منتديات حوامل النسائية - قصتي لكل من تأخر حملها

منتديات حوامل النسائية (https://naqatube.com/index.php)

- منتدى علاج العقم و تأخر الحمل (https://naqatube.com/forumdisplay.php?f=18)

- - قصتي لكل من تأخر حملها (https://naqatube.com/showthread.php?t=347322)

قصتي لكل من تأخر حملها

السلام عليكم بنات أنا راح أكتب قصتي في تأخر حملي لأحد العبرة لأننا إحنا هون زي الأخوات لازم كل وحدة تنصح الأخرى بما فيه الخير
أخواتي أنا تزوجت سنة2006 والحمد لله كانت أموري منيحة جلس معي زوجي 3 شهور بعدين سافر أنا في هاي الفترة كنت مع عائلتو لسا ما سافرتش معاه ومرت السنة الأولى إيجا وأنا من فرحتي بيه كنت لا أفكر في أي شي وجلس معي 3 شهور وكل ما كان يأتي آخد مانع الحمل شوفو غبائي كيف وراح سافر مرة تانية ومرت كمان سنة تانية إيجا وجلس معاي بعدين سافرت معاه عشنا وحدنا وكنا في سعادة لا توصف هو حنين معي وببيحبني كتير كنا نخرج ونتسلى وعايشين حياتنا
أنا في ها الفترة كنت بستنى أني أحمل لأني تركت المانع كل شهر بستنى بس ما في حمل مرت 3 سنوات على زواجنا وكمطنا مبسوطين ما بفكر في شي قررنا نسافر لأهلو سافرنا وهنا بدأ الموال المعروف إنت لسا ما حملتيش صحباتك وقريباتنا كلهم حملو كان زوجي بيقول لي لا تسمعي كلامهم هم الغيرة اللي بتخليهم يتكلمون سرت أجرب كل شي أعشاب كل عشبة جربتها ورحت لعند الذكتورة أنا وزوجي وأمه كشفت عني قالت ما عندك شي بس أنت متعصبة لهيك ما حملتيش أعطتني كلوميد كنت بشربو رجعنا للبيت عند أهلو لأن جلسنا معهم شهرين المهم آخد دوائي بإنتضام رحت لعند أهلي أمي المسكينة كل شي عملتو لي من أعشاب من تمريخ صرت من كثرة الأعشاب والتمريخ تعبت وصرت حنيفة وشاحبة بقيت مدة عند أهلي ورجعت مع زوجي لعند أهلو لما شافوني صارو يتفلسفون أنت نحفت عند أهلك وصار وجهك شاحب ما رديت على كلامهم قررنا أنا وزوجي نرجع لبيتنا سافرنا وارتحيت في بيتي ومرت الشهور بدون ما أحمل صار لي 4سنين متزوجة
في يوم من الأيام فكر زوجي وقال لي لازم نعمل تحاليل ولا مرة فكرت في التحاليل رحنا عملنا التحاليل وكانت المفاجئئئئئئئئة أنا تحاليلي سليمة وتحاليل زوجي لديه إنعدام في الحيونات المنوية صراحة جمدت في مكاني لم أتكلم لم أقل شيء زوجي أنا لم أحب أنا أجرح زوجي هو ولا مرة زعلني أو جرحني
بعدين قرر يعمل العملية وعمل العملية الأولى بس هو تأخر كتير لأنه منذ ولادته وهو هيك وأمه ولا مرة إنتبهت له صراحة حتى هو لم ينتبه على نفسو رغم أنه كان عندو الصفن فارغ بس قال لي أنا كنت أقول عادي المهم عمل العملية وما تغير شي أنا بكيت على حالي كتير لأني مريت بأوقات صعبة كانو أهله يعتقدون أن المشكل مني وأيضا تعبت من الأعشاب أنا الآن بتكتب وأتذكر تللك الأيام المهم الحمد لله شوفو حكايتي الآن مرت 10سنوات وأنا ساكتة ما بحكي شي وصابرة والحمد لله الآن لما بسافر لعند أهلو بتقلي حماتي هو بيحبك وأنت بتحبيه هاد هو المهم ههههههه ليش ما قلتيش هاد الكلام قبل لما كنت أنا أتعالج يا بنات ليش إحنا النساء بنتلام على كل شي وبنصبر على كل شي يا الله ليت الزمان يعود وأرجع صغيرة وأرجع بين أحضان أمي أنام وأنا مبسوطة وأستيقض وأنا مبسوطة أحكي وأنا مبسوطة أضحك وأنا مبسوطة الحمد لله على كل حال
بنات سامحوني طولت عليكم أنا كان صعب عليا أني أحكي بس قلت لازم أحكي لتأخدن العبرة يعني إذا تأخرتي في الحمل لا تجربين شي قبل عمل التحاليل
الله يرزقكم ويرزقني الذرية الصالحة