|
ارجو المساعده اخواتي الغاليات
مساء الخير اخواتي
لدي ابنه الله يحفظها ويباركلي فيها يارب عمرها سنه و 10 شهور ,,, الكل يشهد انها كثير هاديه الحمدلله والشكر وحده لله ,,, انا لما اروح الدوام احطها مع امي وامي تقول لما تكون وحدها تجلس هاديه وتلعب ولما ارجع احاول اخلي كل الوقت الها وبس وماشاء الله اذا سويت العشاء احطها بغرفه العابها اطبخ شوي وارجع اشوفها وهي تلعب بهدوء الله يحفظها وتسمع كلامي اذا ناديتها واذا رحنا السوق صح شوي ربشه بس مامتعبتني حبيبتي بس المشكله اول ماتختلط بولد اختي او ولد اخوي تصير وحده ماااعرفها تصرخ وتصير تتجنن و ماتسمع الكلام عنيده واجد والحين حملت فيها واحس اني صرت حساسه وايد واتضايق من تصرفاتها وهالشي يرهقني وامس رحت السوق مع اخواتي وصارت تصارخ وتصيح وتهرب مني وهي ماكانت كذا ,, وضربتها وندمت مااريد تكون هاذي طريقتي في تربيتي لبنتي ,, خاصه اني متبعه خطة العين معاها يعني اشوفها بنظره عصبيه و تسمع الكلام بس امس تغيرت وواجد احترقت من تصرفها ,,, مااريدها تاخذ طباع الاطفال الثانيين هالشي يتعبني وخاصه اني ابي اوديها حضانه والحين خايفه كيف اخليها تختلط باطفال ,, مااتكلم الحين ان بنتي غيير هي طفله ومن حقها تلعب و تكون فوضويه بس هي معي غير ولما تشوف اطفال غير فهالشي عادي او اني ابالغ ... ساعدوني حبيباتي |
رد: ارجو المساعده اخواتي الغاليات
يسعدني اكون أول من ترد عليكي عزيزتي
والله لك وحشة ياقلبي اشتقت لك ومبرووووك الحمل ربي يتمملك ع خير بنتي نفس عمر بنتك ربي يحفظها حبيبتي عادي هذا الشيء الطفل يحب يتشاقى ويلعب وانتي طبيعي اللي تمرين فيه من الحمل الواحد يفقد اعصابه احياناً و لاتتحسسين وتحملي على بنتك واصبري عليها الحمد لله انها هادئة وقت وجودها معك لوحدكم انا بنتي ماشاء الله عليها شقية وبعد نقول الحمد لله ربي يحفظهم الله يسهل أمورك |
رد: ارجو المساعده اخواتي الغاليات
مساء النور والسرور
خيتي اغلب الاطفال يتاثر مع الاطفال الاشقياء بس قولي الحمدالله انها هاديه وغير شقيه ولساتها صغيره شوي وانتي مع الحمل صاير حساسه بشوي الله يحفظهاا لك يارب |
رد: ارجو المساعده اخواتي الغاليات
اقتباس:
ياعمري انتي فديتج تشتاقلك الجنه يالغاليه وانتي بعد وحشتيني ربي يحفظج .... شو اسوي حاسه افقد اعصابي بسرعه والله .. والله يصبرني لحد ماتعدي هالفتره |
رد: ارجو المساعده اخواتي الغاليات
اقتباس:
تسلمي حبيبتي عالرد ... الحمدلله فديتك بس شخصيتها تتغير وهالشي يخوفني بس واتمني يكون طبيعي اللهم امين |
| الساعة الآن 12:25 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .