|
ازواجنا ووسائل التواصل الاجتماعي ⭕
السلام عليكم ورحمة الله وبركاته
حبيباتي وش رايكم بتعلق ازواجنا باالتقنيه بزياده بالذات الانستجرام ومقاطعه المركبه و قروبات الواتساب اللي فيها ازواجكم و اخوياهم ويرسلون المقاطع المخله اللي جسم حرمه والا مزه تترقص و مركبين عليها تفحيط و حاجات كذا ... انا اكرهها كرهي للعمى ماافتش بجوال زوجي وكل واحد يحترم خصوصية الثاني بس احيانا اقعد جنبه hwaml67 فجأة و احصله مع اخوياه يسولفون و المقاطع المستفزه هذي شغاله هو طبعا مابيقفل لاني قعدت جنبه لا يخلي نفسه طبيعي و هذا الشي الحمدلله يطمني و هو قاصد يطمني بهالحركه .. فهو يخلي القروب شغال و هو يسولف معي و معهم انا ماابين له اني متااااابعه و مركزه معه بس اعلق لا سويت اني لمحت مقطع احيانا اقول بالله هذول رجال متزوجين و يفترض انهم قدوة لعيالهم ويرسلون هالمقاطع باالذات انه انا اعرف اخوياه و حريمهم و عيالهم فاابين له انو عييب من جد عييب احاول دايما اتجاهل الموضوع بس طبيعي تغارين و تنقهرين hwaml57 باالذات اني مهتمه و نظيفه و متنوعه بشكلي و ستايلاتي و اغير بتسريحات شعري و مرتبه و جسمي الحمدلله كويس يعني مااغار الغيره اللي من شكل لأ اغار انا من انو زوجي يناظر حريم متصنعات ووسخات بهالمقاطع حتى لو ضحك مااحب كذا وش رايكم انتو كل وحده تقول لي وش انطباعها عن هاالشي |
رد: ازواجنا ووسائل التواصل الاجتماعي ⭕
مافي رجال مايشوف هالاشياء مسسسسستحيل هذا غير سوالفهم الماسخه والنكت والصور
طنشي ولا راح تغيري شي بالعكس المفروض مايشوفها قدامك احتراما لك ماعتبرها شفافيه بصراحه احس الانستا اهون من سناب شات بكثيررررررر |
رد: ازواجنا ووسائل التواصل الاجتماعي ⭕
ام ساره لا انا مو مخليتها مشكله
او حاجه اوقف عندها حياتي الزوجيه انا حتى اخواني لما يرسلون حاجه كذا على قروب الاهل اقعد اتحلطم هههههههههههههههههههه شي يدبل الكبد hwaml56 اذكر مره بالواتساب اختي تقول لاخوي لاعاد ترسل حاجه زي كذا *اختي الكبيره فيها التزام عاد لا اغاني ولا صور فاضحه ولاشي* المهم تقول له لو اقعد اتصنع لك كذا بتقعد تعلق علي و تقول خفي علينا و الحين كيف ماشيه عليكم حركات ذولي الحريم اللي ترسلونهم و قمنا سوينا نقاش بقروب هلي عشان نشوف وش يحس به الرجال يوم يشوف هاالمقاطع ولا طلعنا بشي ههههههههههههه انا الحين حابه اشوف هو انتم تنغبنون منها زيي والا عادي الوحده عندها هي آفه اصبحت يا ام ساره وهاالشي معاد له حل لان هالحريم بكل مكان انستجرام .. زي ماذكرتي سناب شات .. و امثال هالبرامج فمعاد تلومين الشخص لو شاف لانه مجبر لا مخير hwaml96 ومااعتبرها مشكله كبيره ولكن اتضايق للامانه و اقعد ادعي ياليت هالاشكال تنقرض و الا تنفضح والا يصير في قانون كل من تفصخت و رقصت وهي خليجيه يقشونها بقضيه اخلاقيه هههههههههههههههه |
رد: ازواجنا ووسائل التواصل الاجتماعي ⭕
هو يكون فاتح مع اخوياه
وانا لو جيت قعدت فجأه يحاول مايطلع من القروب ويقفل لا باالعكس ام ساره لو قفل فجأه وطلع من الواتساب بحسه مسوي شي اختلف معاك انا هنا لو قفل بيشتغل براسي مية هاجوس اكيد يكلم احد او اكيد يسوي غلط باالعكس انا مرتاحه جدا انه يكون فاتح القروب وهو جنبي و يسولف مع اخوياه واحيانا مايكتب كمان يرد عليهم برسايل صوتيه في القروب ماادري غريب لو هاالشي يضايقك و تحسينه غلط :/ يلا نشوف اراء البنات باالموضوع مو بااللي يسويه زوجي وانا جنبه ههههههههههههههههه لا تخلطون حابل باالنابل |
رد: ازواجنا ووسائل التواصل الاجتماعي ⭕
انا زوجي مو حق سناب
زوجي متابع للانستاجرام سنابه حتى نقاطه دوبها واصله للالف و 500 و باالغالب ضايف معالجين باالطاقه و حقين النصايح الزوجيه و حقين الكوره و هله و اخوياه و مو حريص عليه انا زوجته اللي مدمنه سناب ههههههههههههههههه |
رد: ازواجنا ووسائل التواصل الاجتماعي ⭕
ام ماريا
والله جيتي عالجرح أموووت قهر لما أشوفه ماسك موبايله زوجي فيه طبع ينام بدرررري ويصحى بدددري على صلاة الفجر والحمد لله ريلي مواظب على صلاته ولكن ساعات يصحى قبل صلاة الفجر ويكون بعده متكاسل ونايم عالسرير أقوم ألاقيه ماسك تيلفونه ويوم أطالع فجأة عليه بدون مايحس يكون عالأخبار ومرة سويتها معاه مشكله وقلت له من فجر الله وانت على التلفون وزعل وصارت بينا مشكلة خصوصاُ انه كان عالاخبار , بس والله الواحد ةمن كثر البلاوي اللي نشوفها قام يشك بكل شيء حوله عاد الحين ما أهتم اذا قاعد اولا عالفون لأن كم بقعد براقب ؟؟ أنا عندي دوام وما اكون اربع وعشرين ساعه معاه والله فوق وشايف هو رقيبه وحسيبه , ومخلته على راحته عاااد هو لو شافني انا اللي ماسكه الفوووون يموووووت قهر ويحاول يكلمني كل شوي عشان اترك الفون وياخذها حجج قومي شوفي بنتك كل شوي ههههههههههه الله يهديهم ويسخرهم لنا |
رد: ازواجنا ووسائل التواصل الاجتماعي ⭕
هههههه ام ماريا يا حلوة إنت شو ها الموضوع الحلو والله كل نساء العالم راح تقول أنها بتغار من ها الوسائل بصراحة ها المواقع لها إيجابيات وسلبيات بس سلبياتها أكتر والله حتى أنا زوجي عندو بعض أصدقائه يرسلون ها المقاطع اللي فيه رقص وهيك بس أنا منعاه من ها الأشياء حتى التلفزيون ما بخليه يتفرج على الموسيقى الأغاني عسكري أنا هههه صراحة لما أدخل على جوال زوجي بلاحظ أنو الفيديوهات المشبوهة ما بيفتحهم أنا صريحة كل مرة بخبرو بقلو حبيبي إذا كان نفسك في شي
أو بتحب أغير شي في قولها وأنا جاهزة مشان ما تشوف لبرة هههههه ذكية والله ها الأيام صار ها الجيل ما بيعرف من المتزوج والعازب ها البنات صارو عادي إذا حطو عينهم على حدى يا ويلو هههه الله يستر والله يا أم ماريا كلنا كما قلت نضافة وإهتمام وتغير الشكل كل مرة بس أنا بشوف أنو نساء ما شاء الله عليهم ولكن أزواجهم زايغة تصوري أنا كان بدي أغير شعري يعني أقصو شوي لأنو طويل بس هو ما حب فخليت شعري هيك مشان ما يجي ويقول أنا بحب الشعر الطويل وإنت قصيتيه الله يعينا على أزواجنا |
رد: ازواجنا ووسائل التواصل الاجتماعي ⭕
ههههههههههههههههههههههه حبيت
ايوا هذي اللي اقصده ابي اعرف كل وحده كيف تتعامل مع هالوضع هو جدا عادي و مو مزعج لذييييييك الدرجه ولكن احيانا نكون نفسيات حنا يالحريم هههههههههه الله يثبته و يصلح قلبه لكم ياحياتي والله ان الصلاة اهم شي عشان كذا احنا مأمنين ان شاءالله و ان شاءالله ان صلاتهم هي اللي بتنهاهم عن كبار الذنوب اما وسائل التواصل مافي وحده تخليها (مشكله زوجيه حقيقيه) و الموضوع هذا مو عرض للمشاكل لا هو فضفضه عن اجتياح وسائل التواصل و وساختها لبيوتنا .. ان شاءالله ان ازواجنا فاهمين و واعيين و اللي بيقضي وقته عليها مانقول له لا باالذات اننا ان شاءالله واثثقين بحب و اخلاص ازواجنا لنا بس احيانا يقهروووووون ههههههههههههههههه مع انهم باالفعل حتى هم ينقهرون مننا هههههههههههههههههههه بس احنا نشوف الغلط بس مانبي احد يورينا ان احنا غلط �� و حركة انه يصحى بدري ويقعد جنبك عالفون هذي تصيييير و هنا انا ماانقهر انه قاعد على موقع حراج السيارات والا تويتر لا هنا انقهر انه اللمبه طافيه و الجوال اضائته عامله شغل في وجهي اقعد احاول اخليه يترك الجوال بطرق خاصه هههههههههههههههههههه و برضا نفس.. عجبتني انه يحاول يشتتك ببنتك اجل قومي شوفيها يا لاهيه هههههههههههههههه لا انا لما انشغل بالجوال يخليني احول لجواله يفتح لي مقطع طويل و يفتح لي موضوع عشان اطنش جوالي شوي تجيني ضحكه داخليه وقتها لما افهمها والله من جد حتى هم ينقهرون مننا ههههههههههههههههههه اتوقع زوجي فاتح موضوع بمنتدى ثاني زوجاتنا ووسائل التواصل الاجتماعي ههههههههههههههههههههه يعطيك العافيه على مشاركتك اللطيفه حياتي ههههههههههههه |
رد: ازواجنا ووسائل التواصل الاجتماعي ⭕
فاطمه ههههههههههههههه ان شاءالله انه زوجك واعي وقد وعده لك
و زي ماقلتي انه حتى برى وسائل التواصل الحريم مؤخرا هم اللي فيهم قذاره و لما تحط عينها الوحده على شخص بتجيبه على عينه الله يحفظ ازواجنا و يعميهم عن هالاشكال بس عن وسائل التواصل الله يعيييننا نترتب و ننظف و نسوي كل شي و نملى عيون ازواجنا الحمدلله بس تجيك وحده كلها نفخ سيليكون تترقص قدامه حاجه ترفع الضغط و الرجل معروف من قديم الازل المرأه تأثر فيه حتى لو ماكان لها به علاقه سبحان الله هو خلقته كذا عشان كذا الاسلام امر الرجال بغض البصر بس مع وسائل التواصل ماعاد ينفع غض البصر اجباري يطلعون لك في وجهك هالحريم من غير ماتبحث عنهم زي لما تدخلي انستجرام الصفحه الرئيسيه حقته اكسبلور ع طوول نصها حريم و رقص و تفصخ حسبي الله عليهم اعداء الاسلام و اعداء المتزوجات هههههههههههههه |
رد: ازواجنا ووسائل التواصل الاجتماعي ⭕
هههههههههههههههههههههههههههههههههههههههههههههههههه هههههههههههههههههههه
ام ماريا موضوعك يهز المشاعر بصراحه انا زوجي الحمدالله ماعنده الا الواتس وزوجي طبعه طبع شايب هههههههههههههههههه مايحب يقعد ع التلفون كثير وعنده جوال للبيت وجوال العمل جوال العمل عليه الواتس والبيت لاواتس ولاغيره ☺☻ اصلا زوجي تحت طبعا بالمجلس الكبير ههههههههههههههههههههههههههههههههههه ماكذب عليك ان كنت اقول ليش يقعد هالساعات تحت اكيد يتفرج بالانستا او السناب او التويتر وهو ماعنده ولاوحده من هذولا بس الشيطان شاطر وزوجي ينام بدري ويصحى بدري والصلاه مواظب عليها ولله الحمدههههههههههههههه اقوله وش عندك تنام لاتكون تنبش بالجوال وانت بفراشك يقول الله يصلحك انا مايقهرني الا اللي يجونه تحت بالمجلس هم من وفيه ويالله فلانه فيها وعلانه فيها ويوم يجيني يبدا يتكلم اقول لاتجيب طاري بنات الناس عندي عندك بنت زوجي من النوع اللي يصدق بسرعه وع نياته ومرات يجون يطشون عليه نغزات بس مايفهمه ولاتجي ع البال وع الخاطر ليتني ارش عليهم مبيد حشري وارتاح من هالنوعيه اللي شغاله بخلق الله وغير المقاطع اللي ع قولتك يرسلونها له حريم واغاني وصار يهاوش هو يقول لاترسلون كذا ههههههههههههههههههههه مافي فكه من وسائل التواصل اشغلته الله لايشغلنا الابطاعته ولاعمري نبشت بجواله ولاهو كمان لان كلن له خصوصيته والحمدالله ماعندي فيه اي شكوك بس ابليس يزين لنا |
| الساعة الآن 08:10 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .