منتديات حوامل النسائية - حالتي غير معروفة اتمنى تفيدوني😔!!

منتديات حوامل النسائية (https://naqatube.com/index.php)

- منتدى أعراض الحمل والوحام (https://naqatube.com/forumdisplay.php?f=8)

- - حالتي غير معروفة اتمنى تفيدوني😔!! (https://naqatube.com/showthread.php?t=353509)

حالتي غير معروفة اتمنى تفيدوني😔!!

السلام عليكم اعضاء منتدى حوامل، طبعاً انا بقولكم قصتي واتمنى اللي تعرف ايش المشكله تفيدني!
اولاً انا لي تقريباً سبع شهور منقطعه عني الدوره،ما اعرف ايش السبب! بس ماكان يجيني الام ولا شي! لكن اللي حصل
خلال اخر شهرين هذول بدى يجيني غثيان شديد جداً، يعني من اتخيل شي او اشم ريحة ماحبها على طول استفرغ،
بتقولون ليش مارحتي المستشفى؟؟ انا وحدة خوافة، وعندي مشاكل مع زوجي واهلي ف ما اقدر اني اتكلم لاحد واقول له عن حالتي!! اكمل لكم،،،
هذا الشهر صار يجيني الم بصدري جهة الحلمة وتو هاذا الاسبوع صار يطلع من صدري شي شفاف😔💔.
وغير الالم اللي بصدري بطني من تحت تحت بكل وقت احس شي يتحرك زي الجلي😳! شي غريب والله لكن جداً مخيف!
ويطلع لي حبوب بوجهي وقت دورتي لكن ما تجي الدورة! وبطني كل ما اقوم من النوم يالمني لدرجه ما اقدر اني اضغط عليه😭😭😭.
وعندي الافرازات كثيرة! واحياناً احس برائحة كريهة من البول اكرمكم الله😔.
انا متأكده اني مو حامل لاني قريت عن اعراض الحمل وشفت ان مو هي.
لكن والله انا خايفه جداً اتمنى تفيدوني والله مالي احد اسأله غيركم انصحوني 😞😔.
قريت بقوقل عن حالاتي وناس صار لهم كذا شفت ان يقولون السبب تكيس مبايض؟ وايضاً ناس تقول التهاب المسالك البولية لكن ما ادري هل هو صحيح او لا!
مع العلم انا متزوجه لي سنه بالضبط وما جبت اطفال ولكن ما ابغا اطفال حالياً لاني ادرس جامعه باقيلي كم سنه😊.
افيدوني ولكم الف دعوة😔.
انا مقدر اروح مستشفى والله لان ظروفي ما تسمحلي، وايضا ما اقدر اتناقش مع امي او زوجي او اهلي(مشاكل عائلية).
واذا السالفه يبي لها مستشفى بحاول بكل مافيني بس ياريت تدلوني عالطريقة يعني اروح مستوصف واخذ تحويلة ولا كيف؟ اتمنى افادتي الله يرزقكم الجنة😔.