نزيف وانا حامل 💔..
 

قبل 5 ايام كان عندي موعد سونار عشان اشوف البيبي والنبض
رحت وشفته الحمدلله كان 5 اسابيع واربع ايام والنبض كان واضح بس اللي تسويلي سونار تقول مو قادرة تسجل
سرعة قلبه عن طريق السونار الخارجي قالت بتسوي داخلي وانا رفضت
وحاولت فيني وقالت مايضر والخ الخ
اخر شي وافقت وسوتلي السونار المهبلي وشفت النبض والحمدلله كان تمام
رجعت البيت ماعااااااااد شفت خير
امسح بمنديل القى دم بني استمر 3 ايام بدون توقف
اليوم الرابع الدم قلب لون احمر وصار يصب كانه دورة بالضبط
رحت المستشفى قالو مانعطي مثبتات لاني ف بلد اجنبي مايعترفو بالمثبتات
قالت بتسويلي تحليلين حمل هرموني يشوفو يتضاعف او لا
وفحصتني داخلي قالت عنق الرحم مسكر بس طري مهدد انه يفتح
وبعد مارجعت البيت الحمدلله الدم خف وصار شبه معدوم
وان شاء الله بسوي سونار اليوم او بكرا


احد عنده معلومة عن حالة النزيف ؟؟ وهل خلاص معناه اجهضت ؟؟

رد: نزيف وانا حامل 💔..
 

اصلا بالاسبوع الخامس عادي حتى لو ما سمعت النبض
لانه يبين اكثر شي بالاسبوع الثامن وبعده
مدري ليه يسوون كذا المفروض رفضتي السونار المبهلي
ماابغي اخوفك بس النزيف خطر ومممن تجهضي
الله يتمم حملك ويسهل عليك

رد: نزيف وانا حامل 💔..
 

والله ماانصح ابدا بالسونار المهبلي
انا كنت حامل بس موباين بالسونار كلش
وسويت مهبلي ومن رجعت البيت نزيف موطبيعي
حتى مقدر اقوم من الفراش
قالي الدكتور حملك ضعيف حتى ولو بس موبالسهوله ع طول مهبلي

انتبهي ممكن يصير اجهاض دام في دم احمر

رد: نزيف وانا حامل 💔..
 

يالله
غلط المهههبلي
الله يستر عليك وعليه ربي قادر على كل شي

رد: نزيف وانا حامل 💔..
 

طالما انه وقف خلاص ريحي خالص و اطمني من التحليل الرقمي و طمنينا عنك

رد: نزيف وانا حامل 💔..
 

ارتاجي وان شاء الله مافيكي الا الخير واستودعيه الله الذي لاتضيع ودائعه

رد: نزيف وانا حامل 💔..
 

الحين مافي غير التحليل الهرموني هو بيثبتلك اذا الحمل سليم او لاااا

ولاتخافي اغلب الحريم ينزل معاهم دم ويكمل حملهم على خير

عسى كوني منهم وربي يتمملك على خير يااارب

رد: نزيف وانا حامل 💔..
 

الحمد الله على كل شيء
أختي الغالية السونار المهبلي يكون مافي أي ضرر اذا الدكتورة ما تعاملت بدفاشه
البارحة سويت سونار مهبلي عشان الدكتورة تسمع نبض البيبي والحمد الله كل شي كان زين

بس انا ما اشوف أي ضرر للموضوع
والمثبتات أنا مستغربه ليش ما صرفوها لك نحنا ما يصدقون الوحده تحمل يعطونها في الشهور الآولى إذا كانت تعالج الحمل

رد: نزيف وانا حامل 💔..
 

السونار المهبلي عادي اذا كانت الدكتوره تعاملها زين

لكن في منهم الله يسامحهم دفششين ويأثر على الجنين

انا جربت نوعين من الدكاتره وحده دفشه وتخليه يوجع وعلى طول نزل دم واجهضت بعدها

والثانيه قالت لي من تحسين بألم على طول قولي لي ..

فالرفض احسن شي لان مانضمن كيف اسلوب الدكتوره ، الله يتمم حملك وعليك بالراحة

رد: نزيف وانا حامل 💔..
 

يا حبيبتي هدا الكشف الداخلي هو السبب في النزيف
الله يثبته لكي
انتبهي وتوكلي علي الله