|
وضوح العضو الذكري في السونار؟؟؟؟
السلام عليكم ياكروشات شخباركم
بنات صديقتي اليوم كانت تحاكيني بموضوع حملها وهي بالشهر السادس يعني معاي المهم سوت سونار اخر مره بداية السادس وقالت لها الدكتوره ولد وخلتها تشوف العضو الذكري مع اني مادري هل هو سونار عادي او تصوير رباعي المهم هي ودها تجهز لان ماشرت ولاحاجه للبيبي وتقول مدري هل اجهز ولاكيف لان تقول اخاف اجهز ويطلع بنوته وطبعا كل شي يجي من الله يامحلاه وبنت او وولد ماتفرق لان هي وزوجها ماعندهم مشكله والحمدلله راضين باي شي يجيهم بس يعني حرام تشتري كل شي ازرق الي تبي تعرفه يعني بعد مشيئة رب العالمين هل اذا وضح العضو الذكري يكون باذن الله ولد ولاتروح تسوي بمستوصف ثاني اتمنى تفيدوني ودي افيدها |
رد: وضوح العضو الذكري في السونار؟؟؟؟
حبيبتي والله انا اخت زووجي سوت سونار وهي بالسابع
عشان تتأكد وشافت العضو الذكرري والدكتوره قالت لها اكيد ولد بآذن الله يعني خليها تطمن وتشتري كل اللي تبغاه دامها شافت العضو الذكرري فلاتشك الله يسعدها ويخليه لها يـآرب |
رد: وضوح العضو الذكري في السونار؟؟؟؟
شكرا عذبة الاحساس على المرور
ويخلي لك غاليك ويرزقنا واياك مانتمنا يارب |
رد: وضوح العضو الذكري في السونار؟؟؟؟
سبحان الله مسوين مشكله على بس ملابس ؟؟؟؟
اشتروا لو غير الازرق والوردي واذا شرف البيبي بتعرفينم ساعتها شنهو تشترين ازرق ولا وردي ليه مسوين قضيه باللباس وبعدين هذا بعلم الغيب يامه دكتوره قالت بنت ويطلع ولد وياما قالت ولد وتطلع بنوته ليه انتو حريصيين ان تعرفون قبل الولاده هذا بعلم الخالق ومهما تطورت الاجهزه بيظل الخطا وارد سبحان الله علشان العلم عند رب العباد |
رد: وضوح العضو الذكري في السونار؟؟؟؟
ياخت حامل حنا ماقلنا شي وبالعكس والله ماعندنا اعتراض على جنس المولود بس يعني الام تبي تجهز اشياءالبيبي ومفرشها هي واروابها وكل شي يعني مبسوطه حرام ولاعيب ماضن فيها شي واكيد الخطاء وارد ماقلنا حنا نعلم الغيب بس مجرد استفسار مدري ليش كل وحده تدخل تكتب الي بخاطرها بدون ماتراعي مشاعر الناس
يعني مع احترامي لك احس انك ودك تسوين مشكله على شي مليسوى سؤال واستفسار والله يجي من الله ماحلاه الله يهديك بس |
رد: وضوح العضو الذكري في السونار؟؟؟؟
انا سوت لى سونار وقالت الطبيبه ولد ولما ولدت تفاجئت انها بنت مع اني نفسي ببنت وكنت مجهزه كل اغراضي سكري وابيض يناسب البنت والولد وبعد النفاس تقضيت وردي واحمر
|
رد: وضوح العضو الذكري في السونار؟؟؟؟
اختي لاتيه الله يتمم عليك حملك بخير وقلنا لك استمتعي بحملك ومقاضيك ولاتسوين لنفسك ازمه نفسيه علشان لون بس الحمدلله انك عندك ايمان بالي بيجي من ربك يامحلاه وقضي واستانسي ولاتخلقين ازمه لنفسك ترى انا ضد اني اشتري لون معين علشان حضرة الدكتوره قالت انه ولد ولا بنت ولاكانها رب العالمين تعرف بالغيب ...
عيالي كلهم ولله الحمد قضيت ابيض في ابيض يوم كبروا شهرين و3 بديت اقضي ازرق لولد ووردي واحمر للبنيه فوسعي صدرك ولا انا هنا ارد عليك علشان اسوي لك مشكله لاسمح الللله كلكم هنا خواتي بس اجاوبك من منطلق اني لي خبره وعلى اني اختك الكبيره الي تخاف عليك ولاتحب تشوفك مضايقه عمرك على لون قميص او مفشر وسعي صدرك بس |
رد: وضوح العضو الذكري في السونار؟؟؟؟
اولا الله يتمم لها على خير وثانيا خليها تاخذ راحتها وتشتري ازرق وتجهز لها ولنونو انا سويت اشعة عاديه في الشهر سادس وقالت دكتوره ولد ورتني العضو حقه وفعلا ولدت وجبت ولد دام انها شافت العضو باذن الله ولد وعقبال ما تبشرينا بخبر ولادتها ياربhwaml7 |
رد: وضوح العضو الذكري في السونار؟؟؟؟
الله يجزاكم كل خير بنات ماقصرتوا والله على الردود وفعلا محد يدري عن الغيب والي يجي من رب العالمين كله خير وبركه
|
رد: وضوح العضو الذكري في السونار؟؟؟؟
والله ياغاليات مدري ليش مسويين من موضوع الملابس قضية،، ومدري مين بالأساس اللي قصر اللون الأزرق للولد والوردي للبنوته،، مو عارفة هي موضة غربية وحنا بس تبعات نمشي ورآهم ولا كيف؟
ولا يازين جداتنا يوم كانوا يلبسونا ذيك الألوان الفرايحيه وماعمرهم قالوا ازرق لولد وووردي لبنت.. أنا من اسبوع حملي ال22 والدكتور وزوجي يقولون ولد،، وبالشهر السادس والسابع سويت التصوير الرباعي وبرضو ولد بس أنا لقناعتي داخل ماابغى اسلم بالأمر للاكيد لانه بعلم ربي وحفظه مهما وصلنا من علم وتكنولوجيا.. بعدين هم أطفال صغنونات يامحلاهم بكل الألوان وربي براءة بكل الألوان .. زوجي قضى الملابس باللون الأزرق وانا عن نفسي أخذت تشكيلات بالبيج والسكري والاورنج والاصفر والأخضر والابيض وشي نيلي وشي بني ماخليت فنفسي لون :) وربي كتاكيت يليق عليهم كل لون.. |
| الساعة الآن 09:29 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .