منتديات حوامل النسائية - خطة علاج لمدة شهرين .. دعواتكم

منتديات حوامل النسائية (https://naqatube.com/index.php)

- منتدى علاج العقم و تأخر الحمل (https://naqatube.com/forumdisplay.php?f=18)

- - خطة علاج لمدة شهرين .. دعواتكم (https://naqatube.com/showthread.php?t=336714)

خطة علاج لمدة شهرين .. دعواتكم

السلام عليكم ورحمة الله hwaml7
كيفكم بنات ان شاء الله تكونو بأحسن حال
مابي اطول بدخل بموضوع علاجي
انا الحمد لله عملت تحاليل تالت يوم الدورة وكانت النتيجة كلو نورمل حتى مخزون المبيض قالت الطبيبة ممتاز
بس راجعت الطبيبة ملفي وشافت انو على تقرير السونار مع التنشيط بين انو عندي نسبة تكيس بالمبايض " بسبب التنشيط طول هالسنين" وقالت ماراح اعطيك اي منشط وراح ابدا معاك علاج جديد وان شاء الله خير أنا بصراحة زعلت مشان زوجي كان بدو نبدا بالحقن متل ماخبرتكم من قبل ..فقلت للدكتورة يعني مابيصير ادخل عالحقن مباشرة او ارجع اعيد تلقيح متلا؟؟؟ كانت اجابتها بالرررفض وحكت انو لازم نحاول نتدارك موضوع التكيس وهذا العلاج كتيرر حملو عليه وخصوصا انو سني صغير مابدنا نستعجل على وسائل الإخصاب المساعدة ومن هالحكي ...وقالت ان شاء الله يصير حمل فخلال هالفترة العلاجية بقدرة الله ..
انا توترت وكنت خايفة على زوجي ليزعلhwaml15 بعد ماكان متشجع hwaml5لمحاولة الحقن أما بالنسبة إلي فانبسطت كتير بهالخطوة وخصوصا ان كلام الدكتورة شجعني والأحلى انو الحمد لله زوجي بعد ماقلت له عن الدواء مازعل ابدا وقال يمكن هالعلاج يساعدنا كمان على الاستجابة فالحقن وكمان بعد ماشتريناه من الصيدليةقال انو كتيرر مفيد وبيساعد عالحمل ...
نجي للدواء اسمه FertiBoost الجرعة : حبتين باليوم 'كل 12 ساعة حبة'
مدة العلاج: شهرين
وهو عبارة عن أنزيمات وفيتامينات تنظم عمل المبيض وتساعد ف خروج بويضة ناضجة ' هاد الي عرفتو لحد الآن'
وأخذت هالشهر من تاني يوم الي عاشر يوم من الدورة بردقوش كوب واحد باليوم
وبعدين أخدت ميرامية ايضا كوب واحد واليوم وقفتها
وصباحا ملعقة سمسم على الريق مستمرة للأن زائد خلطة عسل عبارة عن مقويات
بالنسبة لزوجي ياخد كل يوم حبة فيتامين e وحبة فوليك أسد وخلطة بالعسل مقويات ان شاء الله بتزيد حركة الحيوانات المنوية وقريبا راح يعيد تحليل السائل المنوي بناءا على طلب مركز العقم لانو اخر تحليل الو كان قبل ستة اشهر
ماراح أتابع بالجهاز هالشهر وموعدي ان شاء الله مع الطبيبة تاني يوم الدورة لو إجت وان شاااء الله ياررررب مااتجي يارررررررررررب
عندي طلب الي عنده اي معلومة عن هالدواء الي باخدو حاليا هل سبق ان اخدته وهل جاب نتيجة بخصوص التكيس ؟؟؟ وهل صار حمل بعدو ؟؟؟
هاد الي الله كتبو إلي بعد الإستخارة وان شاء الله يكون خير انا الحمد للله نفسيتي مرتاحة و انا الآن باليوم 18 للدورة وماعندي اعراض علما بأن تبويضي متأخر بس ما بعرف يوم التبويض عندي خليت الجماع يوم أي ويوم ﻷ وان شاء الله خير يارب
دعووووواتكم يابنات لا تبخلو علي ولكم بالمثللل ان شاء الله
استودعكم الله حبايبي ------ مع السلامة hwaml7