منتديات حوامل النسائية - تجربتي الناجحه والحمد لله في الحقن المجهري مع مستشفي ءادم الدولي

منتديات حوامل النسائية (https://naqatube.com/index.php)

- منتدى أطفال الأنابيب (https://naqatube.com/forumdisplay.php?f=21)

تجربتي الناجحه والحمد لله في الحقن المجهري مع مستشفي ءادم الدولي

اولا هما فتحو فرع للعيادات في محافظه الاسماعيليه وانا لقرب المسافه ليا عن القاهره روحت تابعت في الاسماعيليه مع دكتور عمر المغاربي اول زياره ليا كانت قبل البريود بيومين عملت سونار داخلي واطمن علي الرحم والمبايض واداني فيتامينات زي جلكوفاج وفوليك اسيد وقالي تيجي تاني يوم البريود روحت تاني يوم حللت بس كام تحليل ورجعت تاني بعد يومين لاننا كنا مستعجلين وعايزين نعملها الشهر ده فضلنا اننا نبدا بالتنشيط بدانا تنشيط بحقن فستيمون 3 بودره في اليوم وحقن تحت الجلد لتعطيل تحكم الجسم بالبويضات وكنت كل 3 ايام بااروح اتابع تبويض والحمد لله كان في تزايد ولما وصلنا للحجم اللي الدكتور عايزه قالنا خدي الابره التفجيريه الساعه 10 الا تلت وخدتها وبعد 36 ساعه بتتعمل العمليه روحت يوم العمليه صايمه طبعا علشان البنج وبعد كده طلعت الغرفه لبست لبس التعقيم وانتظرت دقايق وروحت ع غرفه العمليات دخلت كنت بااقرا قرءان دكتور البنج سالني كام سؤال وبعد كده خدت البنج وفوقت بعد مده بسيطه علي الم بسيط في بطني لانهم بيدو فولتارين مسكن قبل ماتفوقي بعد كده انتظرت في الغرفه لما فوقت جابولي عصير ووجبه طبعا ومش مشينا من هناك غير لما اتطمنا علي عدد البويضات وعلي الحضانه للحيونات المنويه المهم روحنا تعبت بعدها شويه بطني كان بيوجع شويه بس بسيط
وكانت ايام عيد المهم رجعنا الاجنه اليوم الخامس من السحب كنت مخرجه 8 بويضات واتلقح بس 5 وزرعت 3 وجمدت اتنين والحمد لله ال 3 من الدرجه الاولي
المهم بااروح العمليه دس من غير صيام لانه مفيش بنج ده بالعكس بااروح اشرب هناك ميه كتيييير علشان المثانه تبقي مليانه دخلت غرفه العمليات بعد فتره قصيره وكانت بسيطه بس اصعب حاجه كنت عايزه ادخل الحمام والضغط كان قووي بس الحمد لله بسيطه خرجت نايمه علي السرير نمت علي ضهري هناك ساعتين زبعدين اخدت غرفه ونمت فيها يوم علشان الحرص ومشيت علي الصبح لانه كان سفر والحمد لله وصلت بسلامه فضلت منتظره بقا 10 ايام والدكتور كان قايل حللي اليوم ال 15 بس انا استعجلت وحللت بول اليوم العاشر وطلع خط خفيف اتاكدت في نفس اليوم اتاكدت بالدم الرقمي والحمد لله النسبه عاليه ادعولي بثبات الحمل وياااارب يكونو توام واي سؤال انا جاهزه