|
عندي امل كبير فى ربنا و طالبة منكم طلب .
السلام عليكم ورحمة الله وبركاتة
اخواتى انا فى البداية عايزة اقولكم ان دة تانى موضوع ليا فالقسم هنا اول موضوع كنت شاكة انى حامل و مش طلعت حامل انا تابعت مع دكتورة وكان عندى لخبطة هرمونات و تكيسات الحمدلله بعد علاج فترة ومازال مستمر قل جداا عن الأول واللخبطة كمان اتعدلت والحمدلله فضل كبير من ربنا سبحانة وتعالي انا موضوعي صعب شوية اتمني تسمعوة للأخر و تقفوا جمبي انا فبداية زواجي كنت متخيلة ان عدم حملي بسبب انى كنت عاملة عملية اذالة كيس او ورم حميد من عالمبيض العملية كانت وانا بنت قبل زواجي كمان و الحمدلله العملية تمت بنجاح و الدكاترة قالو ان مفيش اى مشكلة فى المبيضين و اني معنديش مشاكل فى الحمل والخلفة بعد زواجي انتظرت فترة 5 شهور تقريبا ومفيش حمل روحت لدكتورة قالتلي ان العملية الى عملتها ليها توابع وهي حدوث التصاقات و انسداد قناتي الفالوب ودة احتمال انة يحصل او لأ كشفت عليا و عرفت ان فية تكيسات كمان عالمبيضين و ان درجتهم بتخلي البوييضة متنزلش كاملة فبالتالي مش هيحصل حمل ف ادتني ادوية للتكيسات و الحمدلله هديت وكان عندي ارتفاع ف هرمون الحليب و ادتني دوا ظبط الهرمون الحمدلله و جت ف اخر شهرين ادتني حقنة تفجيرية للبويضة بس البويضة حجمها تضخم جدا ل 41 والمفروض انها اما توصل ل 25 بتنزل تتلقح مع العلم اني كل شهرالبويضة كانت بتوصل ل 25 ف وقت التبويض ودة معناه ان الحقنة التفجيرية اثرت بالسلب مش بالايجاب تانى شهر الدكتورة قالتلي خدي حقنة تفجيرية تانى انا رفضت وقلتلها انا حسة انها بتضر وبتلخبط عندى البويضة مش بتفيد قالتلى طيب خالينا الشهر دة بدونها ونشوف هيتم اية الحمدلله التكيسات قلت جامد و البويضة وصلت لحجم ال 25 ونزلت عشان تتلقح بس لقيت البريود جاتلي ومحصلش حمل روحت للدكتورة قالتلي انتي كدة كل حاجة اتظبطت التكيسات قلت خالص والبويضة نزلت كاملة ف معادها لية محملتيش؟؟!! قلتلها طيب مش نستني شهر كمان قالتلي كان المفروض بيحصل حمل طالما مفيش مشكلة خلاص فبدأت ترجع ل موضوع العملية و ان يمكن يكون عندى التصاقات او انسداد ف قناة الفالوب وطلبت مني اشعه صبغة و انا خايفة منها وفنفس الوقت عندى امل ربنا يكرمني بدون ما ادخل فالدوامة دى اشعه الصبغه عرفت انها بتعمل التهابات وليها اعراض جانبية غير انها مؤلمة انا قررت انى استني ومروحش للدكتورة ولا اعمل الاشعه بالصبغة دلوقتي غير لما ادى لنفسي فرصة معلش طولت عليكم انا كنت محتاجة افضفض شوية واخد مشورتكم انا حسة انى شايلة حمل كبير ف قلبي و نفسيتي كمان تعبانة لان فوق الى انا فية والدي توفي قريب كنت اتمني يشوف احفادة وهو كمان كان دايما بيتمني دة بالله عليكم انا طالبة منكم دعوة بظهر الغيب ف الشهر الكريم الى احنا فيه دة انا كل الى اتجوزو ف نفس وقت زواجي و بعد زواجي كمان اللهم بارك حملوا ربنا يتمملهم على خير وتعبت من اسألة الناس و كأن مسألة تأخر الحمل ب مزاجي انا هتم سنة حتى الأن زواج ولم يحدث حمل الحمدلله على ما قدر لي و ربنا عالم انى شكراة وحمداه على كل حال بس املي فية كبير انة هيفرحني و يرزقني الحمل قريبا ياااارب اللهم ارزقني الحمل السليم المعافي انا وكل مشتاقة للحمل ياااارب و قر عيننا بالزرية الصالحة يارب انا اسمى نهى ادعولى ربنا يكرمني بالحمل السليم المعافى والزرية الصالحة الى بتمناها عاجلا وليس اجلا ولو حد عندة اى نصيحة او رأى فاللي قولتة او مشورة انا مرحبة بيها معلش طولت عليكم وكل سنة وانتم طيبين |
رد: عندي امل كبير فى ربنا و طالبة منكم طلب .
اقتباس:
|
رد: عندي امل كبير فى ربنا و طالبة منكم طلب .
اول شي انتي توك كملتي سنة ي غاليه توك ماتشيلي هم
ارتاحي هالفتره وخليها ع ربك وانبسططي بحياتك وغيري جو ولاتفكرين ،هالفترة انتي محتاجه تريحين اعتبريها فترة نقاهه وربي بيعوضك بالخير كله باذن الله وان شالله مافيك الا العافيه :) والله يرحم والدك ويسكنه الجنة. |
رد: عندي امل كبير فى ربنا و طالبة منكم طلب .
ياحنان يا منان يا ذو الجلال والاكرام اسالك الذريه الصالحه لها ولي ولكل مشتاقه
حبيت اقول لك حاجه انتي حتتمي سنه وعامله كدا اما الناس التمت 6سنه تقول شنو مانقول الا مايرضي الله قوي ايمانك بالله واذا تابعتي كلام الناس متي هما |
رد: عندي امل كبير فى ربنا و طالبة منكم طلب .
الله يرحم والدك ويسكنه فسيح جناته
حبيبتي انا متلك متزوجة من سنة و3 اشهر وماحملت والحمد لله املي ف ربي كبير رح يرزقني متل اللي تزوجو قبلي وبعدي كتري من الاستغفار وربي يرزقنا وياك |
رد: عندي امل كبير فى ربنا و طالبة منكم طلب .
حبيبتي مش عارفة دكتورتك شو عقلهاا بصراحة !!!!!!!
كل اطباء العالم بحكو ان ممكن تكوني سليمة مليون بالمية وعادي ما يصير حمل .. هاد نصيب بس انت جد براااافو عليك .. مش غلط انك تعطي لحالك فرصة راحة اكمن شهر وممكن يحدث الحمل طبيعي جدا موفقة يا قلبي الله ييسر امووورك ويفتحها عليك ويجبر بخاطرك والله يرحم الوالد ويسكنه فسيح جناته ياااااا الله |
رد: عندي امل كبير فى ربنا و طالبة منكم طلب .
سنة وحدة لا يعتبر تأخر حمل.....شي عادي ما تحملي اول سنة زواج
تأخر الحمل بعد سنتين و زيادة ربنا يرزقك عن قريب ان شاء الله و ربنا يرحم أبوك ويسكنه الجنة |
رد: عندي امل كبير فى ربنا و طالبة منكم طلب .
اختي اذا استمريتي بهذي الحالة ما راح تساعدي نفسك الحالة النفسيه الها تاثير
ومين الي قالك انو اشعة الصبغة بتالم وتعملك التهابات كلو كذب في كذب انا عملتها و ما حسيت بشي غير وجع اخف من وجع العادة والله توكلي على الله وعمليها الها فوائد وربنا يكتبلك بهذا الشهر الفضيل و اكثري من الاستغفار والدعاء |
رد: عندي امل كبير فى ربنا و طالبة منكم طلب .
اهنسيت اقلك انا عندي 3 سنوات ونص زواج وما حملت وكلام الي سمعتو وضحك وشمايت و معاني و............و................و................
الله يعلم بيهم ما تستني شي من الناس ولا يهمك ومشي لقدام |
رد: عندي امل كبير فى ربنا و طالبة منكم طلب .
ربنا يرزقك بالذريه الصالحه عاجلا وليس اجلا ..بس متقلقيش وسيبك من كلام الدكتوره مش معنى انه مفيش مشاكل يبقا لازم يحصل حمل انا بقالى ١٠شهور متجوزه ومن غير مشاكل الحمد لله ومحصلش حمل ..سيبيها ع الله ومتفكريش كتير واحنا ف رمضان ادعى كتير واستغفرى وكل حاجه باراده ربنا يمكن احسن لينا التأخير ربنا له حكمه ف كل حاجه
|
| الساعة الآن 07:14 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .