منتديات حوامل النسائية - تجاربي مع الحقن المجهري.. وأمس كان الترجيع برمضان

منتديات حوامل النسائية (https://naqatube.com/index.php)

- منتدى أطفال الأنابيب (https://naqatube.com/forumdisplay.php?f=21)

تجاربي مع الحقن المجهري.. وأمس كان الترجيع برمضان

السلام عليكم

حبيت اكتب تجاربي مثل ما استفدت من تجارب غيري اتمنى هالموضوع يفيد احد

مشكلة تاخر الحمل بسبب قلة العدد والحركة

بعد ثلاث سنوات ونص من الزواج قررنا نعمل حقن مجهري عند دكتور سعد القيناوي بسمير عباس الخبر عام 2013 قبل العملية بشهر اخذت جلوكوفاج وفوليد اسيد بوصفة من الدكتور.. وزوجي قبلها بثلاث شهور استخدم خلطة العسل مع حبوب اللقاح المعروووفة وجابت نتيجة جدا كبيرة بالتحليل .. رجعت 2 درجة اولى وواحد درجة ثانية والحمدلله ربي تمم علي وجبت احلى بنوتة.. كنت مرتااااحة اغلب الوقت .. باليوم التاسع نزل علي دم اسود استمر يوم ونص وخفت جددددا وكلمت الدكتور قال حللي اذا اقل من 5 وقفي المثبتات.. حللت وكانت النسبة 62 ويوم التحليل صارت 198 مع اني حللت منزلي مابين سبحان الله..

في ديسمبر 2015 كررت المحاولة.. بصراحة ماكان فيه استعداد قبلها كل شي صار سريع قررنا ورحنا للدكتور نفسه وبدا معانا تنشيط بالبرنامج القصير مثل المرة اللي فاتت واستمريت ع المنشطات وكانت الاستجابة كويسة الحمدلله .. سويت السحب وتلقحت البويضات بس ماطلع معنا الا واحد درجة اولى والباقين ثانية وواحد ثالثة.. استودعناهم الله وقرر يرجع لي 4 أجنة لان درجتها ماكانت كلها اولى.. لكن ماكتب ربي حمل والحمدلله على كل حال..

هذي محاولتي الثالثة في مايو 2016 ومتفائلة جدا بنجاح العملية.. بعد ماسافر الدكتور سعد مابقت عندي خيارات كثيرة بالشرقية.. سويتها بالبحرين عند الدكتورة بان غيث.. كنت اتمنى دكتور احمد بركات بس كان مسافر وان شاء الله انها خيرة الحمدلله.. الدكتورة طويلة بال وتاخذ وتعطي وتشرح لك وواثقة من نفسها..بدوا معاي بالبرنامج الطويل غير المرتين اللي فاتت والحمدلله احس استجابتي كانت اعلى.. قبل العملية بشهر تقريبا اخذت جلوكوفاج 1500 واسبرين وفوليك 5 جرام وفيتامينات prenatal .. وزوجي سوا حجامة واستمر على حبوب صرفها له الدكتور لمدة 3 شهور وعلى خلطة العسل السابقة..

باليوم ال15 من الدورة تقريبا عطوني منظم للدورة لمدة 5 ايام وباليوم 22 اخذت نص ابرة ديكابيبتايل 3.75 مع الاستمرار بالحبوب اللي فوق..

ثاني الدكورة بدت معاي التنشيط واخذ مني 17 يوم تقريبا نوعت فيها 3 انواع منشط!! وهذا اللي استغربته كثير..

سحبت البويضات يوم 7 جون 2016 ورجعتهم بعدها بخمس ايام اللي هو امس 7 رمضان .. وان شاء الله اي تطورات ابلغكم واللي عندها استفسار لاتتردد .. وان شاء الله اووول ما احلل ابشركم بالنتيجة..