|
استفسار عن مستشفى الملك خالد الجامعي بالرياض
السلام عليكم اخواتي
كيف حالكم ؟ الله يتمم علي وعليكم حملنا ويحفظ لي ولكم اجنتنا ويسهل علينا ولادتنا ويمتعنا برؤيتهم سالمين معافين حبيباتي انا حابه اراجع في مستشفى الملك خالد بس مو عارفه كيف افتح معهم ملف الحمل هل لازم اروح لهم انا بنفسي ؟والا عادي زوجي يروح؟ وحابه اعرف الاوراق المطلوبه للمتابعه علما انه عندي ملف فيه وحابه اسأل عن افضل دكتوره سواء للطبيعي او القيصري لأن هذا اول حمل لي بعد عمليه مسويتها بظهري ومو عارفه هل يولدوني طبيعي او قيصري ..اللي عندها علم بهالشي ياليت تخبرني وهل اقدر اطلب غرفه خاصه؟ وكم المده اللي اجلسها بالمستشفي بعد الولاده سواء للطبيعي او القيصري واعذروني طولت عليكم بس والله مالي الا الله ثم انتم .. المستشفى صار لي اسبوع ادق عليهم ابي استفسر لكن محد يرد والمشكله بعيد عني المستشفى والا كان اروح لهم واشوف بنفسي انتظركم عزيزاتي |
رد: استفسار عن مستشفى الملك خالد الجامعي بالرياض
امين واياك عزيزتي
ننتظر البنات |
رد: استفسار عن مستشفى الملك خالد الجامعي بالرياض
اراء للبنات والله اعلم
مستشفى الملك خالد الجامعي ماعليه اي كلام وغني عن التعريف !!!!!! وبالنسبة لي انا اللي ولدتني حرمة وكل اللي دخلو حريم ما عدا استشاري التخدير كان رجل انا اراجع فية وامي قبل ولدت فية وتمدحة ونظافة والممرضات تمدحهم الله يهون علينا اهم شي ماعلينا من المستشفى لو بيدخل عليك دكتور وقت الولاده يسالونك لو رفضتي مايدخل انتي من دكتورتك انا دكتورتي سلوى نيازي تابعي فيه بدون تردد ماافيه افضل منه نظام في المتابعه والولاده لكن الدكتوره اللي يكتبون اسمها في المتابعه ماتراجعين عندها مثل سلوى نيازي يجي بدالها دكتوره مقيمه او متدربه سعوديه كل مره تجين تلقين وحده مختلفه سلوى تجي في الولاده بس انا اتابع فيه .. مع الدكتوره مشاعل الشبلي بس ولا مره شفتها قبل كذا اجهضت ورحت لهم مره عنايه واهتمام .. الله يكتب لنا الخير وين ماكان .. وييسر لي ولكم كل عسير .. انا اتابع فيه وكثير يمدحونه والله يسخر لنا عباده الصالحين انا اتابع عند تركية ابو حليمة وماشفتها الا اول مره ويارب اولد قريب واكتب لكم قصة ولدتي با التفصيل طلبت انا منهم غرفة خاصة و بعد كم يوم عندي موعد بطلب منهم ابرة الظهر ان شاء الله يكتبونها في ملفي الله يسهل لنا ويهووووون علينا الطلق والولادة |
رد: استفسار عن مستشفى الملك خالد الجامعي بالرياض
|
رد: استفسار عن مستشفى الملك خالد الجامعي بالرياض
ابرة الظهر يعطونها في ايو لادة مو شرط البكرية ... وينصحون فيها بعد
والغرفة مو بفلوس اذا كان لك احد في المستشفى يعطونك ومادري اذ طلبتي من الدكتورة يعطونك او لا والعناية والاهتمام زينة خاصة بالمولود لو كان فيه شي واحتاج تحاليل واشعات بالنسبة للرجال ممكن يدخلون عليك ... ومن اسمه واضح مستشفى الملك خالد الجامعي ... في كل الاقسام ممكن يدخلون عليك طلاب متدربين او طالب .. وانتي وحظك ممكن تقولين مابيهم ويطيعونك ووممكن يجبرونك ووممكن ما يدخل عليك ولا حس رجال ... وكثير ولدوا اكثر من 3 ولادات في هالمستشفى ولا شافوا رجال انتي ادعي وربك ييسر |
رد: استفسار عن مستشفى الملك خالد الجامعي بالرياض
الله يجزاك خير اختي ماقصرتي
بس للحين مالقيت اجوبه على اسئلتي ننتظر البقيه وان شاء الله القى احد يجاوبني الجواب الشافي |
| الساعة الآن 05:55 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .