منتديات حوامل النسائية - علاوي القمر وصل ..

مرحبا حبايب ..

اخيرا خلصت من الكرشه هع .

ليلة الجمعه جيت من بيت اهلي 12 بالليل وماحس بتعب ولا وجع

ولا توقعت اني بولد ..

المهم نمت وحده ونص والساعه 3 الفجر جاني مغص قووي

يلف البطن والظهر تحملته شووي

وبعد دقيقتين رجع وانا اتوجع وابو الشباب نايم ومو حاااس

وضل اشووف ويجي الالم أقوى واصرخ صرخه والا بفزة ابو الشباب

وقال يالله اوديك قلت خل اصبر بس لا الالم كل شووي يزيد

قلت يالله خل ارووح اتطمن عالجنين ..

والمشكله زوجي قبل ليلتين مسووي حادث وانعدمت السياره اهئ

ومافي غير سياره ابو زوجي فاااان وبالموت يمشي يعني يمديني اولد

ولا وصلت المشفى ...

بس من حسن الحظ نزلنا من الشقه الا خطيب حماتي موجود

كان ناخذ سيارته وطير عالمشفى والشارع فاضي هذا احسن شي

يعني امش واقطع الاشااره ..

وصلت الطوارئ توني بصعد عالسرير الا ينفجر كيس الجنين

هو زين مانزل الماي بالسياره كان واه فشلتاه مع الرجال وسيارته

المهم كشفت علي قالت واحد سانتي يالله بنصعدك لان الالم بعد شووي بيزيد

صعدووني وكل خمس دقايق جاني الالم اقوى

المهم من خمس الفجر الى 11 الظهر 2 سانتي

وشووي وقام الالم يخف يجي كل ربع ساعه كل نص

وضليت لين الساعه 12 بالليل وانا اكل في هالتمر وامشي في السيب

حق المشفى وكل شووي ناديت الممرضى تكشف يوم صارت

الساعه 3 الفجر يوم السبت لاعة كبدي ورجعت قالت الممرضه كويس الحين

فتح الرحم زياده وسووت كشف وقالت اربعه سانتي يالله ولاده وينزلوني

غرفة الولاده وكل وحده تصرخ من جهه مأسااااه وانا وصلت خمس سانتي

وراح الالم ولا كأني بولد وكل شووي وحده تصرخ وتولد وانا جالسه اهئ

الى الساعه ثمان الا ربع يوم السبت الصبح الا شووي ويجي دكتور افريقي

قال انا من زمان ماسمعت صرااخ في الغرفه ويركب لي طلق صناعي

ودقيقتين واصرخ صرخه وتجي الممرضه وتكشف والا عشره سانتي

وعلى طووول ولاده ومع التعب والا حبيبي علاوي على صدري يمه فديته

عقبها نسيت اللي راااح كله ..

وجبت احلى قمر علااااوي وربي عوضني عن اللي راحوا الحمد لله hwaml7