|
ارضع طبيعي
السلام عليكم ورحمة الله وبركاته
شحالكم بنات ، هاي اول مشاركه لي وياكم وان شاء الله دايما حبيت أتأكد من شغله ياريت تساعدوني بس انا صارلي 5 شهور ونص من ولدت والحمدلله حاليا ارضع طبيعي بشكل مستمر ولله الحمد مايتني الدوره من ربيت للحين غير فترة النفاس طبعا ومايتني 40 يوم بالضبط لا نزلت كم يوم ووقفت يمكن اسبوعين تقريبا مب متاكده بس ماطولت المهم ابغي اعرف اذا يصير حمل وانا ارضع لحد الإشباع لانه صارلي من ولدت 5 شهور ونص احس بدوخه قويه يتني مرتين تقريبا احس بخمول احس عيوني تسكر لحالها بس ابا انام احس بألم في أسفل البطن ونغزات بالأسفل احس بألم ف الظهر وأحس مثل شي يتحرك ف بطني احس نفس الم الدوره احس اني صرت اجوع واكل 24 ساعه مستغربه من نفسي اكل 3 ساندويجات من بعد ماكنت اكل نص ساندويجه وفوقها اكل سويت وارجع احلي واشرب علية بيبسي كبيره وارجع اكل حب وارجع وارجع الا مالا نهايه نفس الوقت ههههههه الظاهر راحت ايام الرقه والدلع -----) هل هو بسبب الرضاعه والا من أعراض الحمل بعد ما انتهى الجماع بنص ساعه حسّيت بشي حار ينزل ويوم حطيت كلينكس طلع دم لونه وردي خفيف مسحته كم مره بالكلينكس وخف وأساسا هو خفيف وفاتح خذيت عينه بول بنفسي اعزكم الله في علبة خاصه للبول وطلع فيها مثل خيوط بيضا ودي اعرف هذا يعتبر التهاب والا من أعراض الحمل بنات ردو عليه ضروري الله يسعدكم ويرزقكم بكل ماتتمنون |
رد: ارضع طبيعي
ملاحظه الدم كان خفيف وايد ووقف نفس اليوم
سويت اليوم اختبار حمل منزلي وطلع سلبي |
رد: ارضع طبيعي
صح نسيت اقول
وشعري وايد يطيح وصار جاف ووزني قام يزيد حتى هالأسبوع زدت 4 كيلو تقريبا سواء كلت والا لا او يمكن لاني كثرت حلويات هالأسبوع وكلت علبه كاملة لوتس اشتهيتها وطحت فيها هههههههه |
رد: ارضع طبيعي
وعليكم السلام ورحمة الله وبركاته
ماعندي علم بس الاغلب خربطه هرموناات انصحك حللي الغده الدرقيه |
رد: ارضع طبيعي
شكرًا حبيبتي ام بتلاء
فعلا انا عندي الغده واتعالج منها من اول حملي للحين أخذ حبوب ثيروكسين |
رد: ارضع طبيعي
اي اللي تحسين فيه اعراض الغده وشكلها مرتفعه شوي
خوذي علاجك بانتظاام وانصحك بالقسط الهندي راح يخفضهاا لك وكمان عوضي باكلك بفيتامين د وحبيت انبهك شغله ابتعدي عن النشويات والسكريات واهتمي بالكالسيوم والفيتامينات ومارسي الرياضه وكثري شرب ماء النشويات حتى لو تبين تاكلين يكفي 4ملاعق رز او مكرونه وبالنسبه لساندوتش مثلا تكفي حبه وحده كم عيار تاخذين 50-75-100 |
رد: ارضع طبيعي
شكرًا ع النصائح يعطيج العافيه حبيبتي ام بتلاء
أخذ 50 وباجر بروح أسوي تحليل الغده من اول ويديد لانه من كم يوم وقفتها حسّيت مانفعت وياي ومن ولدت وانا مستمرة عليها ومارحت أسوي تحاليل لانه الدكتوره في حملي قالت لازم تستمرين عليها لين وقت الولاده بس ممكن توقفينها بعدين ولازم تحاليل قبل للتأكد وانا خذتها بدون ما أحلل ف يمكن علشان جي يتساقط شعري لعبت فيني لعب لانه نسبة الغده بسيطه الله واعلم باجر بحلل وبحط تجربتي شكرًا عزيزتي |
رد: ارضع طبيعي
الله يسر امرك وتكون تحاليلك كوبيسه
يعافيك غلااتي |
رد: ارضع طبيعي
صديقتي حملت بعد الاربعين مباشره
فممكن يكون حمل وممكن متل ماقالو البنات لخبطت هرمونات ضروري تراجعي الطبيب تتأكدي اذا حمل او لا وربنا يختارلك الافضل |
رد: ارضع طبيعي
امين يارب اجمعين ان شاء الله يا ام بتلاء
|
| الساعة الآن 12:04 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .