منتديات حوامل النسائية - قصة باللهجة الشامية الاصلية

منتديات حوامل النسائية (https://naqatube.com/index.php)

- ملتقى عضوات حوامل (https://naqatube.com/forumdisplay.php?f=69)

- - قصة باللهجة الشامية الاصلية (https://naqatube.com/showthread.php?t=35448)

قصة باللهجة الشامية الاصلية

اذا ما كنت شامي

( عن حأ وحأيئ )
لا تحاول تئرأ

للضحك فقط

أول ما جهجه الضو، اجا يوسف ليشطف البيت، منشان البأ، سكّر باب لصئاء، شلح الشحاطة منشان ما يجئجئ، و جرجر الكراسي و شئفة الزريعة ، و تكتك شلون بدو يشطف، بحبش شوي، دندل البربيش و شغل المي من الجب، سخنا عالنار لبئبئت و بربئت، و كتا بالحوش الجواني بالطاسة لانو ما عندن سطل و أسطل و صهريج و خرطوم،

و فرك ودعك الارض منيح من الزفر لانها دبئة ، فك الكمر ليترحرح و شلح الشلحة ، منشان ما تتشحر،

و لحشها وراه، و فشّخ فوق المي ، و دئّر شوي ، و بعدين نط بجعزة ، فتفشكل بكومة دف ،وانبطح و انطبش جواتا،

طبشة آآآتولية ، و انجرحت ايدو وحشّك ولبك، و بعئ و جعّر آخ يا يامو، يا يابي، واجيت امو

وبإيدا المئلاية والكفكير و الشمشاية و آلتلو يييي عليك، ليش عبتحركش و تنكّش، متل البوبو، كنت امسيك الدرابزين، شو معمصة عيونك و مفشفش، ئعود عالبرطوشة، و تلئح عالزيئ، و حاج تطرطئ و تفرتّك، دحتّه دحة ،

و جابتلو شئفة شرطوطة و ربطتا ، بعد ما خسلتا بالمي وعصرتا ، و طرطشت تنورتا، و أأأالتلو ئوم تغندر

وللي على أأأمتك شو نعيان , ناتع هالطول علفاضي , أاوم من وششي , هزيتللي بدني , وما شطفت البيت ,

ولا راح البأ , تضرب بهال آآآمى ,,

((((( يتحورئو على هالقصة شو مبندئة ومسرسئة سرسئة !!!! ))))

يالا يلي فهمت القصة ترجم