بنات يلي عندهم انسداد قنوات فالوب تفضلوا
 

صباح الخير صبايا كنت عم دور بالمنتدى وشفت أكتر من وحدة عم تسأل عن علاج لانسداد الانابيب في عملية التنظير العادية تقريبا تشبه اشعة الصبغة بالطريقة بس بالعملية بيعطونا مخدر وفي اشخاص بتنجح عمليتهم وفي اشخاص ما بتنجح متلي انا hwaml15

انا حكيت عن هالموضوع من قبل بس مشان الفائدة عم ارجع عيدو انا عندي انسداد انابيب بالجهتين و عملت طفل انبوب و حملت شهرين و اجهضت وضليت 3 سنين ما عملت شي حتى اخيرا اقتنع زوجي ورحت لعند طبيب
اسم الطبيب يوسف زيتون موجود بسوريا باللادقية اكيد كلكم سمعتو عنه و عملت عملية فتح الانابيب و الحمد لله نجحت وتخيلو يا بنات 5 اطباء شافو الصورة الظليلة ما حدا شاف الالتصاقات يلي كانت السبب بفشل طفل الانبوب والحمد لله انا حملت بس رب العالمين ما اراد يكمل حملي انا عم احكي عن الدكتور لانو ما حدا غيرو بعد رب العالمين طبعا قادر يفتح الانابيب لانو هو مخترع جهاز مشان هالموضوع واسمعوا يا بنات قصص النساء شي ببيبكي سنوات طويلة من العقم وبعد امر رب العالمين على ايدين هالطبيب يصير حمل كان في وحدة جاي لعندو كانت عاملة فتح بوقين و توسيع عنق رحم قالت انا حملت اول مرة بعد 4 شهور من العملية وتعبت حالي واجهضت وبعد شهرين حملت مرة تانية وهلا عندي ولد عمرو 4 شهور وتصوروا حامل بولد تاني صرلها شهرين ومو عارفة لانها مرضع وجاي اتابع حملها وحكايا كتير كتيير سمعتها انا حبيت افيد الكل مشان ما تعانوا وتمروا بنفس تجربتي ولا تخافوا انو الطبيب بسوريا بمكان وجوده باللادقية ما في شي المحافظة هادئة ولا في اي شي واي سؤال انا جاهزة بتمنى تعم الفائدة

رد: بنات يلي عندهم انسداد قنوات فالوب تفضلوا
 

ربي يرزقك ويرزقني وكل محروم

ومشكوره ياالغلا ان شاء الله البنات يستفيدون من موضووعك

رد: بنات يلي عندهم انسداد قنوات فالوب تفضلوا
 

بشكر مرورك الغالي حبيبتي و الله يرزقنا جميعا عاجل غير اجل يا رب

رد: بنات يلي عندهم انسداد قنوات فالوب تفضلوا
 

مشكورة اختي بس عندي كم سؤال
كيف طبيعة العلاج؟ وكم يستغرق؟ يعني في نفس اليوم او اكثر؟
والاهم كم التكلفة؟
انا عندي انسداد بالجهتين وسويت تلقيح والحمد لله ربي رزقني بولد
بس كثييير شايلة هم العملية الثانية بعد سنتين ان شاء الله

رد: بنات يلي عندهم انسداد قنوات فالوب تفضلوا
 

مشكوره ع افاادتك
ويارب يفيد الاخوات ويرزقهم ييارب

رد: بنات يلي عندهم انسداد قنوات فالوب تفضلوا
 

[quote=تمنيتك بأحلامي;4165753]مشكورة اختي بس عندي كم سؤال
كيف طبيعة العلاج؟ وكم يستغرق؟ يعني في نفس اليوم او اكثر؟
والاهم كم التكلفة؟
انا عندي انسداد بالجهتين وسويت تلقيح والحمد لله ربي رزقني بولد
بس كثييير شايلة هم العملية الثانية بعد سنتين ان شاء الله[/quote

مسا الخير حبيبتي الله يخليلك ابنك يا رب
اذا حبيتي تروحي لعند الدكتور طبعا لازم تكون معك كل التحاليل واكيد صورة الاشعة بس على الاغلب يطلب منك تعيدي الصورة اذا كانت قديمة ليشوف اذا في اي شي جديد صار بالرحم لا سمح الله او ممكن يكون صار تحسن بعدين بيحدد العملية اذا كنتي جاهزة ومو بوقت الدورة بيعملك العملية تاني يوم او ممكن بنفس اليوم اذا ما في زحمة عمليات و الدكتور مخترع جهاز اخذ عليه براءة اختراع ما في متله بكل العالم العملية ربع ساعة او نصف ساعة بالكتير وبعدها بتروحي عادي يعني مو جرح وبيعطيكي ادوية مشان الالتهاب والتكلفة بالضبط ما بعرف لكن انا عملت فتح انابيب وفك التصاق ب 60000 وبدك تحسبي انو في ادوية وفي تحليل بيعملوا الطبيب ليتأكد انو ما في اي امراض لا سمح الله بالرحم بعدها بإذن الله يصير حمل وهي العملية اقل بكتير من تكلفة الانابيب يلي مش مضمونة عنا بسوريا تكلفة طفل الانبوب ممكن توصل ل500 الف ليرة سوري لانهم صاروا يحسبوها على الدولار و ممكن تكلف اكتر من 1000 دولار بينما عملية فتح الانابيب عند الدكتور يوسف زيتون تكلف 100 دولار
واي سؤال حبيبتي انا جاهزة وانشالله ما بتحتاجي عملية وهاد الشهر بتبشرينا بحملك

رد: بنات يلي عندهم انسداد قنوات فالوب تفضلوا
 

بشكرك على مرورك يا غالية