ومو لهالدرجة صعب http://forum.hwaml.com/imgcache2/hwa...083078_861.gif نييجي لمرحلة التجمييع الصبح فالعيد قمت الساعه 6 رككككض عالمطبخ , قبل لا ابوي يرجع من صلاة العيد وانا ما خلصت ,, ويا الله بينا نبدا الشغل http://forum.hwaml.com/imgcache2/hwa...083078_861.gifhttp://forum.hwaml.com/imgcache2/hwa...083078_394.gif http://forum.hwaml.com/imgcache2/hwa...083076_355.png هذي الصوره النهائيه للكب كيك http://forum.hwaml.com/imgcache2/hwa...083071_953.png انا سويت الكيك بصينيه كامله لذيذذذذذذذذذه مره وخاصة اللي يحب الفستق انا كنت بالاول مصعبه الطريقه خاصه ان فيها بيض بس يوم جربتها الطعم خورررررررافي وماصورت لكم الكيكه لانها خلصت كلها مابقى منها شي عملتها بيوم الاحتفال الوطني بس انا ماحطيت لون اخضر اكتفيت بالفستق بالنسبه للكريمه انا مااتبعت اللي مكتوبه فوق بس فقط ظرف دريم ويب و12جبن كيري وشويه حليب طلعت تهببببببل ****** ملاحظه نقلتها لانها ماتتفوت وعليكم بالف عافييييييييه ♥ |
رد: كب كيك الفستق بكريمة الجبن
يسلمو على النقل الطيب ام بتلا
|
رد: كب كيك الفستق بكريمة الجبن
رووووووووووووووووووعه تسلم ايدك يا الغلا
|
| الساعة الآن 10:50 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .