|
ابرة الولادة طريقتها ، إبرة الظهر وكيفية اعطائها
ابرة الولادة طريقتها ، إبرة الظهر وكيفية اعطائها
ابرة الولادة طريقتها ، إبرة الظهر وكيفية اعطائها ابرة الولادة طريقتها ، إبرة الظهر وكيفية اعطائها http://forum.hwaml.com/imgcache2/hwa...109190_935.png إبرة الظهر epidural -لا يكلف الله نفس الا وسعها،،، مو قادرة تستحملي الألم اطلبي الإبرة ، ما تبغي تتألمي من البداية اطلبي الإبرة(مو لازم تعملي نفسك أفظع وحدة في العالم ولازم تستحملي الألم عشان تاخدي الأجر، لأنك لو عملتي كدا راح تاخدي العلقة حقت الولادة مظبوط وبعدين تطلبي الإبرة بعد ما تكوني استويتي.. كونك حامل وبتولدي خلاص اخدتي الأجر ان شالله) - كالعادة في بداية اي موضوع، تعالوا نتفق على التالي: مو مامتك اللي بتولد، مو زوجك اللي بيتألم، مو حماتك اللي راح تستفيد. معنى كلامي انتي...انتي ...انتي وبس اللي تقرري لنفسك ...مو اللي حولينك. .. مين يحطها: أخصائي تخدير متمرس فيها -كيف الوضعية: تجلسي على طرف السرير ورجولك محطوطة على كرسي. ضهرك مقوس زي الموزة، دقنك على صدرك) ودكتور التخدير خلفك) - اتشل لو اتحركت: لا تتحركي مو عشان لا تنشلي، عشان لا يفضل الدكتور مو عارف يحطها ويصير يحاول كم مره بدل مرة وحدة) وإنتي تطفشي ً تحسبي في شي - اقدر أتقلب ع السرير بعد ما أخدها: طبعا، تراها مو إبرة هيا بلاستيك مرن، ما يصير شي لو اتقلبتي. -مؤلمة: لا -ايش يصير بعد ما تحطيها: حرارة بسيطة في رجولك، تنميل من البطن او عدم احساس بالمنطقة من البطن الى القدم، ، ممكن رعشة خفيفه . استفراغ او غثيان بسيط ويروح، احساس بالبرد، هبوط طبيعي في الضغط، ممكن تنمل منطقة او جهة اكتر من الجهة الاخرى في الجسم. - هل في سيدات ممكن يأخذوا الإبرة وبرضوا يحسوا بالألم :نسبة قليلة جدا، وحتى لو حست بالألم يكون خفيف ولا يقارن بالعذاب اللي بدون الإبرة (يعني برضوا رحمة ) والإحساس بالألم مالو دخل بأنك تشربي قهوة ولا بيبسي او تدخين... -يحطولك قسطرة بول عشان ماراح تقدري تروحي الحمام(ماراح تحسي بالقسطرة لأنهم يحطوها بعد ما يحطوا الإبرة ) - تفضل الين متى: الين ما تولدي والى ما يخلصوا خياطة وكل شي -راح اعرف ادف يا دكتورة: ايوه راح تعرفي تدفي وراح نعلمك كيف تدفي ولو وجب الامر ندف عنك -تضر البيبي: لا -تضر الام: لا -تزيد نسبة القيصري: لا متى نشيلها: بعد الولاده (خلال الساعة الاولى بعد الولادة( -متى أتحرك وأحس برجلي: خلال ٢-٤ ساعات - الاثار الجانبية: استحالة تعمل الم ضهر. ممكن تعمل صداع خفيف يستمر من اسبوع الى أسبوعين ويخف بالمسكنات العادية زي البنادول، البروفين، السولبادين. خلصت...... |
رد: ابرة الولادة طريقتها ، إبرة الظهر وكيفية اعطائها
يعطِ ـــيكْ العَآفــيَـــةْ . عَلَـــىْ روْعـــَــةْ طرْحِـــكْ’.. بإآنْتظَـــآرْ الَمزيِــدْ منْ إبدَآعِكْ .. وَ مَ نَنَحرَمِ مِنَ جديدكـ لــكْ ودّيْ |
| الساعة الآن 02:21 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .