|
زوجي يخونني وكذاب
السلام عليكم ورحمة الله وبركاته
اخواتي انا جاية هنا افضفض لكم زوجي كان رح يطلقني والسبب انه غلطان ومايبغى يعترف بغلطه المشكلة يا اخواتي انا فتشت جواله ولقيت في رقم متصل عليه 3 مرات اخذت الرقم وبحثت بالنمبر بوك وانصدمت لقيت الناس مسجلينها صديقة زوجي صايعة ضايعة يعني اسم زوجي موجود!! تكلمت مع صاحبتي وقلت لها ترسل لي رسالة على جوالي انها حبيبته غيرت اسم صديقتي حطيته رقمها وفعلا هذا الي صار وصورت وارسلته عالواتس اتصل علي معصب ويهاوشني ورجع من الدوام وتهاوشنا هوشة كبيرة،سوى مشكلة كبيرة من ولا شي لحد الحين انا مو مستوعبة ليه كان يبغى يطلقني كل مرة يسوي مشكلة ويقلبها علي ويتهرب من غلطه انا اعترف بغلطي بس مو مثل غلطه كان بايعني وجرحني بكلام كثير وفوق كلهذا انا سكت ماتكلمت بشي بس اعتذرت وفوق كل هذا زاعلني ولايكلمني كان يبغاني اتصل على اهلي كلهم بس اتصلت على اخوي الكبير وهدا الوضع لانه يبي يوديني بيت اهلي ويرسل لي ورقتي ليه؟عشانه واثق انها مارح توصل لي؟ والشي الي يثبت اكثر ان النمبر بوك طلع زوجي من ضمن الجهات المشتركة حقتها طيب وبعدين؟ انا حامل في شهري الرابع وتحسفت اني حملت سب اليوم الي تزوجني فيه يقول لي انتي مثل الحمار تنكرين ويمنن على المصروف الي يعطيني ياه كانه شي مو واجب عليه انا انجرحت منه مرتين،جرح الخيانة وجرح كلامه وللاسف ان هذي مو اول مرة يخون لما اروح بيت اهلي يحمل برامج دردشاتويسولف مع البنات المشكلة ما صار لنا سنة متزوجين حتى كان رح يضربني امس انا والله تعبت وفكرت انفصل عنه لكن ظروفي مع اهلي صعبة هذا الي مخليني اسكت من البداية امي منفصلة عن ابوي وقالت انها مارح تستقبلني لو انفصلت وابوي متزوج وحدة مثل الجني ماتخاف الله ماقدر اعيش معاهم ابدا صبرٌ جميل وبالله المستعان |
رد: زوجي يخونني وكذاب
مستفز زوجك
شين و قوي عين حسبي الله على هاالاشكال *معليش* بس جد ماالومك لا وحامل الحين حساستك تجاه بعض الامور اقوى الله يصبر قلبك و يعينك إلجأي الى الله و تحسبي عليه احيانا و بنفس الوقت ادعي له ان ربي يسخره لك و يجملك في عينك و يزرع حبك في قلبه زرع ترى الدعاء و الاستغفار تغير القدر انتي الان تحسين الحياة مقرفه معاه بس سبحان الله بين يوم و ليله الله يغير من حال الى حال إهدي .. و توكلي على الله و انه هو وحده القادر يغير احساسكم ذا مع بعض وقادر يحنن قلبه عليك .. لا تروحين لاحد اذا كانو امك مو عند ابوك بتذلين نفسك و بتقعدين على قلوبهم باالذات انهم مرتبطين اقعدي فبيتك و خليكي هاديه جدا فاجئيه بهدوئك خليه يجي البيت يلاقي كل شي مرتب و نظيف و يلاقيكي ماسكه لسانك اقعدي طقطقي على جوالك ووضحي له ان اروق منك مافيه اقعدي تراسلي عالواتساب مع صديقاتك او تعالي هنا اقطعي وقت معنا او اقري عن حملك او شوفي الانستقرام حسابات ضحك متعي نفسك اقعدي تفرجي و اضحكي خليه يستغرب من برودك لاااا عاااد تكلمينه بخصوص ذيك السوالف و لا عاد تفتحين معه اي موضوع حسسيه كأنك عايشه حياتك به او بدونه لا توترينه و تقعدين تنافخين و تهددينه لان واضح *معليش* ان زوجك فيه وساخه و بيقلب الموضوع كذا او كذا عليكي روقي عشان حملك و طنشيه انا عارفه انك من جوا مولعه و ودك تذبحينه بس تغافلي .. واهدي و زي ماقلت لك والله يحنن قلوبكم ع بعض و يبعد زوجك عن هاالطريق |
رد: زوجي يخونني وكذاب
وعليكم السلام ورحمة الله وبركاته
والله يا اختي المشكله ان وضع أهلك صعب صعب يستقبلونك ، وانتي حامل اصبري حبيبتي ومأجورة على صبرك ولاتحتكي بزوجك زوجك شكله طايش خليه لاتنبشي وراه خليه وآخرتها راح يمل ويهدأ وبعد الولادة راح يتحمل مسؤوليه بيبي يمكن يعقل بعدين مالك غير الصبر والدعاء الله يسخرلك زوجك |
رد: زوجي يخونني وكذاب
والله اني ادعي الله يسخره ويهديه يارب
لكن مادري وش الحل معاه الله يجزاكم خير على الرد الي يبرد القلب |
رد: زوجي يخونني وكذاب
وعليكم السلام
اصبري خيتي عشان البيبي اللي جايكم بالطريق وان شاء الله يملي عليكمم الفرحه مافي احد مرتاح غلاتي وكل زوجين لابد من المشاكل وكل شي بالتفاهم ينحل ماينحل بالضرب والطلاق وانتي كمان حامل وحساسيتك للموضوع زادات لاكن انصحك تراك انتي اللي بتاكلينه والبيبي كمان يتاثر عيشي حياتك خيتي وانتبهي لنفقسك وببطنك وبعدما ماتقومين بالسلامه كل شي ينحل الله يسخره لك ويهديه ويبعد عنه بنات الحرام يارب |
رد: زوجي يخونني وكذاب
السنة الاولى من الزواج تكون صعبة انتي اصبري وصاابري وبعدكم شهر رح تجيبي بيبي يشغل تفكير زوجك خليه يرتبط فيه ويملا وقته
كمان ربي يكفينا شر وسائل التواصل والله خربت كثير بيوت وشتت أسر |
رد: زوجي يخونني وكذاب
شوفي انتي جلوسك معاه بعد ماكتشفتي حقيقته واهانك تعتبر ذل وراح يسوي لشيا اكبر فيما بعد
روحي لاهلك مهما كانت ظروفهم ولا تجلسين تحت رحمة شخص دنيء مارحم ضعفك والحمل وبدل مايعتذر قلب الدنيا عليك علمتني الحياه ان السكوت على الاهانه يجر الى اهانه اكبر وان الصبر على الاهل حتى لو كان مثل ماوصفتيهم ارحم بكثير من الصبر على زوج هذي تصرفاته عالاقل ابتعادك تكوني شريتي كرامتك ولعل الله يصلح شأنه وترجعين مرفوعة الراس |
رد: زوجي يخونني وكذاب
لاتفقدين الامل
ما احرشك ع زوجك بس لو ماتبينه وبايعك روحي لامك واترجيها قوليلها ماما انا كل يوم اتعذب معاه واخاف ينقل لي مرض ومهما كان ترا قلب الام لازم يحن فيووووووم لاتفقدين الامل وتصبرين عالتعااااااااااااسه انتي لساتك سنه وعندك بيبي واحد لو صبرتي وماتغير زوجك بتمر السنين وبيزيد عدد الاولاد وبتتعبين اكثر لكن لو حبيتي انك تحاولين كسب زوجك قبل الطلاق جررربي ولو مانفع كلمي امك تعيشي معها انتي مش صغيره عشان تهتم فيكي انتي كبيره وتقدري تساعديها وتفيدينها لكن لاتستسلمين ابددددددا حاربي من اجل للسعادة |
رد: زوجي يخونني وكذاب
كسرتي خاطري والله لاحول ولا قوة الا بالله لاكن مثل ما قالو الاخوات لا تذلي حالك تكثر من هيك تصبرين علا ذل امك وذل ابوك ولا تصبرين علا ذل الرجال لانو موقف ورا موقف رح يهينك اكثر واكثر الله المستعان حبيبتي هدي حالك انتي حامل لازمك الراحة والهدوء مابعرف كيف قدر يتصرف معك هيك وانتي حامل هادا عديم الاحساس الله يعجل لك بالفرج اختي
|
رد: زوجي يخونني وكذاب
اي ذل واي كرامة من بعد اذنكم انتي معها!! هذول زوجين بينهم رباط مقدس وكرامتهم وحده
اختي حبيبتي تبين الشور خذي مني .. زواجكم اول الطريق ولابد تصير صدامات بينكم ..لكن انتي الان وضعك وحملك مايسمح بالصدامات والتوترات والهواش والصياح ابعدي عن جو التوتر ففي داخلك روح انسان امانه اودعها الله برحمك زوجك لازال طايش لكن ولائه للي اختارها زوجه وام لعياله لاتهدمين حياتك وبيتك من اجل نزوة شاب طايش بيشبع وبيرجع لك انتي هالفترة ابتعدي عنه خليه يحس بغلطته ماتجلسين معه بغرفه او مكان واحد اذا كان بالغرفه روحي الصاله وربي يسخره لك ولولده اللي جاي بالطريق والله بياجرك على صبرك واحتساب الاجر علشان بيتك يظل عامر |
| الساعة الآن 01:14 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .