منتديات حوامل النسائية - حملي هدية الله لنا في الذكرى السابعة لزواجنا

منتديات حوامل النسائية (https://naqatube.com/index.php)

- منتدى علاج العقم و تأخر الحمل (https://naqatube.com/forumdisplay.php?f=18)

حملي هدية الله لنا في الذكرى السابعة لزواجنا

مسا الخير صبايا انا كتبت اخر مرة عن عملية فتح الانابيب يلي عملتها وما رح ادخل بالتفاصيل حتى ما طول عليكم بس اليوم بدي خبركم انو نتائج العملية بانت و الحمد لله انا حامل و عمر الحمل شهر اليوم انا كنت عند الدكتورة و عملت تحليل وطمنتني انو الامور تمام و الحمد لله صدقا يا بنات انا من 9 شهور ما شفت دكتور و اخدت ادوية بعد عمليتي لمدة شهرين ووقفت وكان لازم راجع الدكتور بس ما رحت وتركت حالي و كل شهر كنت قولهاد الشهر حامل و بلشت الدورة تخربط شي 27 شي 92 شي 30 مع انها كانت منتظمة والشهر الماشي بسبب اشتداد البرد تأخرت عليي 6 ايام وانا كنت متعودة تتأخر بس يبدأ البرد القارس و الكل صار يقلي اكيد حمل بس انا كنت متأكدة انو تأخر عادي بس من جوا كنت بتمنى و ثقتي بربي كبيرة ما رح ينساني بس باليوم السادس اجت الدورة و بعد ما خلصت احتفلت بمرور 7 سنين على زواجنا وكان يوم رومنسي ومضت الايام واجى وقت الدورة وما اجت و انا محضرة حالي انو جاي و مرت الايام وما فكرت اني ممكن كون حامل لاني قررت انسى الموضوع وما ضل عم فكر و باليوم التاسع اقنعتني اختي اعمل اختبار منزلي وما طلع غير خط بعد دقيقة بدأ يظهر التاني بس ما فرحت لاني بدي اتاكد انا اول مرة بشوف هالخطين وعملتو بوقت العصر كنت اكلة وشاربة يعني ما في هرمون مركز وبعد يومين عملتو 6 الصبح وكمان خطين يا سلام شفت افراز بني خفت فرجعت بوقت العشاء عملت اختبار و كمان خطين و قررت باليوم 12 انو لازم اعمل تحليل دم و شوف دكتورة وفعلا اعملت تحليل و طلع ايجابي الف حمد و شكر لرب العالمين و طمنتني الدكتورة و عطتني تثبيت و مقويات و قالتلي ريحي حالك وما في شي بيخوف ووضعك ممتاز و الحمد لله وعئبالكن جميعا يا بنات وتأكدوا ربنا ما في أكبر منه و من كرمه وما بينسى عباده اطلت عليكم بس حبيت اعطي التفاؤل للكل متل ما كنت اخدو من غيري وتصبحوا على خير