|
قلقانة ومحتاجة لرأيكم
السلام عليكم hwaml7
بداية أنا بشكركم جميعاً على المنتدى الرائع الادارة والعضوات متابعتكم من فترة صغيرة يمكن لأنو اهتمامي بموضوع الحمل هو يلي طرأ جديد لحياتي لهيك قصدت منتداكم وبتابع مواضيكم hwaml03 hwaml12 انا متزوجة من اربع شهور لسة ما واجهت مشكلة معينة مع الحمل كانت دورتي تتأخر وانا بنت لكني نظمتها بفترة خطوبتي وانتظمت بعد الزواج صارت تتأخر ... تتأخر 15 يوم متلاً قلقت وراجعت دكتورة ... وعملت فحوصات معينة كوني فنية مختبر بناء على توجيه الدكتورة حكتلي طبيعي تتأخر بسبب تغيير الهرمونات فحصت الاباضة تاني شهر وكانت البويضات صغيرة الحجم ... لهيك بالشهر هاد قررت آخد منشط أخدت اوفاكلومين ,, لمدة خمس ايام ,,, وعاليوم 12 مفروض أفحص حجم البويضات فحصت باليوم 11 كوني تاني يوم اجازة كان وكان في اربع بويضات تنين منهم كبار فوق ال30 ووحدة 19 ووحدة 21 حكتلي الدكتورة آخد ابرة تفجيرية عشان اضمن خروج البويضة ونركز على بويضة 19 و21 وأخدتها لحالي ... كان هادا يوم الجمعة الماضية من وقتها بشعر بمغص كتير , ووجع بقاع الضهر , ودوخة من وقت للتاني ولما باكل أي شي بشعر بطني تقيييييييييييييييل شفت البعض فيكم حكى عن الابرة التفجيرية بموضوع وكنتو تفحصو حمل بأيام قليلة بعد الابرة وتلاحظو خطين الحمل , والاغلب انو يكون هرمون الابرة لكنو يتأكد حمل بعد 12 او 14 يوم انا اليوم السادس بعد الابرة عملت فحص حمل من الدم في مختبري وماطلعي الا خط واحد قلت اجرب يمكن تكون تجربتي متلكم واشوف خطين حتى لو خط هرمون الابرة المهم اشوف خطين وعملت رقمي للتأكيد وطلع سلبي هل هاد الشي بدل انو ما صار معي حمل؟ والا لازم استنى لليوم 14 او 16 بعد الابرة رح يتغير الوضع؟ اهتمامي بالموضوع مرهقني غصب عني وجسمي تعبان واليوم أكتر مرة يشعر بالمغص بقاع بطني طولت عليكم بأول مشاركة الي شكراً الكم الجميع وأي اسئلة بتتعلق بالتحاليل المخبرية انا جاهزة وان شاء الله تواجدي بفيدكم hwaml16 |
رد: قلقانة ومحتاجة لرأيكم
أهلا فيكِ أختي
شكراً لمرورك الحلو كلك زوق |
رد: قلقانة ومحتاجة لرأيكم
وعليكم السلاام
اهلا وسهلا فيك حياك الله المفروض ماتللين الابعد يوم 14 من الابره حتى نتاكد زوال تاثير الابره وظهور النتيجه الاصليه الله يرزقك يارب الحمل السليم |
رد: قلقانة ومحتاجة لرأيكم
طالما سلبي معناها مفعول الابره راح
جربي بيوم ١٤ او بعد ذلك والله يرزقك انا ما حربت ولكن من خبرات البنات وبما انك متزوجه حديد حبيت انصحك انو ما تباشي بعلاجات بدون ما يحلل زوجك لحتى اذا اناكدتي انو سليم فيكي تبلشي بلي بترتاحيلو وربي يرزقك |
رد: قلقانة ومحتاجة لرأيكم
الله يسعدكم
شكراً لردودكم انا عملت فحص لزوجي ووضعو تمام , مافي اي مشاكل تمنع الحمل ان شالله بس انا استغربت انو في صبايا يكون معهم بعد ست وسبع ايام خطين الابرة لهيك لما جربت وطلع سلبي تشائمت شوي لكن أكيد برجعلكم بخبر باليوم 14 وبحكيلك شو بيطلع معي |
رد: قلقانة ومحتاجة لرأيكم
وعليكم السلام هلا وسهلا فيكي شوفي اختي انتي محتارة ليش مابين خطين ولا بين فيه هرمون الابرة انتي حسب قووووة الابرة في نوعين اذكر وحدة اقل من الثانيه انتي يمكن خذيني النوع الي قوووووتها اقل وهذي تروح بسرعه بس اتوقع اسبوع تطمني دام بينت فيك أعراض معناه الابرة سوت مفعولها ان شاء الله وبنسبه للاعراض الابرة صح هذي اعراضها الام أسفل البطن والصدر وغيره لاتحاتين وان شاء الله تبشرينا بحملك
|
رد: قلقانة ومحتاجة لرأيكم
انتي استعجلتي بالتحليل انتظري لليم 14 وحللي هيك تكون النتيجة دقيقة سواء سلبي او اجابي
ان شااء الله يكون صاار حمل وتبشرينااا |
رد: قلقانة ومحتاجة لرأيكم
الله يسعدكم شكراً لمروركم
رح استنى لليوم 14 ان شاء الله |
رد: قلقانة ومحتاجة لرأيكم
كانت اول تجربة لي مع المنشط والابرة التفجيرية
واجت دورتي بموعدها بس عاااااااااااادي الحمدلله انبسطت انها ما تأخرت ولا يوم واجت ع موعدها قدر الله وماشاء فعل لساتني عروس مش رح ازعل اني ما طلعت حامل ان شالله ربنا كريم وحيعطيني واياكم بيوم ... دعواتكم |
| الساعة الآن 07:34 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .